https://www.facebook.com/893461547403478/

Sirwan Maghded, Irbil (2026)

21/12/2025

ئەوڕۆ لە ئیدارەی ڕاپەڕین(ڕانیە) بووین لەوەختی کردنەوە شەریکەی پلانت ئینێرجی لۆ بەرهەمهێنانی پەینی کیمیاوی و کشتوکاڵی.

11/01/2025

بەینێ دی لەگەر هەندەك لە ئازیزان ڕێمان كەتە گەرمیانێ و لەوێش پیاسەكی قەڵای شێروانەمان كرد و چەند ڕسمەكمان گرت و پێمخۆش بوو هەندۆكەك لەو ڕسمانە دابنێم و باسەكی ئەو قەراتەش بكەم.
قەراتی شێروانە (قەڵای شێروانە) جێیەكی ئاسەوارە دەكەتە باشووری شارۆچكەی كەلار، كە ئیدارەی گەرمیانە، ئەو قەراتە لەسەر گردەكی دروستكرایە كە بەسەر كەلار و ئاوی سیرواندا دەڕۆنی، هەندەك دەرێن زەمانی ساسانیەكان دروستكرایە و هەندەكیش دەرێن ئەو قەراتە لەسەردەمی محمد پاشا جاف لە ساری ١٨٦٦ی زایینی دەست بە دروستكردنی كرایە كە سەرۆكی عەشیرەتی جاف بووە و بە هەشت ساران لە ساری ١٨٧٤ ئەوجە تەواو كرایە ، هەتا ئێستاش چەند جارەك ئەو قەراتە تەعمیر كرایتەوە، ئەو قەراتە مەساحەكەی نێزیكەی ٤٠٠ مەترە دووجایە و برندیەكەی ٧ مەتر و ٩٥ سانیمەترە هەتا ستارەی قاتی دووەم، و دیوی پشتەوەی برندیەكەی ٧ مەترە ، ئەو قەراتە لە سێ قاتی پێك هاتیە ژێرزەمین و قاتی سەر عەردی و قاتی سەرەوەش، دەركەكی ڕەئیسی دوو دەركەیی هەیە لۆ چوونە ژۆرێ لۆ ناو قەراتەكەی كە لە داری گیزی دروستكرایە لەگەر پەنجەرەكان، دیوارەكانی ئەو قەراتەی لە خۆر و بەرد و گێچ و قسڵ دروستكراینە، ئەو قەراتە سێ هۆدەی گەورەو چەند هۆدەكی گچكەشی تێدایە لەگەر پێبلقەی لۆ بەسەر كەتنی قاتی سەرەوەو سەربانی، وە ئێستاش ناوەوەی ئەو قەراتەی كرایتە مەتحەفەكی خۆش لۆ كەرستە كوردەواری و كەونەكان.
ئەمنیش قسەم خڵاس و ئەنگۆش هەر ساغ بن یاڕەبی
سیروان مەغدید دیبەگەیی
هەولێر ١١ – ١ – ٢٠٢٥

29/09/2024

دەگێڕنەوە ئاسۆ پێش ئەوەی بڕوا لۆ مەكتەبێ بە مام ونسی باپیری گۆت، باپیرە ئەتوو ددانت هەیە؟
مام ونس زەردەخەنەكی كردو هەناسەكی قۆری هەركێشا وگۆتی.. كوڕم ئەو ژیانە زۆر چشتی فێركردیمە، ددان وەكی برادەریە لەگەرت. دەبی بەباشی بیانشۆین و ئاگامان لێیان بێ هەتا ئیستیفادەیان لێبكەین. ئەگەر ئازاریان بدەین ئەوە ژان دەكەن و ئازارت دەدەن. وە ئەگەر خۆشت بوێن بە خاوێنی ڕایانبگرین ئەوە ڕەنگەكی سپی جوانمان دەدەنێ و لەبەری ئیسراحەت دەكەین.
ئەو ددانەی دێشی و لەدەستی دەدەین وەكی برادەرەكی وایە لەگەرت كە ئازارت دەدا و دەری دەینی پاشان ئیسراحەت دەكەی و ئازارەكەی نامێنێ و لەبیری دەكەی، بەس ئەو بۆشاییە وەك یادگاری هەردەمینێتەوە قەت جێی پڕ نابیتەوە.
ئەوجە با پێت برێم كوڕم ئەمن هەموو ددانەكانم لەدەستدایە و هیچم نمایە.
بەس پێم برێ كوڕم لۆ ئەو پرسیارەت كرد؟
ئاسۆ گۆتی.. ویستم سێوەكەم لەكنت بەجێبێلم هەتا دەچمە مەكتەبێ و دێمەوە.
ئەنگۆش هەر ساغ بن.
سیروان مەغدید دیبەگەیی
هەولێر ٢٩ – ٩ – ٢٠٢٤

بە دەستكاریەیوە لە عەرەبی وەرمگێڕایە

24/09/2024

ئەوڕؤ لە ماڵی وەفایی بووین لەكاتی ناساندنی كتێبی((فەرهەنگی بژوێن)) كە فەرهەنگێكی كشتوكاڵی كوردی-كوردییە، لە لایەن مامۆستا عەباس نادر كۆكردنەوەو ئامادەكردنی لۆ كراوە، هەر لەوێ مامۆستا عەباس كتێبێكی بەدیاری پێبەخشیم و درم پێی خۆش بوو و ماری هەردەم ئاوەدان و ئاوابی و نەخشە لە بەرهەمی زیاتر بی.

11/09/2024

دەبا خەممان خەمی خاک بێ و خەمی خاکمان لە سەر چاو بێ،
پردی سوێری كە ناسراوە بە ئاوبار لەلایەن كاك رەوەست نەوزاد وەكو خەمخۆرێك كرا بە ڕاپۆرت و لە ژمارەی ئەوڕۆی رۆژنامەی كوردستانی نوێ ی بڵاوكردەوە، دەستەكانی ساغ بن

29/07/2024

با لۆتان بگێڕمەوە .... ناوی ئەو كتێبەیە ئەگەر عومر باقی بی لەو ماوەیە طبع ی دەكەم، ئەو كتێبە ٨٨ چیرۆك و گێرانەوەی تێدایە كە جێی تێڕامان و عیبرەتن بەشێوەزاری خۆمانە نووسیتمەوە. گەلەك مەمنون لۆ كاك بەختیار پاڵانی كە زۆر ماندی بووە لەگەرم لۆ حازركردنی ئەو كتێبە.

25/07/2024

دەگێڕنەوە رۆژەك لە مەكتەبێ مامۆستا ئەكرەم بە تەلەبەكان دەرێ ئینسان بە چ چشتەكی جوان دەبی و دەكەتە بەر دران ؟
فریاد گۆتی بە چاوەكی گەورە وجوان. هێمن گۆتی بە بەژن و باراو شان و شەوكەت بی جوان دەبی. كاوە گۆتی ئینسان ڕەنگی سپی بی و پیستەكی جوانی هەبی ئەوها بەرچاوو جوان دەبی.
مامۆستا ئەكرەك ویست تەڵەبەكان حاری بكا، لۆیێ دوو بەرداغی هینا، یەكەكیان بە كریستاڵ و زیوی ڕازابۆوە بە بەرداغی مارە پاشایان دەچوو، بەرداغەكەی دی لە قوڕێ دروست كرابوو، ئاوی لە هەردوو بەرداغەكان كرد، مستە خۆرەكی هینا و لەناو بەرداغە جوان و بە كریستالەكەی كرد و ئاوەكەی كردە قوڕاو، ئاوی ناو بەرداغە قوڕەكەشی دەستكاری نەكرد ئاوەكی خاوێن و باوێن بوو دەیگۆت زەنگورە.
پاش ئەو سەیرو بەینەی، مامۆستا ئەكرەم بە تەڵەبەكانی گۆت ئێستا ئاوی كامە بەرداغی دەخۆنەوە؟؟!!
هەموو گۆتیان مامۆستا ئاوی ناو بەرداغە قوڕەكەی دەخۆینە.
مامۆستا ئەكرەم گۆتی ئێستا ڕۆن بۆوە كە گرنگیتان بە جوانی بەرداغەكەی نەدا و جوانیەكەی هیچ سوودی نەبوو، ئەوەی گرنگ بوو ئاوە خاوێنەكەی ناو بەرداغە قوڕەكەی بوو، لۆیێ چشتەكان بە ناوەڕۆكەكانیان قیاس بكەن نەوەك بە سەروشكلیان، ئەنگۆش هەر ساغ و سەحەت باش بن.
سیروان مەغدید دیبەگەیی
هەولێر ٢٥-٧-٢٠٢٤

بە دەستكاریەیوە لە عەرەبی وەرمگێڕایە

21/07/2024

دەگێڕنەوە مریشك فرۆشەك هەبوو ناوی عەزیز بوو بەس لەبەر فرت و فێرەكانی خەركی پێیان دەگۆت عەزەی قۆربڕ. رۆژەك پلكە عەیشان مێوانیان دێتن و دەچتە كن عەزەی و سەلامی لێ دەكا ودەرێ عەزە مریشكەكی گەورەم بدێ مێوانم هەیە، عەزەش هەر یەك مریشكی مابوو مریشكەكەی هینا و هێخستیە سەر قەپانی و گۆتی ئەو مریشكە ١،٥ یەك كیلۆ ونیوە، عەیشان گۆتی ئەگەر هەیە مریشكەكی گەورەترم بدێ، عەزەش مریشكەكەی بردەوە ئەو دیوی و هەندەك خۆی تاخیر كرد هەمان مریشكی هیناوە لەبەر ئەوەی بەس ئەو مریشكەی مابوو مریشكەكەی یەخستە سەر قەپانی و بەدەستی هەندەك قەپانەكەی داگرت و گۆتی ئەوە دوو كیلۆیە، عەیشان دەستی عەزەی دیت وەكی لەسەر قەپانی دانایە لۆ ئەوەی قورس بی و زانی عەزە فێری لێدەكا، لۆیێ گۆتی ئێ زۆر باشە مادام هەردوو مریشكم لۆ دانێ.
عەزە چووە جێی مریشكان و لەوێ سەری خۆی شۆڕكرد و هەتا ئێستاشی لەگەر دابی نەهاتەوە كن عەیشانێ و ڕووی نما لەو مەملەكەتەش بمینێ.
لۆیێ هەر ڕاستگۆ بن و پەتی درۆی كورتە، راستگۆیی سومعە و كەرامەتی بەشەری حفز دەكا.
ئەنگۆش هەر ساغ و سەحەت باش بن یاڕەبی
سیروان مەغدید دیبەگەیی
هەولێر – ٢١/٧/٢٠٢٤

لەعەرەبی وەرمگێڕایە بە دەستكاریەوە

12/07/2024

حاری بەو زوو بڕیارمەدە
مامۆستا ڕەحمان حیسابی بە سەفی یەك دەگۆتەوە، رۆژەك لە سەفێ گۆتی كوڕم هیوا هەستە بزانم ئەگەر سێوەكت بدەمێ دوایێ سێوەكی دیت بدەمێ دەكا چەند سێوت پێیە؟
هیوا گۆتی ..مامۆستا سێ.
مامۆستا رەحمان چەند جار ئەو قسانەی دووبارە كردەوە، گۆتی نەوەك هیوا بەباشی حاری نەبیتن، هیوا هەندەك داماو بە پەنجە گچكەكانی لێكی داوە و گۆتی دەكاتە سێ.
مامۆستا ڕەحمان زۆر توڕە بوو و گۆتی واز لە سێوی بینە ئەگەر پرتەقارەكت بدەمێ، دوایێ پرتەقارەكی دیت بدەمێ ئەوە دەكا چەند پرتەقارت پێیە ؟ هیوا گۆتی دوو.
مامۆستا ڕەحمان گۆتی ئافەرین ئەوجارە زانیت، ئەدی ئەگەر سێوەكت بدەمێ دیسان سێوەكی دیكەت بدەمێ، چەند سێوت لەكنە؟
هیوا دیسان گۆتی سێ سێو.
مامۆستا ڕەحمان زۆر تووڕە بوو بەدەنگەكی گەورەو هاوارەوە گۆتی هیوا ئەتوو ئەوڕۆ شێتم دەكەی باشە پێم نارێی پرتەقارو سێو فەرفیان چیە ؟!؟ سێوەكت بدەمێ و سێوەكی دیشت بدەمێ كو دەكا سێ؟
هیوا بەترس و لەرزەوە گۆتی ئاخر مامۆستا بەخۆشم سێوەكم لەناو جانتایە بەو سێوەش دەكاتە سێ.
مامۆستا ڕەحمان ساردبۆوەو دەستی بەسەری هیوای داهینا و گۆتی هەی عافەرین، چەپرەكی لۆ هیوای لێدەن.
لۆیێ وا باشە لە چشتان حاری بین و زوو بڕیاران نەدەین.
ئەنگۆش هەر ساغ و دوورە بەرا و نەخۆشی بن
سیروان مەغدید دیبەگەیی
هەولێر ١٢ – ٧ -٢٠٢٤

لە عەرەبی وەرمگێڕایە بە دەستكاریەوە

29/06/2024

دەگێڕنەوە برايم پاشا بەكن ئاشەكیدا ڕۆیشت و دیتی وا كەرەك بە گوریسەكی بەسترایتەوە و زەنگورەكیشی بەملی وەكرایە و كەری بەستەزمان دەسووڕێتەوە.
برايم پاشا بە ئاشەوانەكەی گۆت لؤ ئەو زەنگورەت لەملی ئەو كەرەی كردیە؟
ئاشەوانەكە گۆتی..جەنابی پاشا ئەو كەرە ئەگەر بسوڕێتەوە ئەوە دەنگی زەنگورەكەی دێتن، هەر وەختەكیش دەنگی زەنگورەكەی نەهات ئەوە دەزانین كەرەكە ڕاوەستایە و ئیشێ ناكا.
برایم پاشا گۆتی.. ئەدی ئەگەر كەرەكە ڕاوەستا و بەس لەجێوە سەری لەقاند، ئێ خۆ زەنگورەكە هەر دەنگی دێتن؟!؟!؟؟
ئاشەوانەكە گۆتی.. وای لۆ كەرەكی ئەوها مێشكی وەكی مێشكی پاشای بی و ئەوها فكر بكاتەوە.
ئەنگۆش هەر ساغ و دوورە بەرا بن.
سیروان مەغدید دیبەگەیی
هەولێر ٢٩ – ٦ – ٢٠٢٤

لە عەرەبی وەرمگێڕایە بە دەستكارییەوە

Sirwan Maghded

21/12/2025

11/01/2025

29/09/2024

24/09/2024

11/09/2024

29/07/2024

25/07/2024

21/07/2024

12/07/2024

29/06/2024

Address

Website

Alerts

Shortcuts

Share

Category

Listing takedown request