Peshmarga cultural center

23/08/2026

سەنتەرێ پێشمەرگە یێ رەوشەنبیری دێ رابیت ب گێرانا رێورەسمێن ئیمزاکرنا پەرتووکا "أضواء علی المناطق الكوردستانية في نينوی" (روناهیەک ل سەر دەڤەرێن کوردستانی ل پارێزگەها نەینەوا) کو ژلایێ چەندین مامۆستایێن زانکۆیێ یێن تایبەتمەند ڤە هاتیە ئامادەکرن، و ب پالپشتیا بۆردێ مادێ 140 یێ سەر ب حکومەتا هەرێما کوردستانێ ڤە هاتیە چاپکرن، ل ڕۆژا دوشەمبی رێککەفتی ٢٠٢٦/٨/٢٤، ل دەمژمێر(5)ی ئێڤاری، ل هۆلا سەنتەرێ پێشمەرگە یێ رەوشەنبیری.
برگەیێن روینشتنێ:
- پەیڤا رێزدار (دژوار فائیق)راوێژکارێ بالا و نوینەرێ حکومەتا هەرێما کوردستانێ د لیژنا مادێ ۱٤٠ ل بەغدا.
- کورتییەك ل دۆر پەرتووکێ ناڤەروک و قوناغێن وێ. ژلایێ سەرپەرشتێ پەرتووکێ ڤە مافپەروەر (دلگش صادق)
- سوپاسیا ڤەکولەران.
- ⁠بەلاڤكرنا پەرتووکێ.

22/08/2026

پیرۆزباهییێ ل سەرۆك و لێڤەگەرێ کوردا سەرۆك (مەسعود بارزانی) دکەین، ب هەلکەفتا وەرگرتنا خەلاتێ ئاستبەرزییا رێزلێنانا قەداسەتا پاپایێ ڤاتیكانێ. ب ڤێ هەلکەفتێ پیرۆزباهییێ ل تەڤایا پێشمەرگە و خێزانێن شەهید و ئەنفالکری و خەباتکارێن کورد و تەڤایا ئاشتیخوازێن جیهانێ دکەین.

21/08/2026

ئەڤڕۆ ل رێککەفتی ٢٠٢٦/٨/١٩ێ، سەنتەرێ پێشمەرگە یێ ڕەوشەنبیری دووماهی ب خولا زارۆکان یا فێربوونا زمانێ ئینگلیزی و کارامەییان ئینا، ئەوا د وەرزێ هاڤینێ دا هاتبوو ڤەکرن.
ئەڤ خولە بۆ ماوێ ٢٠ ڕۆژان بەردەوامبوو، و زێدەتری ١٥ زارۆکان تێدا بەشدار ببوون. د ڕێوڕەسما دووماهیێ دا، خەڵات و باوەرنامێن ڕێزلێنانێ ل سەر بەشداربوویان هاتنە بەخشین.

20/08/2026

19/08/2026

ئەڤڕۆ ل رێککەفتی ٢٠٢٦/٨/١٩ێ، ب هەلکەفتا ١٦ی تەباخێ سالرۆژا دامەزراندنا پارتی دیموکراتی کوردستان، تۆڕا میدیایی یا کوردستان ب هەڤکاری دگەل مەکتەبا ڕێکخستنا پارتی ل دەڤەرا بەهدینان،، کۆنسێرتەکا هۆنەری بۆ ڕاگەهاندنا سروودا نیشتمانی یا (ئارمانجا بلند) بۆ هۆنەرمەند (محەمەد تاها ئاکرەیی) ل هۆلا کۆنفرانسان ل زانکۆیا دهۆک سازکر.
د ڤێ چالاکییا هۆنەری دا، ستافەکێ سەنتەرێ پێشمەرگە یێ ڕەوشەنبیری ب سەرپەرشتیا خانم (عقید غریبا یاسین)، بەرپرسا سەنتەرێ پێشمەرگە یێ ڕەوشەنبیری تێدا بەشداربوون وەک پشتگیری بۆ بەرهەمێن هۆنەری و نیشتمانی دەڤەرێ .

18/08/2026

ئەڤڕۆ ل رێککەفتی ٢٠٢٦/٨/١٨ێ، سەنتەرێ پێشمەرگە یێ ڕەوشەنبیری رابوو ب ڕێوڕەسمێن ئیمزاکرنا پەرتووکا ب ناڤێ (مێرگا گوندێ بێبۆ، سەنتەرێ ناحیا نێروە و رێکان) یا نڤیسەر (موسا ئیسماعیل نێرۆوەیی) سازکر.
بڕگەیێن ڤێ چالاکیێ پێکھاتبوون:

-مامۆستا "هەڵکەفت عەبدولواحەد". خواندنەک دا ناڤەرۆکا پەرتووکێ .
-نڤیسەرێ پەرتووکێ د پەیڤەکێ دا گرنگی و ئاستەگێن پەرتووکێ بەحسکرن.
-خەڵاتکرن:چەند خەڵاتێن ڕێزلێنانێ بۆ نڤسیەرێ پەرتووکێ هاتنە پەخشین.
-د دووماهیا ڕێوڕەسمی دا پەرتووک ل سەر ئامادەبوویان هاتە دابەشکرن و ئیمزاکرن.

17/08/2026

هێرشا ترسنۆکی یا درۆنی یا بومرێژکری لسەر نڤیسینگەها سەرۆك وەزیرێ هەرێما کوردستانێ (مەسرور بارزانی) شەرمزار دکەین، هێرشکرنا لسەر نڤیسینگەها سەرۆک وەزیری هێرشکرنە لسەر تەڤایا کوردستانیان، بەلێ چەند هێرشێن ترسنۆکی مەزنتر لێبهێن کاروانێ خەباتێ و ئاڤەدانییا کوردستانێ دێ مەزنتر و بەرفرەهتر لێهێت.

16/08/2026

١٦ی تەباخێ سالڕۆژا دامەزراندنا پارتی دیمۆکراتی کوردستان و ژ دایکبوونا سەرۆکێ پێشمەرگە (مەسعود بارزانی) پیرۆزدکەین.

ل رێککەفتی ١٦ی تەباخا ١٩٤٦ێ پارتی دیمۆکراتی کوردستان ل مهابادا پایتەختێ کۆمارا کوردستانێ ل رۆژهەلاتێ کوردستانێ ل سەردەستێ (مەلا مستەفا بارزانی) هاتە دامەزراندن، ئەڤ هەلکەفتە یا هەڤدەمە ل گەل ژ دایکبوونا رێزدار سەرۆک(مسعود بارزانی)

-پارتی دیمۆکراتی کوردستان دژییێ ٨٠ سالێن خزمەتێ ١٤ کونگرە گرێداینە.
-ل دەستپێکێ ناڤێ وێ پارتی دیموکراتی کورد بوو. پاشی ل کونگرێ سیێ ٢٦ێ کانوونا دووێ ١٩٥٣ێ ل کەرکوکێ هاتیە گوهۆرین بۆ پارتی دیموکراتی کوردستان.
-ژ دامەزراندنا پارتی هەتا کونگرێ ٩ێ ١٩٧٩ێ رێبەرێ گەلێ کورد(مەلا مستەفا بارزانی) سەرۆکێ پارتی بوو.
-ل کونگرێ ٩ێ ل ناڤەراستا هەیڤا ٥ل سالا١٩٧٩ پشتی وەفاتکرنا رێبەرێ گەلێ کورد بارزانیێ نەمر، رێزدار سەرۆک(مسعود بارزانی) ب پرانیا دەنگێن ئامادەبوویان دهێتە هەلبژارتن بۆ سەرۆکێ پارتی پارتی دیمۆکراتی کوردستان.

13/08/2026

ئەڤرۆ ل رێککەفتی ١٣/٨/٢٠٢٦ێ ب هەلکەفتا سالڤەگەرا ١٦ی تەباخێ سالرۆژا دامەزراندنا پ.د.ك و ژ دایکبوونا سەرۆك (مەسعود بارزانی) ستافەکێ سەنتەرێ پێشمەرگە یێ رەوشەنبیری پشکداری دیتنا بەلگە فیلمێ (عەرعەر و سەیێن عەجاجی) بوون، ئەڤ بەلگە فیلمە ژلایێ تۆرا میدیا یا کوردستان و لقێ ئێك ڤە هاتییە بەرهەمئینان، ل بارەگایێ لقێ ئێك.