17/12/2023
هاي القصيده حنيت لبيت اهلي القديم ورحت ولكيت البيت خالي ألله يرحم ابي وامي والي فقدتهم من اهلي وكَفت على الباب وكَلت
أحتاجيت الهوى وجيت انه مخنوكَ
اجر كَوه النفس من صدري يادوب
رحت وعاينت بيبان العزاز
وشفتها مسدده و مقفله البوب
أثاريهم بعدهن خضره علكَاع
ومن ماي الذهب متروسه الحبوب
مشروره الملابس فوكَ الحبال
وعطر بيهن يشع من طيب الكَلوب
وكَلت هذا النزل لو انه غلطان
يجوز اندار راسي وفكري مكَلوب
وكَفت وطاح دم رجليه للكاع
أباب أعزازنه لحد جلت الغروب
طلع جيرانهم من سمعو الباب
يندكَ والدمع من عيني مصبوب
من سافرو هم كَالولكم وين
ماكَالو يجي يعايدنه محبوب
نشدت الناس عنهم هم يرجعون
لو سار الضعن بيهم فرد نوب
جاوبني الصدى فيارهم ضاع
وهذاك فراشهم بالكاع مذبوب
أذا تنشد عليهم مايردون
ودشاديش البسو مابيهن جيوب
بجينه وبالدمع رخينه العيون
لحد ماطاحن وماضلن هدوب
توضينه وقصر صلينه بالبيت
صلاة هواي بيها أ تطيح الذنوب
ماناسينهم لاوالعفيفات
والراحن سبايا وشكَن الثوب
