Emtedadat - إمتدادات

Emtedadat - إمتدادات مشروع ثقافي، يهدف الى تقديم فنون الأداء والفنون المدمج

18/04/2023

قصص ناس منسيين...

ضمن مساعيها لنشر الوعي البيئي، ولفت النظر الى التحديات البيئية التي يواجهها السكان في الأهوار العراقية ، قررت مجموعة من ...
10/04/2023

ضمن مساعيها لنشر الوعي البيئي، ولفت النظر الى التحديات البيئية التي يواجهها السكان في الأهوار العراقية ، قررت مجموعة من المنظمات العاملة في قطاعات مختلفة كالثقافة، والبيئة، والتنمية، العمل معا لتنفيذ حملة اعلامية مشتركة، ويسر مشروع Emtedadat - إمتدادات ان يكون شريكا في جهود التوعية البيئية، لتعريف جمهورنا بالمخاطر البيئية، والعمل معا لايجاد الحلول الكفيلة بتخفيف الضرر، وانقاذ الأهوار التي تمثل جزء كبير وحاضر من موروثنا الثقافي وثروتنا البيئية.
دار سوباط الثقافية Sb
منظمة الفردوس لبناء السلام Alfirdaws Org. for Peace Building
منظمة أوزون للخدمات العامة والتنمية المستدامة


الدار حديثة التأسيس ولكن روح الدار قديمة جدا...واحدة من الدور الثقافية المعنية بالشباب في البصرة دار سوباط الثقافية دار...
26/02/2023

الدار حديثة التأسيس ولكن روح الدار قديمة جدا...
واحدة من الدور الثقافية المعنية بالشباب في البصرة دار سوباط الثقافية دار سوباط الثقافية Sb
تسعى دار سوباط الى خلق بيئة تشاركية حاضنة للشباب في البصرة، ولخلق عالم صغير قائم على قراءة الكتب وتداولها والحديث حولها لتشجيع النشاط الثقافي في المدينة.

اخبار حلوة!😃ارسالنا دعوات لاجراء المقابلات للدفعة الاولى من المتقدمين للانضمام لمشروع إمتدادات في البصرة، وقريبا راح نبع...
04/08/2022

اخبار حلوة!😃

ارسالنا دعوات لاجراء المقابلات للدفعة الاولى من المتقدمين للانضمام لمشروع إمتدادات في البصرة، وقريبا راح نبعث ايميلات المتأهلين في بغداد.

اذا كنت/ كنتي من المتقدمين الي قدموا على الاستمارة خلال شهر حزيران او تموز، تأكد/ تأكدي من ايملك..لأن ارسلنا دعوات المقابلات للمتقدمين المؤهلين، واكد/ اكدي استلامك للرسالة من خلال الرد على الايميل.

بانتظاركم...
#إمتدادات

25/07/2022

اذا كنت/ كنتي:
* مهتم/ مهتمة بتعلم المزيد حول الادب والفن والتواصل الثقافي،
* او كنت تبحث عن فرصة للمشاركة في اعمال فنية.
* و ترغب/ ترغبين في خوض مغامرة جديدة مع شباب يحلمون بتغيير العالم ولو قليلا،
* واذا كان عمرك بين 18-30 عاما، وكنت من سكنة محافظة بغداد او محافظة البصرة،
فانت في المكان الصحيح..

يقدم لك مشروع إمتدادات فرصة الانضمام الى فريق عمل المشروع في محافظتي بغداد والبصرة بصفة متطوع، حيث سيكون بامكانك الانضمام بشكل مجاني الى ورشنا التدريبية في مجالات الفنون، اضافة الى فرصة المشاركة في اعمال فنية مثل المسرح وفنون التراث والفنون التشكيلية ..وغير ذلك.

يمكنك التقديم من خلال الاستمارة قبل 15 /8 / 2022، وسيتم التواصل مع المتقدمين المؤهلين خلال الفترة القادمة.
https://forms.gle/fhTs2smvn8miWxj87

#إمتدادات

شنو لازم تتوقع من تزور عمل فني لإمتدادات؟ وشنو الشي المميز في تجربة تخوضها انت مع عمل من اعمال إمتدادات؟مشروع "إمتدادات...
22/07/2022

شنو لازم تتوقع من تزور عمل فني لإمتدادات؟
وشنو الشي المميز في تجربة تخوضها انت مع عمل من اعمال إمتدادات؟

مشروع "إمتدادات" كخط انتاجي، معني بشكل اساسي بالفنون الادائية الحية، اي الفنون الي تتضمن تواصل مباشر مع الجمهور، مثل العروض الموسيقية الحية، الاعمال المسرحية، الاعمال التشكيلية التفاعلية، وحتى جلسات القراءة الجماعية، والتأليف الجماعي، والالعاب.

المميز في رؤية "إمتدادات" هو انه يقدم الفنون بصورة مدمجة، يعني يجمع اكثر من نوع من الفن في عمل واحد، فمثلا ممكن يكون العمل (مسرحي/تشكيلي) او (موسيقي/مسرحي) او (تراثي/ تفاعلي) وغير ذلك، وهذا حتي يسمحلك بتجربة الانواع الي تعرفها وتحبها من الفن، وبنفس الوقت يسمحلك تأخذ فكرة عن الانواع الجديدة الي ما مجربها قبل.
طبعا هذا بالاضافة للقيمة الجمالية المضافة الي تتكون من العمل الفني النهائي يستعير عناصره من انواع فنية مختلفة.

وانتو؟ شنو نوع الفن المفضل عندكم؟ وليش؟
#إمتدادات

تخيلوا من مشروع فني يرفع شعار احنا راح نشارك معك الفنون الي انت اصلا ما تهتم الها!طيب ليش ..ليش احنا كإمتدادات مصرّين "ن...
08/07/2022

تخيلوا من مشروع فني يرفع شعار احنا راح نشارك معك الفنون الي انت اصلا ما تهتم الها!
طيب ليش ..ليش احنا كإمتدادات مصرّين "نشارك الفن مع اولئك الذين لا يهتمون به"
الحقيقة احنا نعتقد انو معظم الشباب الي ما مهتمين بالفنون هما ما رافضين الفكرة لأن ما يحبون الفنون، وانما لإن ما جربوها قبل، او لأن صارتلهم تجارب قليلة لكن سلبية ، تجارب خلتهم يشعرون بأن فنون مثل المسرح، او العروض الموسيقية، اوالتركيب مثلا هي فنون بعيدة عنهم ، ما تشبهم، ما يعرفون يفسروها، او ما يقدرون يستمتعون بيها..
بس كثير مرات بحياتنا نجرب اشياء ما متوقعين نستمتع بيها، نجربها مضطرين ، او بناء على دعوة اصدقاءنا واحباءنا...وبعدين نحبها ونصير نستغرب شون تركناها تفوتنا من قبل!
لهذا يجوز اذا غامرنا احنا ودعيناكم حتى تتواصلون معنا من خلال الفنون ، وغامرتوا انتو واجيتوا،.يجوز راح يتغير هذا الشعور..
احنا نسعنى انو تحبون تجاربكم معنا وانو تترك عندكم مشاعر دافئة:)
حتى نفهمكم اكثر... اكتبولنا شنو الاشياء الي (ما) تحبوها بالاعمال الفنية الي تشوفها سواء مسرح او دراما او سينما او موسيقى او اي شي ثاني؟
#إمتدادات

ماذا لو...كدرنا نخلي الكل يكدر يستوعب الفكرة الي جاي تحاول نوصفها..او الاجمل..كدرنا نخلي الكل يشعر بنفس الشعور الي جاي ن...
03/07/2022

ماذا لو...
كدرنا نخلي الكل يكدر يستوعب الفكرة الي جاي تحاول نوصفها..
او الاجمل..كدرنا نخلي الكل يشعر بنفس الشعور الي جاي نحاول نوصله..
يجوز الطريقة الوحيدة الي تخلي هذا الشي ممكن هي الفن..
اذا جربت تكون جزء من عمل فني حقيقي راح تكتشف انو هو يكدر يساعد هواية ناس حتى يعيشون شعور موّحد رغم هم جدا مختلفين..

بالنتيجة اذا حاولنا نستخدم الفن حتى نوصل للشعور المشترك والفكرة المشتركة..راح نجد انفسنا -كمجتمع- قادرين انو نفهم بعض اكثر، وانو نتعاطف مع بعض أكثر..

وانتو..شنو العمل الفني (فيلم، اغنية، لوحة ..الخ) الذي سوى عندكم شعور قوي ما كدرتوا تنسوه..وشنو كان هذا الشعور؟

#إمتدادات

شنو هو صندوق بريد "إمتدادات"؟ وشون تكدر تستفيد منه؟صندوق بريد إمتدادات، هو صندوق بريد فعلي، جاي يعمل حاليا على تثبيته في...
02/07/2022

شنو هو صندوق بريد "إمتدادات"؟ وشون تكدر تستفيد منه؟

صندوق بريد إمتدادات، هو صندوق بريد فعلي، جاي يعمل حاليا على تثبيته في مجموعة من الأماكن الثقافية في محافظة البصرة، بس كيف راح تستفيد منه انت كشخص لطيف وحبوب؟ او انتي كبنية لطيفة وحبوبة؟

* مبادرة بريد امتدادات راح تساعدك تطور موهبتك، او المجال الي انت مهتم/ مهتمة بيه. فمثلا اذا كنت تحب كتابة القصة، او الرسم، النحت، العزف على آلة موسيقية، التمثيل، التصوير، التعليق الصوتي...وغيرها، تكدر ترسلنا رسالة على الصندوق، مع نماذج من اعمالك والاشياء الي انت محتاجها حتى تطور امكاناتك، واحنا راح نرد عليك ونوجهك على اهم الفرص المتوفرة المناسبة الك من مسابقات او تدريبات او حتى فرص عمل ان وجدت.

- بس هيجي؟؟

لا ، مو بس هيجي .. همين راح نبعثلك دعوات خاصة، ومقاعد مجانية، او مقاعد باسعار مخفضة للايفنتات والاحداث الثقافية الي جاي تصير بمحافظتك، خاصة من تكون متعلقة بالنشاط الثقافي الي انت تحبه.

- وبس هيجي؟؟

لا..مو بس هيجي، اذا كنت طالب جامعي او طالب في المرحلة الاعدادية، راح نوفرلك كوبونات حتى تحصل المنتجات الثقافية باسعار خاصة، بحيث من تقدم كوبون "إمتدادات" لاصحاب المكتاب مثلا، راح تحصل الكتب بخصم خاص!

- وبعد؟

من تراسلنا وتصير من اصدقائنا في المراسلة، راح نعمل على ربطك باصدقاء أخرين عندهم نفس الاهتمامات وهذا راح يساعدكم تشتغلون سوية وتتطورون سوية، فمثلا أذا تحب تكتب سيناريو ..راح نربطك بشباب اخرين يحبون يخرجون فيلم!..وهكذا

- زين اكدر اكتبلكم عن تحدياتي الدراسية، او مشكلات جاي تواجهني بالتعامل مع المجتمع المحيط بيه؟ او تطوير نفسي كشخص؟ ..واحزاني واشجاني ومشاكل بيتنا؟

-- تكدر..🥲

- زين شون اكدر اكتبلكم، واستلم منكم الرد؟ وين اروح؟ شنو اسوي؟

-- تابع منشوراتنا القادمة وراح نشرحلك بالتفصيل، وتواصل معنا عبر رسائل الصحفة وراح نكون جدا متحمسين نرد عليك ونتواصل معك 😀

#إمتدادات

01/07/2022

صندوق بريد "إمتدادات" هو محاولتنا للتواصل معكم..
حتى تعرفون أكثر عن صندوق البريد وكيف بإمكانكم تكونوا جرء من هذه المبادرة، ترقبوا المنشورات القادمة:)

#إمتدادات

28/06/2022

شنو القصة؟
وشنو محتوى الرسائل باعتقادكم؟
#امتدادات
#تلفزيون

Address

الجبيلة
Baghdad

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+9647700510483

Website

Alerts

Be the first to know and let us send you an email when Emtedadat - إمتدادات posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Emtedadat - إمتدادات:

Shortcuts

Share

Category