27/11/2020
-------------- প্ৰাচিন ----------
লাহে লাহে গোট খায়
নগৰৰ বেৰাত প্ৰাচিন প্ৰাচুৰ্য
অনিৰ্দিষ্ট আকাৰত ফুলৰ গোন্ধ
কিবা বিজতৰীয়া ৰঙ এটাত
একোচা আহিনৰ মেঘৰ দৰে কেশ
অৰ্থহীন পৰিসীমাত সপোনৰ মাদল
মাদলৰ ঢৌৱে ঢৌৱে দুখৰ বাৰ্তালাপ
মাদলৰ ঢৌৱে ঢৌৱে দুখৰ বাৰ্তালাপ
কোন চাদৰৰ ভাঁজ খুলি
মৰম ছটিয়াব বৰষুণে
স্বপ্নৰ বেসুৰীয়া চাইৰেন
দিচটিউন হোৱা গিটাৰৰ তাঁৰবোৰ হৈ
গুনগুনাই বিষাদৰ স্বৰগম
ধনশ্ৰী ৰাগ এটা
"কানাইৰ কমলমুখ পেখিতে নয়ন সুখ"
সেইদিনালৈ মোৰ ওচৰা-উচৰিকৈ আছিল
বিষাদগ্ৰস্থ লাওখোলা এটা লৈ
পেঘেনিয়াই পেঘেনিয়াই সোধি আছিল মোক
উত্তেজনামিশ্ৰিত নাভূত-নাশ্ৰুত
কিছুমান উপদেশ দি মই মুকলি হ'ব বিচাৰিলোঁ
তথাপি দুখৰ কাৰণ নহয় এইবোৰ
ৰঙাহোৱাৰ বেলিকা মোৰ কিবাযেন লাগিব
লাহে লাহে গোট খাব খং, হতাশা
বিৰবিৰোৱা শব্দবোৰে
নগৰৰ বেৰাত কোলাহল কৰিব
"ইচ, তুমি এনেই ধুনীয়া চুলিত আকৌ ৰং কিয়"
সৌ দুৰণিত ৰিণি ৰিণি মাদলৰ লহৰ
সৌ দুৰণিত ৰিণি ৰিণি মাদলৰ লহৰ
দিব্যজ্যোতি ডিব্ৰুৱাল
