20/12/2023
നിഷ്ഠാ എന്നത് വ്യവസ്ഥ, താല്പര്യം, ദൃഢനിശ്ചയം, സ്വധർമ്മത്തിലുളള ശ്രദ്ധ എന്നൊക്കെ വ്യുത്പത്തി. അതുതന്നെയാണ് നൈഷ്ഠികം എന്ന പേര് തിരഞ്ഞെടുത്തത്. സ്വയം വ്യാപരിയ്ക്കുന്ന വിഷയത്തിലെ നിഷ്ഠ. അത് പരമ്പരാഗതമായി പകർന്ന് അനുസ്യൂതം ഒരു അരുവി പോലെ ഒഴുകുന്ന പ്രവർത്തനമാണ് ഭാരതീയസംസ്കൃതി. മാനവരാശിയുടെ അതിശ്രേഷ്ഠമായതും ശാശ്വതവുമായ പരമ്പരകളിൽ ഒന്നിൽ കൂടിയാട്ടം അഗ്രിമത്തായത് ഈ നിഷ്ഠയുടെ ബലമാണ്. ഇതൊരു തപസ്സാണ്.
നൈഷ്ഠികം എന്ന പേരിൽ മാധവമാതൃഗ്രാമം സംഘടിപ്പിയ്ക്കുന്ന നാലുദിന കൂടിയാട്ടപരമ്പര നാട്യതപോധനനായ ഗുരു അമ്മന്നൂർ പരമേശ്വരച്ചാക്യാരുടെ പതിനഞ്ചാം ചരമസ്മൃതിയോടെ സമാരംഭിയ്ക്കുന്നു. കേരളവ്യാസൻ കൊടുങ്ങല്ലൂർ കുഞ്ഞിക്കുട്ടൻ തമ്പുരാൻ രചിച്ച "കിരാതാർജ്ജുനീയം വ്യായോഗം" ഇന്നത്തെ അറിവോളം കൂടിയാട്ടത്തിൽ പ്രചരിയ്ക്കുന്ന മൂന്നാമത്തെ വ്യായോഗകൃതിയാണ്.
നിർവ്വഹണസഹിതം ഈ കൂടിയാട്ടം അരങ്ങേറുന്നത് മഹാകവിയ്ക്കുളള സമർപ്പണവും ആണ്.
നാലു ദിവസത്തെ അവതരണങ്ങളിലേയ്ക്ക് കലാസ്വാദകരെ സഹർഷം ക്ഷണിയ്ക്കുന്നു. വിശദവിവരങ്ങൾക്ക് ബ്രോഷർ പരിശോധിയ്ക്കുമല്ലോ......
