05/06/2020
*નવી રાહ નવી દિશા*
મિત્રો,
હવે સર્વત્ર લોકડાઉન, અનલૉક માટે તૈયાર થઈ ગયું છે. પણ હાલ માં બધા ઠેકાણે એક સમસ્યા છે કે એક વર્ગ એવો છે કે જેમના પાસે કામ કરવા માણસો નથી, અને એક વર્ગ એવો છે જેમના પાસે કામ નથી. હવે આમ જોવા જઈએ તો બને સમસ્યા નો સમાધાન અરસ પરસ જ છે. ફક્ત એકબીજા ને સંપર્ક માટે કોઈ સેતુ નથી. મિત્રો આ સમય છે કોઈનો સેતુ બનવાનો, મદદ તો ઘણા એ ઘણી કરી છે. અને આગળ પણ કરતા રહીશું પણ એક વાત ધ્યાન રાખજો કે કોઈને એટલી પણ મદદ ના કરતા કે એ એની આદત બની જાય અને પછી એ આળસુ બની જાય માટે થોડું જુદું વિચારી ને આપણા આજુબાજુ જેને કામ જોઈતું હોય અને જે વેપારી ને માણસો જોઈતા હોય એ બંને વચે સેતુ બનીએ.
કારણ કે આ સમય ક્યાં સુધી અને કેટલો ચાલશે એ એક સવાલ જ છે. અને હજી સૌથી મોટો પડકાર એટલે કે લોકલ ટ્રેનો શરૂ કર્યા પછી નો પરિણામ શું હશે?.
માટે દોસ્તો જેને કામ કરવું છે એ લોકો પેલા શું કરતા હતા, ક્યાં શ્રેત્ર માં હતાં એ વિચાર કરવા કરતાં હવે આપણ ને શું કરવું જોઈએ એ વિચાર કરશો તો જ આત્મનિર્ભર બની શકશો. કારણ કે હજી ઘણા એવા બીઝનેસ છે જેને ઉભા થવા માં ચાર, છ મહિના અથવા એના થી વધારે સમય પણ લાગી શકે છે. માટે મિત્રો એ બધા ને નવા કામ થી પ્રેરિત કરી એમને પ્રોત્સાહન આપી જ્યાં સુધી એમનો પહેલા નો ધંધો, નોકરી કે કોઈ અન્ય કામ પહેલા ની જેમ શરૂ નથી થતું ત્યાં સુધી ટુંક સમય માટે સમય પસાર કરવા અને આવક નું હથિયાર બનાવવા નવું પ્રયાસ કરીએ.
કારણ કે ખાલી મગજ એ શેતાન નું ઘર હોય છે. માટે ચાલો આપણા બંધુ ઓ ને નવી રાહ અને નવી દિશા માટે સંપર્ક નો સેતુ બનીએ.
લી. રાજેશ ગડા ના જય જિનેન્દ્ર
