https://www.facebook.com/1216390475131512/

Sevekari network, Thane (2026)

05/07/2020

Shree swami samarth seva kendra kolsewadi kalyan East Gurupornima 5-7-2020 photo by omkar kawle

05/07/2020

Shree swami samarth seva kendra kolsewadi kalyan East Gurupornima 5-7-2020 video edit by omkar kawle

04/07/2020

🌹श्री स्वामी समर्थ 🌹
अनंतकोटी ब्रह्मांड नायक राजाधिराज योगीराज श्री स्वामी समर्थ महाराज , प.पूज्य पिठले महाराज, प.पूज्य मोरे दादा, अखिल भारतीय सेवेकऱ्यांचे श्रद्धास्थान प.पूज्य गुरुमाऊली , व आपल्या कोळसेवाडी(कल्याण पूर्व) सेवा केंद्राचे,शिस्तप्रिय आदरणीय *श्री.कावळे काका आणि काकू*

येत्या ०५/०७/२०२० रोजी गुरुपौर्णिमा आहे त्यानिम्मित मनातले भाव शब्दात मांडतो आहे.
मागील वर्षानुवर्ष आपण आपल्या केंद्रात गुरुपौर्णिमा साजरी करीत आहोत परंतु ह्या वर्षी कोरोनारूपी संकट भारतावर नव्हे नव्हे तर संपूर्ण जगावर घोंघावत आहे त्यामुळे आपण ही पौर्णिमा आपल्या घरीच काका काकू नी सांगितल्या प्रमाणे करणार आहोत.
लिहिताना मागील गुरुपौर्णिमेची आठवण येते आहे.
गुरुपौर्णिमा म्हणजे एक नवीन उत्साह,चैतन्य,आनंद, गुरुविषयी आदर प्रेम व्यक्त करण्याचा दिवस...!!!!
स्वामी महाराजांना गुरुस्थानी मानून त्यांचा आशीर्वाद प्राप्त करून संपूर्ण वर्षभर महाराज आपल्या कुटुंबाचा सांभाळ करो यासाठी आपण स्वामी ना विनंती करतो की स्वामी आजपासून तुम्हीच माझे माता,पिता ,बंधू ,सखा,सोबती, सर्वस्व तुम्हीच आहात.
आज पासून पुढील वर्षापर्यंत आमचे गुरूपद स्वीकारून
आमच्याकडून तुमची जास्तीत जास्त सेवा होण्यासाठी आमच्या आरोग्याचे संरक्षण करावे आणि लवकरात लवकर देशावरील, सृष्टीवरील संकटे दूर व्हावे,
रोगराई नष्ट व्हावी यासाठी स्वामींना शरण जाऊया कारण स्वामी महाराज नेहमी म्हणतात *"भिऊ नकोस मी तुझ्या पाठीशी आहे* "
स्वामींबद्दल भेटण्याची उत्कंठा निर्माण होऊनच आपल्याला सद्गुरूंचे स्मरण होते म्हणजेच प.पूज्य मोरे दादा .
*मोरे दादा म्हणजे एक अलौकिक सिद्धपुरुष.*
त्या वेळेस अनेक सेवेकरी घडवून मोरे दादांनी सेवेकाऱ्यांना योग्य मार्ग दाखवला आहे.त्या वेळी सुद्धा त्यांच्या दर्शनाची ओढ सेवेकाऱ्यांना दिंडोरी येथे आपोआप घेऊन येत असे. त्यांचे कार्य त्यांचे वारसा प.पूज्य गुरुमाऊली ह्यांनी आजतागायत पुढे चालवलेला आहे .आज देशात आणि परदेशातही जात धर्म ह्यांच्या पलीकडे जाऊन स्वामींची सेवा सेवेकरी करत आहेत.तशीच स्वामींची महती आहे.
आज ही त्रंबकेश्वर येथे गुरुकुल पीठ उभारून मानव जातीच्या मनाला आरोग्य देण्याचे काम प.पूज्य गुरुमाऊली करत आहेत.दर रविवारी आणि गुरुवारी प.पूज्य गुरुमाऊली स्वतः सेवेकाऱ्यांचे प्रश्न, अडचणी जाणून त्या वर मार्गदर्शन करत असतात.ह्या कार्यांत त्यांचे तिन्ही चिरंजीव ह्या कार्यात सेवेत मोलाचा वाटा सांभाळत आहेत.आदरणिय श्री.चंद्रकांत भाऊ , आदरणीय श्री.आबासाहेब आणि आदरणीय श्री नितिन भाऊ ह्यांची सेवा महाराष्ट्राच्या कानाकोपऱ्यात जाऊन मेळावे,कृषी मेळावे घेऊन मार्गदर्शनाचा वारसा पुढे चालवत आहेत.
प.पूज्य मोरे दादा ह्यांचा सहवास लाभलेले आदरणीय आपले प्रिय *कावळे काका, काकू* प.पूज्य गुरुमाऊलींचा आशीर्वाद घेऊन तेच कार्य पुढे करत आहेत.
अत्यंत हलाखीच्या परिस्थितीत त्या काळी सुरु झालेली स्वामी सेवा आपल्या सर्वांना माहीत आहे.
सेवा मार्गात अनेक अडचणी आलेल्या आहेत हेही आपण जाणून आहोत.
जुने सेवा केंद्र बंद होऊन ते नवीन केंद्र उभारणीस सेवेकरी त्यांच्या सोबत होते.त्या वेळची परिस्थिती मी त्याच्या सोबत राहून अनुभवलेली आहे.
स्वामींची सेवा आणि प्रेम काका आणि काकू ह्यांच्या मनात एवढी रुजलेली आहे की ती शब्दात व्यक्त करता येणार नाही.
जुन्या सेवा केंद्राला टाळे लावले असताना हि त्यांनी सेवा सोडलेली नव्हती.
अन्न,पाणी,देहभान विसरून गेले होते.त्यांची परिस्थिती पाहून स्वतः गुरुमाऊली त्यांना कल्याण ला भेटायला आले होते.
आपले सेवेकरी दुःखी असताना स्वतः गुरुमाऊली त्यांना भेटायला येण म्हणजे आपल परम भाग्यच म्हणावे लागेल.
माऊलींचे आपल्यावर किती प्रेम आहे ह्याचा मी प्रत्यक्ष दर्शी आहे.
प.पूज्य गुरुमाऊलींनी नवीन केंद्र काढण्यासाठी आशीर्वाद दिला आणि बघता बघता गायत्री विद्यालय ते कोळसेवाडी सेवा केंद्र हा स्वामींचा प्रवास पूर्ण झाला.
आत्ताच्या कोळसेवाडी केंद्राची वाटचाल हि प.पूज्य मोरे दादा आणि गुरुमाऊली ह्यांचा कृपा आशीर्वाद आणि काका काकुंच्या स्वामी सेवेचा ध्यास आहे.
आजच्या केंद्राच्या जागेत त्या काळी प.पूज्य मोरे दादा ह्यांचा चरण स्पर्श झालेला आहे.तेव्हा ते म्हणाले होते कि ह्या कोळसेवाडी ची सोनेवाडी झाल्याशिवाय राहणार नाही.त्यांचे हे वाक्य आज कावळे काका आणि काकू ह्यांच्या माध्यमातून पूर्ण झालेले आहे.सेवेकाऱ्यांची सेवा आणि काका काकूंच्या मार्गदर्शनाने सेवेकाऱ्यांचे सेवेचे आज सोन्यात रूपांतर झालेले आहे. संपूर्ण महाराष्ट्रात आज कोळसेवाडी केंद्राचे नाव शिस्तप्रिय आणि मनोभावे सेवा करणारे केंद्र अशी आहे आणि ते जर प्रत्यक्षात अनुभवायचे असेल तर
सेवेकरयानी कोळसेवाडी केंद्रात भेट द्यावी असे उद्गगार स्वतः गुरुमाऊली मेळाव्यात सांगतात.ह्याचे सर्व श्रेय मी कावळे काका आणि काकूंना देतो.त्याचे सेवेकाऱ्यांविषयी असलेले प्रेम आणि स्वामींविषयी असलेली श्रद्धा म्हणजे आज असलेले कोळसेवाडी केंद्र......!!कोणताही सण असो, ऊन पाऊस न बघता सेवेकरी कावळे काका आणि काकू ह्यांच्या एका शब्दावर स्वामींची सेवा रुजू करतात.
त्यांच्या ह्याच सेवेने काका आणि काकू आनंदित होतात.
सेवेकरी सुद्धा काका काकूंवर भरभरून प्रेम करतात.
सेवा करताना घरचे भान पण रहात नाही इतकी सेवा करतात प्रत्येक सेवेत सहभागी होतात.
त्यांचे कुटुंब आपल्या मार्गाच्या सर्व विभागात सहभागी होऊन सेवा रुजू करतात.
त्यांचे कुटुंबिय आणि आपण सर्व सेवेकरी असा हा आपला परिवार स्वामी सेवा करीत आहे आणि करीत राहु.
दर गुरुवारी कावळे काका प्रश्नउत्तरे ह्या सेवेच्या माध्यमातून सेवेकाऱ्यांना मार्गदर्शन करीत असतात.
त्यांच्या ह्या कार्यांत काकूंचा सुद्धा सहभाग असतो.
काकू नेहमी म्हणतात की सेवेकरी म्हणजे माझे एक कुटुंबच आहे.
त्यांनाही सेवेकरी आई स्वरूपात आणि काकांना वडील स्वरूपात बघत असतात म्हणून तर आज केंद्रात कोणताही कार्यक्रम असो , सत्संग मेळावा,गुढीपाडवा,श्रावण महिना, दत्तजयंती सप्ताह, नवरात्र उत्सवात सेवेकरी आपली सेवा स्वामींच्या चरणी रुजू करतात.
हि केवळ स्वामींची आणि गुरुमाऊलींची कृपा दृष्टी आहे ह्यात काहीच शंका नाही.
गुरुपौर्णिमेनिम्मित आपल्या गुरूंबद्दल असलेले प्रेम आदर व्यक्त करून त्यांना उदंड आयुष्य लाभो, चांगले आरोग्य लाभो, तसेच ह्या काळात कोरोनारूपी राक्षसा पासून स्वामी या भारत मातेला आणि विश्वाला संकट मुक्त आणि रोगमुक्त करो , अशी प्रार्थना करतो.
झालेली आठवण मी तशीच्या तशीच लिहीत आहे काही चुकले असल्यास माफ करा.
केलेली सेवा मी स्वामींचरणी अर्पण करतो आणि थांबतो
श्री स्वामी समर्थ 🙏🙏
( लेख आवडल्यास नक्की शेयर करा आपली सेवा सेवेकरी नेटवर्क तर्फे इतरांपर्यंत नक्की पोहोचवा , श्री स्वामी समर्थ )

03/07/2020

🙏🏻// श्री स्वामी समर्थ//🙏🏻

*सूचना: गुरुपौर्णिमा कार्यक्रम प्रत्येकाने घरी करणे.
सकाळी ८ वाजता सुरू करणे
१ वेळा गणपती अथर्वशीर्ष
१६ वेळा पुरुष सुक्त
१६ वेळा श्री सुक्त
१ वेळा स्वामीचारित्र अवतरणिका
११ माळ श्री स्वामी समर्थ

*घरातील सर्वांनी ही सेवा सामुदायिक करून स्वामींना विनंती करावी की, आजपासून तुम्हीच माझे माता, पिता, गुरु, सखा, सर्व काही तुम्हीच आहात,
माझे गुरुपद घेऊन माझा सर्वार्थाने सांभाळ करा

*महत्वाचे: मूर्ती असेल तर मूर्तीवर शुद्ध पाण्याचा अभिषेक करणे नसेल तर देवासमोर पेला भर पाणी ठेऊन वरील सर्व सेवा करून ते तीर्थ सर्वांनी घ्यावे.
गुरुदक्षिणा म्हणून एक स्वामिचारित्र पारायण दिवसभरात करावे.

ही सूचना सर्व सेवेकर्यांपर्यंत पोहोचवावी.

(श्री. काका व काकू) श्री स्वामी समर्थ सेवा केंद्र कोलसेवाङी कल्याण पूर्व

18/06/2020

*दुःखद निधन*
कोळसेवाडी चे जुने रहिवाशी
कल्यान पुर्व चे
*शिक्षण सम्राट*
व
*उद्योगपती*
*गायत्री विदयालय चे संचालक*
*कै.नंदकिशोर गुंजाळ*
ह्यांचे दि १६/६/२०२० रोजी सकाळी ७-२० ला
*दुःखद निधन* झाले आहे
*आत्माला चिर शांती मिळो हिच ईश्वर चरनी प्रार्थना*
🌸🌸🌸🌸🙏🙏🙏
*सेवेकरी नेटवर्क तफे भावपुर्ण श्रध्दांजली *
🙏शोकाकुल🙏

🙏🏻🙏 🏻श्री स्वामी समर्थ सेवा केंद्र कोळसेवाडी कल्याण पूर्व 🙏🏻

17/04/2020

Shree swami samarth

06/01/2020

*सामर्थ्यवान प्रार्थना*

या प्रार्थनेला सुमारे एक मिनिट लागतो! प्रामाणिकपणे प्रार्थना करा.

मी ही प्रार्थना वाचत असताना देखील मला आशीर्वाद दे स्वामी देवा ! व हा संदेश एका विशिष्ठ मार्गाने पाठविणाऱ्या व्यक्तीलाही आशीर्वाद दे.

आमच्या आयुष्यात आज अलौकिक अध्यात्मिक दरवाजे उघड.

देवा, स्वामी समर्थाआपल्या आत्म्याचा,चेतनेचा एक दुप्पट भाग आम्हाला दे,जेणेकरून आम्ही परत मिळवू आमचे
भावनिक आरोग्य, शारीरिक स्वास्थ्य, आर्थिक स्थिति, परस्पर संबंध, मुले, व्यवसाय, नोकरी, घरे, आणि वैवाहिक आयुष्य .

मी तुझे आभार मानू इच्छितो ,कारण की, जोपर्यंत तू म्हणत नाहीस की "सारं संपलंय" तोपर्यंत काहीही संपत नाही .

तुझ्या कृपेने:
आमची कुटुंबे आशीर्वादित आहेत;
आमचे आरोग्य उत्तम आहे;
आमचे वैवाहिक आयुष्य उत्तम आहे;
आम्हाला सर्व आर्थिक आशीर्वाद आहेत;
आमचे व्यवसाय उत्तम आहेत;
आमच्या नोकऱ्या उत्तम आहेत;
आमचे निर्णय आशीर्वादित आहेत.

चांगल्या संधी उपलब्ध झालेल्या आहेत आणि आणखी येऊ घातलेल्या आहेत.

आमच्या अंतःकरणाच्या सर्व इच्छा वाटेवर आहेत; ज्या आमच्या आयुष्यासाठी ,तुझ्या परिपूर्ण इच्छेनुसार आणि योजनेनुसार आहेत !

(या प्रार्थनेची प्रार्थना करा,आणि मग ही प्रार्थना आपणाला माहीत असलेल्या प्रत्येकाला पाठवा.)

काही तासांतच ,अगणित लोकांनी तुमच्यासाठी प्रार्थना केलेली असेल आणि तुम्ही कारणीभूत असाल,असा लोकसमुदाय वाढविण्यासाठी जो एकमेकांकरिता देवाला प्रार्थना करत असेल !
*श्रीस्वामीसमर्थ*

06/01/2020

Shree swami samarth seva kendra kolsewadi kalyan East sarvajanik swami charitra vachan 5-1-2020 photo by sanjay rajput

23/12/2019

"दुबई विश्‍वशांती महोत्सव-२०१९” विश्‍वशांतीच्या कार्याला एक नविन निर्णायक दिशा”*

शुक्रवार २० डिसेंबर, २०१९ - अखिल भारतीय श्री स्वामी समर्थ गुरुपीठ त्र्यंबकेश्वर व श्री स्वामी समर्थ सेवा मार्गाचे संस्थापक परमपूज्य गुरुमाऊली आण्णासाहेब मोरे व आ.सौ. काकुसाहेब तसेच गुरुपुत्र आ. श्री नितीनभाऊ मोरे यांच्या दिव्य उपस्थितीने दुबई नागरी पावन झाली .

श्री स्वामी समर्थ सेवा केंद्र दुबई द्वारे मुहिसना येथील इतिसलाट स्पोर्ट्स स्टेडियम येथे विश्वशांती महोत्सवाचे आयोजन करण्यात आले. विश्वशांती या उद्देशाने आयोजित या महोत्सवात सर्व धर्म आणि पंथांच्या भक्तांची मोठी उपस्थिती होती.

श्री स्वामी महाराजांच्या पादुकांसामवेत पवित्र कुराण ग्रंथाचे पूजन करण्यात आले व विश्वाला सद्भावना व ऐक्याचा संदेश देण्यात आला. परमपूज्य गुरुमाऊलींनी विविध देशांतील पाच हजाराहून अधिक स्वामी भक्तांना आपल्या अमृत वाणीने मंत्रमुग्ध केले व जगाला निरोगी, आनंदी व शांतीपूर्ण जीवनासाठी अनमोल ज्ञान प्रदान केले.

या कार्यक्रमात यूएई चे सुप्रसिद्ध उद्योजक श्री. हसन खलिफा अल फुकाए, दुबई चे उद्योजक श्री. संजीव मनसोत्रा, गिरनार गोरक्षनाथ मंदिर ट्रस्टचे कार्याध्यक्ष ध्यानमूर्ती श्री. रघुनाथ येमुल गुरुजी, दुबई गुरुद्वाराचे कार्याध्यक्ष श्री. सुरेंदर कंधारी, सेंट मर्सी पॅरिश कौन्सिल दुबई चे उपाध्यक्ष श्री. मॅथ्यू थॉमस, हिंदू मंदिर अबुधाबी चे परियोजना निर्देशक श्री जसबीर सोहनी, ब्रिटिश ओरचर्ड नर्सरीच्या संस्थापक व मुख्य कार्यकारी अधिकारी श्रीमती वंदना गांधी, श्री. इस्तियाक अहमद, दुबई सेवा केंद्र प्रतिनिधी श्री.रवी काळे, यांनी सहभाग घेतला व परमपूज्य गुरुमाऊलींच्या कृपाशीर्वादाने प्रभावित झाले

सेवामार्गाबद्दल मार्गदर्शन करण्यासाठी कार्यक्रम स्थळी समस्या-समाधान, बालसंस्कार, युवाप्रबोधन, कृषीशास्त्र, वास्तुशास्त्र यासारख्या विविध विभागांचे स्टॉल्स लावण्यात आले होते. कार्यक्रमाची सांगता परमपूज्य गुरुमाऊलींच्या दर्शन सोहळा व महाप्रसादाने झाली. हा महोत्सव दुबईकरांसाठी अदभूत व विलक्षण अनुभूती देणारा व जीवनामध्ये आनंद व सुखाची गुरुकिल्ली प्रदान करणारा ठरला.

06/10/2019

Shree swami samarth seva kendra kolsewadi kalyan East Navratra Durga Ashtami chandi yag 6/10/2019 photo by SANJAY RAJPUT

04/10/2019

🌷🌷 II श्री स्वामी समर्थ II 🌷🌷

१) तरुण वय जीवनात अतिशय महत्त्वपूर्ण मानले जाते. या वयात मनुष्य जे कर्तुत्व दाखवेल त्यावर त्याचे पुढील भवितव्य अवलंबून असते. यासाठी या वयातच नामस्मरणाची जोड दिली तर मनातील अनावश्यक विचार दूर होऊन एकाग्रता साधण्यास मदत होते. हल्लीच्या धकाधकीच्या जगात प्रत्येक क्षेत्रात प्रगती करण्यासाठी तरुण वयातच नामस्मरण करण्याची सवय लावून घेतल्याने दैवी शक्तीचा आशीर्वाद लाभतो.

२) बऱ्याच जणांना वाटते की, नामस्मरण म्हातारपणी करायचे असते, मात्र एखाद्या चांगल्या कृतीची सवय तरुण वयातच लागली तर म्हातारपणी त्यासाठी प्रयत्न करावे लागत नाहीत. कोणत्याही वाईट गोष्टींचा परिणाम व्यक्तीवर लवकर होतो, मात्र चांगल्या गोष्टींचा परिणाम व्हायला वेळ लागतो. त्यासाठी तरुण वयातील संस्कारक्षम वयातच सुरुवात करायची असते. म्हातारपणी नामस्मरण होत नाही कारण अशा व्यक्तीचे संपूर्ण जीवन संसाराचे चिंतन करण्यासाठी घालवलेले असते. नामस्मरणात मन एकाग्र व्हायला वेळ लागतो. त्यामुळे दैवी शक्तीचा लवकरात लवकर लाभ तरुण वयात मिळतो. कारण त्यावेळी मन, बुद्धी, विचार घडत असते. याला नामजपाची जोड दिली तर सकारात्मकता वाढण्यास मदत होते. याचा फायदा शारीरिक, मानसिक आणि आध्यात्मिक तीनही स्तरांवर तरुणाला होतो. त्यामुळे नामस्मरण हे तरुणांना जीवनात प्रगती करण्यासाठी अमृतसमान आहे.

३) प्रश्न: मंत्राचा जप (नामस्मरण) करण्याचे महत्व काय आहे?
मंत्राचा तुमच्या शरीरावर काहीच परिणाम होत नाही हे म्हणणे अगदी अशास्त्रीय आणि मूर्खपणाचे आहे. तसे नाही आहे, परिणाम हा होतोच. मंत्रामुळे तुमच्यातील सगळी सकारात्मक ऊर्जा बाहेर येते. म्हणूनच त्याला ‘मंत्र कवच’ म्हणतात. मंत्रामुळे तुमच्या भोवती एक सुरक्षा कवच तयार होते.मग हे कधी करावे? जर तुम्ही प्राणायाम आणि ध्यानाच्या नंतर जप केला तर त्याचा खुप चांगला परिणाम होतो. जर तुम्ही उतावीळपणाने केलात तर त्याचा तितकासा परिणाम होत नाही.

४) नामस्मरण व अखंड नामस्मरण यात फरक आहे. आठवण येईल तेव्हा नाम घेणे हे नामस्मरण. जितक्या वेळेला देवाचे नाव उच्चारले जाईल तितक्या वेळेला साधकांचे दोष कमी होउन एकएक पाऊल पुढे प्रगती होईल. नामस्मरणाकडून अखंड नामस्मरणाकडे जसजसा साधक जाईल तसतसे त्याचे दोष कमी व्हायला लागून प्रगती होते. मानवी शरीरात बहात्तर हजार नाड्या आहेत. या नाड्या शुध्द व्हायला वेळ लागतो. त्यात इडा व पिंगला ह्या मुख्य नाड्या आहेत. ह्या शुद्ध होत गेल्या की आध्यात्मिक अनुभव येऊ लागतात. अखंड नामस्मरणाने मानवाची आध्यात्मिक उन्नती होत जाते. भविष्यात होणा-या घटना कळायला लागतात.अखंड नामस्मरण म्हणजे जणू अमृतकुंभ जवळ बाळगण्यासारखे आहे. ज्याच्या हृदयात अखंड नामस्मरण चालू असते त्यांच्या हृदयात गुरुंचा वास असतो. त्याला कळीकाळाचीही भीती राहात नाही. म्हणून प्रथम पासुन मनात नामस्मरणाची सवय असावी व हळूहळू अखंड नामस्मरणाकडे प्रगती करावी.

५) वाईट विचार मनात आले की नामाची जोड ठेवावी. सगळ्यांनी नामस्मरण करा. नामस्मरणासारखा दुसरा कल्याणाचा मार्ग नाही. साधनात पूर्ण भाव व तळमळ पाहिजे. भगवंताच्या प्राप्तीसाठी भक्ती हे सर्वांत श्रेष्ठ साधन सांगितले आहे. भगवंत साक्षात् पुढे उभा आहे असे समजून नामस्मरण करावे. आपली आपल्याला ओळख करून घ्यायला नामस्मरण हाच उपाय आहे. झोपी जाताना नामस्मरण करीत करीत झोपी जावे, म्हणजे उठतानाही नामस्मरणातच जाग येईल. अट्टाहासाने नामस्मरण करावे.

६) नामाइतके सूक्ष्म आणि स्थूल साधन नाही. एखादी गोष्ट अगदी कळकळीने सांगायची झाली म्हणजे 'अगदी बेंबीच्या देठापासून सांगतो' असे आपण म्हणतो. त्याप्रमाणे नामही बेंबीच्या देठापासून घ्यावे, कारण सर्व वासनांचा उगम तिथेच अहे. आपण नामाची वस्ती तिथे ठेवून दिली म्हणजे आपोआप वासनाक्षय होईल. उगीच वरवर नामस्मरण करू नये. ते अट्टाहासाने आणि अंतःकरणपूर्वक घ्यावे, यातच खरे हित आहे. आता वासनाच मेली तर आम्ही विषय कसे भोगू, याची काळजी करू नये.

७) तरुण वयात मुलांचे विचार आणि मन स्थिर नसतात. ही स्थिरता फक्त देवाच्या नामस्मरणामुळेच प्राप्त होते. या वयात जगाचा अनुभव नसतो. कोण कधी फसवेल, पण नामस्मरणाने जीवनातील खूप समस्या सुटू शकतात.

८) हल्लीच्या मुलांना नेट, टीव्ही, मोबाइलचे वेड लागल्यामुळे त्यांची बुद्धी स्थिर नाही. म्हणून ते बारीकसारीक गोष्टींवरून चिडचिड करतात. काही वेळेला तो राग मनात बसल्यामुळे ही मुले दुसऱ्यांचा घात करतात. पैशांसाठी व्यभिचार करतात. त्यांना जीवन नीरस वाटते. यासाठी नामस्मरणाची गरज आहे.

९) चढाओढीने पैसा कमवणे हेच सध्याच्या तरुणांचे ध्येय आहे. सुखवस्तू मिळाल्यामुळे मन विचलित होऊन काही वेळा मुले वाममार्गाला जातात. कारण वाममार्गाला जाण्याचे कारण त्यांचे मन स्थिर न राहणे. मनाला स्थिर करण्यासाठी तरुण वयात नामस्मरण करायचे असते.

१0) देवाला सुंदर, ताजी फुले आवडतात. तसेच प्रत्येक मुलाचे तरुण मन देवाला आवडते. म्हणून तरुण वयात नामस्मरण करायचे असते. म्हणून दिवसातून एकदा तरी देवाचे नामस्मरण करावे.

११) सर्वात मोठे तीर्थ म्हणजे नामस्मरण. नामस्मरण हा सर्व *सत्कर्माचा राजा* आहे. असे हे नामस्मरण म्हणजे अक्षरशः अगणित पुण्याईची कमाई करणे होय.
असे हे नामस्मरण करण्यास कुठल्याही उपकरणाची किंवा उपचारांची गरज नाही. दिसायला छोटे व फळ देण्यास मोठे, अत्यंत उत्कृष्ट व उपाधी रहित असे हे पुण्यपद साधन आहे. आपले कल्याण करण्याचे विलक्षण सामर्थ्य या नामात आहे. परंतु प्रत्यक्षात मात्र हे नाम घेण्याची सुबुध्दी फारच थोड्या लोकांना होते याचे प्रमुख कारण म्हणजे लोकांचा या सोप्या साधनेवर विश्वास बसत नाही. *" नाम घेऊन काय होणार?"* असा अजागळ प्रश्न ते विचारत रहातील पण *" नाम घेऊन काय घडते!"* हे मात्र अनुभवण्याचा प्रत्यक्ष प्रयत्न त्यांचेकडून घडत नाही.

१२) दुसरे महत्त्वाचे कारण असे की, माणसाचे मन हे मुळातच अती चंचल असल्यामुळे अशा चंचल मनांत नामाची धारणा होत नाही. त्यासाठी संत संगतीत राहून अट्टाहासाने नाम घेण्याचा अभ्यास करणे आवश्यक आहे. असा अभ्यास केल्याने नाम खोल अंतर्मनात पोहोचते. अशा रीतीने संसार त्याग न करितां, उद्योगधंदा सांभाळून एका बाजूने पैशाची कमाई करणे व दुसऱ्या बाजूने इतरांना त्रास, ताप, उपद्रव किंवा दुःख न देता व नित्य नामस्मरण करुन पुण्याईची कमाई करणे हा संसार सुखाचा करण्याचा राजमार्ग होय.

१३) माणसाच्या जन्माचा मुख्य उद्देश भगवंत प्राप्ती आहे त्यासाठी नामस्मरण आवश्यक आहे म्हणून मोह मायेत न फ़सता नामस्मरण करा.

१४) बहुतेक मानसिक आजारांमध्ये जप फायदेशीर ठरतो. जप केल्याने अंतर्मन शुद्ध होते. जप करून एकाग्रता वाढविणे. नामस्मरण करून आपण प्रारब्धावर विजय मिळवू शकतो.

१५) जप केल्याने पितृदोषातून उद्भवणार्‍या समस्या दूर होतात.

१६) एकाग्रता वाढते, चित्तशुद्ध होते, वाचासिद्धी प्राप्त होऊ शकते दुष्ट विचारांचा प्रभाव मनावर होत नाही.मन कायम आनंदी राहते. सदैव देवतेचे स्मरण केल्याने सर्व मनोवांच्छित इच्छा पूर्ण होऊ शकतात.

१७) आपण आपली भोळीभाबडी भक्तीच करावी. देवाला अनन्य शरण जाऊन, त्याचे नामस्मरण करीत जावे, म्हणजे सर्व काही मिळते. प्रपंचाची आवड असू नये, पण प्रपंचातल्या कर्तव्याची आवड असावी. प्रपंचातली कर्तव्ये करणे हे पवित्र आहे खरे पण त्यामध्ये गुंतून राहणे बरे नव्हे. म्हणून आपण मनाने भगवंताचे होऊन राहावे. देवाला मानावे आणि त्याला आवडेल तेच करावे, हेच परमार्थाचे सार आहे. देह केव्हा जाईल याचा नियम नाही. म्हणून, `वृद्धापकाळी नामस्मरण करू’ असे म्हणू नये.

१८) भगवंताचा विसर हेच मोठे पाप आहे. काल झालेले आज नाही सुधारता येणार; पण चालू क्षण मात्र वाया दवडू नका. निराश कधीच होऊ नका. प्रपंच पुरा होण्याकरिता आपण मरेपर्यंत काम करतो, मग भगवंताचे होण्याकरिता, भगवंत जोडण्याकरिता, थोडे कष्ट का घेऊ नयेत ? भगवंताचा विसर पडणे ह्याहून दुसरे मोठे पाप नाही. देव हवा असे वाटणे ही देवाची बुद्धी, आणि विषय हवा असे वाटणे ही देहाची बुद्धी.

१९) भगवंताचे नाम हे रामबाण औषधच आहे. नामाचे हे औषध सतत थेंब थेंब पोटात गेले पाहिजे. ऑफिसमध्येसुद्धा ते आपण बरोबर घेऊन जावे. विद्वान, अडाणी, श्रीमंत, गरीब, सर्वांना हे औषध सारखेच आहे. जो पथ्य सांभाळून हे औषध घेईल त्याला गुण लवकर येईल. स्वार्थाने कर्मे करणे याचे नाव प्रपंच आणि निःस्वार्थपणाने करणे याचे नाव परमार्थ.

२०) समाधान मिळवायचे एक अत्यंत सोपे साधन सर्व संतांनी स्वत: अनुभव घेऊन आपल्याला सांगितले आहे, आणि ते म्हणजे नामस्मरण. नाम घेत असताना इतर विचार मनात येत राहतात, अशी सर्वांचीच तक्रार आहे. आपण नाम घेत असताना या विचारांकडे दुर्लक्ष करावे. त्यांच्या पाठीमागे जाऊ नये, किंवा त्यांच्याबद्दल विचार करीत वेळ फुकट घालवू नये.

२१) नामाशिवाय दुसरी इच्छा न होणे ही खरी सदगुरूची कृपा. नाम म्हणजे भगवंताचे स्मरण. नाम म्हणजे जादूचा दिवाच. भगवंताचे नाम घेणे हे ज्ञान होण्याचेच लक्षण आहे.भगवंताकडे लक्ष लागले की आत्मज्ञान आपोआप होते.

२२) मुलांचे मन स्थिर राहिल्यामुळे जे काही वाचलेले असते ते सर्व लक्षात राहते. वाईट कर्म करायला अशा मुलांचे मन घाबरते. कारण मनात नामाची माळ जपली जाते. ही मुले वाईट कर्म करत नाही त्यामुळे त्यांच्या हातून पाप घडत नाही. म्हणून ते जीवनात प्रत्येक क्षेत्रात यशस्वी होतात. नामस्मरणामुळे खूप मेहनत करायची जिद्द निर्माण होते. जीवनात कितीही वाईट प्रसंग आला तरी देव रक्षण करील ही श्रद्धा मनात निर्माण होते. त्यामुळे आत्मविश्वास वाढतो.

२३) आपला उद्धार व्हावा असे वाटत असेल तर नामस्मरण सोडू नये." आपण जे करतो आहेत ते आपल्या सद्गुरुंना आवडेल काय? याचा विचार करून वागावे. आपली प्रत्येक वृत्ती भगवंतांकडे जाण्यायोग्य असली पाहिजे.

२४) स्तोत्र मंत्रांची गरज खरच का आहे.अगदी साधे उत्तर .एरवी शास्त्र वगैरे न मानणारी तरुण पिढी पी सी वर अँटीव्हायरस आवर्जून टाकतातच कारण ती तांत्रिक गरज आहे.मी थोडा असा विचार केला.मग मानवी मेंदू तर त्या तुलनेत प्रचंड मोठा आहे. तो ही अनेक ठिकाणी कनेक्ट होतो हार्मफुल साईट्स अर्थात जागा जसे की स्मशान, काही दुषीत जागा, बाधीक व्यक्ती, नकारात्मक व्यक्ती वगैरे च्या संपर्कात आपण जातो. आपल्यामध्ये व्हायरस येऊ नये (दोष येऊ नये आपले तेजोवलय दुषीत होऊ नये) म्हणून आपण कोणता अँटीव्हायरस टाकतो? उत्तर समोरच होते...आपण म्हणणारे स्तोत्र मंत्रजप हे आपले अँटीव्हायरस... मंत्रांचा अर्थ समजला काय व न समजला काय... कॉम्प्युटरचे अँटी व्हायरस प्रोग्रामिंग तरी कुठे समजते आपल्याला? पण ज्याला समजते त्याने सांगितले की आपण मुकाट ऐकतो व चालवतो... समजो अथवा न समजो ते काम तर व्यवस्थित होते. मंत्र स्तोत्रांचे वेगळे काय आहे? सकाळ संध्याकाळ आपले आवर्तन स्कॅन करत राहायचे... व्हायरस आपोआप जातात...
एव्हाना पी सी व मानवी शरीर आणि अँटीव्हायरस व स्तोत्र मंत्र यातील साम्य आपण जाणलेच असेल...त्या क्षेत्रातील तज्ञांचं ऐकावं व तो प्रोग्राम रन करावा एवढंच आपण करत रहावं मग चिंता नाही.आणि दुर्लक्ष करत गेलो तर एकवेळ अशी येते की फॉर्मेट करावं लागतं पण शरीराला, मनाला फॉर्मेट कसं करणार? मग उद्भवतात समस्या, आजार, अडचणी.... शेवटी काय?... रोजचं स्कॅनिंग अर्थात नित्यपाठ आणि आपल्या सद्गुरुने दिलेले नामस्मरण.

२५) श्री स्वामी समर्थ ह्या मंत्राच्या अखंड नामस्मरणामुळे लोकांना खुप जबरदस्त अनुभव येत आहेत म्हणून आत्तापासून प्रत्येकाने श्री स्वामी समर्थ ह्या मंत्राचं अखंड नामस्मरण करायला सुरुवात करा आणि अनुभव घ्या.

२६) आपल्या वाट्याला आलेले कर्तव्यकर्म चोख बजावून नामाच्या संगतीत सदैव राहण्याचा अभ्यास करावा.

२७) परमेश्वराने आपल्याला जीभ दिलेली आहे तिचा केवळ स्वादिष्ट अन्न खाण्यासाठी उपयोग करू नका, तर परमेश्वरी नामस्मरणासाठी उपयोग करा.

२८) नाम हे परमात्म्याचे रूप आणि स्वरूप आहे. जर ह्या शरीरात श्री स्वामी समर्थ ह्या मंत्राचं नामस्मरण अखंड चालू असेल तर आपलं आयुष्य सुगंधित होऊन जाईल, त्या जगण्याला अर्थ प्राप्त होईल.

२९) नामाशिवाय जगणे हे मेल्यासारखे आहे. नामस्मरण सांगण्याचा विषय नाही तर तो प्रत्यक्ष अनुभवण्याचा विषय आहे.

३०) चित्त एकाग्र होण्यासाठीच नामस्मरणाची गरज आहे. अखंड नामस्मरणाशिवाय परमेश्वरी दर्शन घडणे कदापिही शक्य नाही.

३१) नामस्मरणाला कसलेच बंधन नाही. नामाचे प्रेम ज्याला लागेल त्याच्या मागे परमात्मा उभा राहिल हे अगदी त्रिवार सत्य आहे.

३२) जन्म मृत्युच्या वर्तुळातून केवळ नाम सुटका करते. परमेश्वराचा अखंड धावा म्हणजे नामस्मरण.. जे द्रौपदीने केले, जे प्रल्हादाने केले.

३३) नामस्मरण हा परमात्म्याकडे जाण्याचा राजमार्ग आहे.

३४) सगळ्या प्रपंचात खरी विश्रांती असेल तर ती अखंड नामस्मरणातच आहे. भगवंताच्या प्राप्तीसाठी अखंड नामस्मरणाची नितांत आवश्यकता आहे.

३५) आपली आपल्याला ओळख करून घ्यायला नामस्मरण हाच एक उपाय आहे. नामस्मरणाचा ध्यास ठेवला की मी खरा कोण आहे हे कळेल, आणि मग स्वतःची खरी ओळख होईल.

Sevekari network

05/07/2020

05/07/2020

04/07/2020

03/07/2020

18/06/2020

17/04/2020

06/01/2020

06/01/2020

23/12/2019

06/10/2019

04/10/2019

Address

Telephone

Website

Alerts

Shortcuts

Share

Category