NOOR- Food & Flavour

21/07/2022

10/07/2022

Feel fresh and healthy ,It's our promise to everyone that here we serve only hygienic food,Stay fit and healthy,God bless u all, plz support us,It's our New journey from Teaching to cooking, 🙏🏻🙏🏻

13/02/2022

ਵੋਟਾਂ ਦਾ ਸਮਾਂ ਹੈ, ਆਪਣੇ ਸੂਬੇ ਦੀ ਤਰੱਕੀ ਕਿਸ ਸਰਕਾਰ ਨੇ ਅਜੇ ਤੱਕ ਕੀਤੀ ਹੈ ਅਤੇ ਕਿਸ ਸਰਕਾਰ ਦੇ ਸਮੇਂ ਰੋਜ਼ਗਾਰ ਮਿਲੇ,ਹੋਰ ਬਹੁਤ ਸਾਰੇ ਮੁੱਦੇ ਜੋ ਹਰ ਸਮੇਂ ਆਪਣੇ ਦਿਮਾਗ ਚ ਸਰਕਾਰਾਂ ਤੋਂ ਚੰਗੇ ਕੰਮਾਂ ਦੀ ਉਮੀਦ ਲੈ ਕੇ ਆਉਂਦੇ ਹਨ, ਸਾਰੀਆਂ ਗੱਲਾਂ ਵਿਚਾਰ ਕੇ ਵੋਟ ਪਾਉਣਾ, ਆਪਣੇ ਬੱਚਿਆਂ ਦਾ ਭਵਿੱਖ ਗਲਤ ਲੋਕਾਂ ਦੇ ਹੱਥ ਨ ਦੇਣਾ ਫੇਰ ਪੰਜ ਸਾਲ ਪਛਤਾਵਾ ਹੀ ਪੱਲੇ ਰਹਿ ਜਾਵੇਗਾ।

04/07/2021

ਗੱਲ ਸਰਕਾਰਾਂ ਦੇ ਫੈਸਲੇ ਦੀ ਨਹੀਂ,ਗੱਲ ਇਨਸਾਨੀਅਤ ਤੇ ਅਪਣੇ -ਪਣ ਦੀ ਹੈ,ਸਰਕਾਰਾਂ ਕਦੋਂ ਤੱਕ ਆਪਣੇ ਨਿੱਜ ਪੱਖੀ ਫੈਸਲੇ ਲੋਕਾਂ ਤੇ ਥੋਪਦੀਆਂ ਰਹਿਣਗੀਆਂ, ਚਾਹੇ ਕੋਈ ਪਾਰਟੀ ਹੋਵੇ, ਅੱਜ ਤੱਕ ਜਨਤਾ ਨੂੰ ਹੀ ਕਿਉਂ ਇੱਕ ਭਿਖਾਰੀ ਦੀ ਤਰਾਂ ਆਪਣੇ ਹੱਕਾਂ ਲਈ ਹੱਥ ਅੱਡਣਾ ਪੈਂਦਾ ਹੈ, ਇਹਨਾਂ ਲੀਡਰਾਂ ਨੇ ਦੇਸ਼ ਦੇ ਵਸਨੀਕਾਂ ਨੂੰ ਇੱਕ ਗੁਲਾਮ ਦੀ ਤਰਾਂ ਰਖਿੱਆ ਹੋਇਆ ਹੈ, ਲੋਕਾਂ ਨੂੰ ਆਪਣੇ ਹੱਕਾਂ ਲਈ ਆਵਾਜ਼ ਬੁਲੰਦ ਕਰਨੀ ਚਾਹੀਦੀ ਹੈ, ਮਸਲਾ ਜਿੱਤ -ਹਾਰ ਦਾ ਨਹੀਂ ਸਗੋਂ ਆਪਣੀ ਹੋਂਦ ਦਾ ਵੀ ਹੈ।

30/05/2021

ਕੁਦਰਤ ਦੀ ਖੂਬਸੂਰਤੀ ਦੇ ਰੰਗ,

ਸਮਝਣ ਲਈ ਬਣਿਆ ਮਸਤ-ਮਲੰਗ,

ਕੁਦਰਤ ਤੋਂ ਡਰੋ, ਸਮਾਂ ਮਾੜਾ ਵੀ ਲੰਘ ਜਾਵੇਗਾ,

ਬੰਦਾ ਉਹੀ ਜੋ ਆਪਣੇ ਹਿੱਸੇ ਦੇ ਪੌਦੇ ਲਗਾਵੇਗਾ।

29/01/2021

ਇਹ ਜਰੂਰੀ ਨਹੀਂ ਕਿ ਹਰ ਇੱਕ ਕੋਲ ਜ਼ਮੀਨ ਹੋਵੇ,ਮੇਰੇ ਕੋਲ ਵੀ ਜ਼ਮੀਨ ਨਹੀਂ,ਇਸਦਾ ਇਹ ਮਤਲਬ ਨਹੀਂ ਕਿ ਮੇਰੀ ਪੰਜਾਬ ਦੇ ਜ਼ਮੀਨ ਨਾਲ ਜੁੜੇ ਇਨਸਾਨਾਂ ਨਾਲ ਕੋਈ ਸਾਂਝ ਨਹੀਂ ਜਦ ਕਦੇ ਵੀ ਮੇਰੇ ਘਰ ਕੋਈ ਖੁਸੀ਼ -ਗਮੀ ਹੁੰਦੀ ਹੈ ਤਾਂ ਸਾਰੇ ਲੋਕ ਸ਼ਰੀਕ ਹੁੰਦੇ ਹਨ ਪਰ ਜੋ ਘਰ ਕਿਰਸਾਨੀ ਨਾਲ ਜੁੜੇ ਹੁੰਦੇ ਹਨ ਉਹ ਪਰਿਵਾਰ ਆਪਣੇ ਆਪ ਸਾਡੇ ਘਰ ਦੁੱਧ ਆਦਿ ਪੁੱਜਦਾ ਕਰਦੇ ਹਨ,ਇਹ ਸਾਡੀਆਂ ਪਿਆਰ ਵਾਲੀਆਂ ਸਾਂਝਾ ਕਈ ਪੀੜੀਆਂ ਤੋਂ ਹਨ,ਬੇਸ਼ਕ ਮੈਂ ਜਾਤ -ਪਾਤ ਦੇ ਤੰਦਾਂ ਚ ਉਲਝਣ ਵਾਲਾ ਇਨਸਾਨ ਨਹੀਂ ਪਰ ਜਦ ਕਦੇ ਮੇਰੇ ਮਿੱਤਰ ਮੈਨੂੰ ਬਾਹਮਣ ਬਗੈਰਾ ਕਹਿੰਦੇ ਹਨ,ਕਦੇ ਪੰਡਤਾ ਉਨਾਂ ਦੇ ਮੂੰਹੋਂ ਸੁਣਦਾ ਹਾਂ ਤਾਂ ਮੈਨੂੰ ਗੁੱਸਾ ਨਹੀਂ ਸਗੋਂ ਚਾਅ ਜਾ ਚੜਦਾ ਹੈ,ਕਿਉਂਕਿ ਖੁਸੀ਼ ਦੋਵਾਂ ਪਾਸੇ ਬਰਾਬਰ ਹੁੰਦੀ ਹੈ,ਮੈਂ ਵੀ ਉਨਾਂ ਨੂੰ ਕੁਝ ਕਹਾਂ ਕੋਈ ਗਿਲਾ ਸਿ਼ਕਵਾ ਨਹੀਂ,ਕਿਉਂਕਿ ਸਾਡਾ ਦਿਲ ਸ਼ਬਦਾਂ ਨੂੰ ਨਹੀਂ ਪਿਆਰ ਨੂੰ ਹੀ ਸਮਝਦਾ ਹੈ,ਨ ਸਾਡੇ ਦਿਲਾਂ ਚ ਕਿਸੇ ਤਰਾਂ ਦੇ ਵਖਰੇਵੇਂ ਹਨ ਤੇ ਨ ਵਖਰੇਵੇਂ ਕਦੇ ਹੋਣਗੇ।
ਅੰਦੋਲਨ ਚ ਵੇਖ ਰਹੇ ਹਾਂ ਕਿਸ ਤਰਾਂ ਧਾਰਮਿਕ ਰੰਗਤ ਦੇਣ ਦੀ ਕੋਸਿ਼ਸ਼ ਹੋ ਰਹੀ ਹੈ,ਭਰਾਵੋ,ਮੇਰੇ ਪੰਜਾਬੀ ਵੀਰੋ ਇਹ ਮਸਲਾ ਸਿਰਫ ਕਿਸਾਨਾਂ ਦਾ ਨਹੀਂ ਇਹ ਗੱਲ ਤੁਹਾਨੂੰ ਸਮਝ ਲੈਣੀ ਚਾਹੀਦੀ ਹੈ,ਇਹ ਸਮਾਂ ਭਾਈਚਾਰਕ ਸਾਂਝ ਵਿਖਾਉਣ ਦਾ ਹੈ,ਮੈਂ ਨਿੱਜੀ ਤੋਰ ਤੇ ਅੰਦੋਲਨ ਦਾ ਇੱਕ ਹਿੱਸਾ ਹਾਂ ਤੇ ਸਮੇਂ ਸਿਰ ਆਪਣਾ ਯੋਗਦਾਨ ਵੀ ਪਾ ਰਿਹਾਂ ਹਾਂ,ਕੁਝ ਅਖੋਤੀ ਹਿੰਦੂ ਜਥੇਵੰਦੀਆਂ ਚੈਨਲਾਂ ਤੇ ਦੁਸ਼ਪਰਚਾਰ ਕਰ ਰਹੀਆਂ ਹਨ,ਅੰਦੋਲਨ ਸੰਬਧੀ ਜਾਂ ਕਿਸਾਨਾਂ ਨੂੰ ਕੁਝ ਬੋਲਕੇ ਉਹ ਆਪਣੀ ਗੰਦੀ ਸੋਚ ਸਮਾਜ ਮੂਹਰੇ ਪਰੋਸ ਰਹੇ ਹਨ,ਉਨਾਂ ਜਥੇਵੰਦੀਆਂ ਨੂੰ ਖਾਸਕਰ ਸਿਵ ਸੈਨਿਕ ਭਰਾਵਾਂ ਨੂੰ ਹੱਥ ਜੋੜ ਬੇਨਤੀ ਹੈ ਕਿ ਅਜਿਹੇ ਬਿਆਨ ਨ ਦੇਣ ਜਿਸ ਨਾਲ ਬਾਕੀ ਹਿੰਦੂ ਸਮਾਜ ਨੂੰ ਵੀ ਨਮੋਸੀ਼ ਝੱਲਣੀ ਪੈਂਦੀ ਹੈ। ਬਾਕੀ ਹਿੰਦੂ ਭਰਾਵਾਂ ਨੂੰ ਬੇਨਤੀ ਹੈ ਕਿ ਚੁੱਪ ਰਹਿਣ ਦੀ ਜਗਾ ਅਜਿਹੇ ਗਲਤ ਬੰਦਿਆਂ ਦਾ ਵਿਰੋਧ ਕਰੋ ਤਾਂ ਕਿ ਸਦੀਆਂ ਤੋਂ ਬਣੀ ਭਾਈਚਾਰਕ ਸਾਂਝ ਦਾ ਸੁਨੇਹਾ ਕੁੱਲ ਦੁਨੀਆਂ ਤੱਕ ਜਾਵੇ।ਹੋਰ ਕੁਝ ਨਹੀਂ ਤਾਂ ਚਾਹੇ ਘਰ ਬੈਠੇ ਹੋ ਸੋਸ਼ਲ ਮੀਡੀਆ ਦੇ ਮਾਧਿਅਮ ਰਾਹੀਂ ਅੰਦੋਲਨ ਦਾ ਹਿੱਸਾ ਬਣੋ।
ਬੇਨਤੀ ਕਰਤਾ-ਗੋਬਿੰਦ ਰਾਏ # ਯਾਰਾਂ ਵੇਲੀਆਂ ਦਾ ਉਹੀ ਬਾਹਮਣ ਸੁਨਾਮੀ।