25/06/2026
Assalamu Alaikum Wa Rahmatullahi Wa Barakatuh
Aaj hum sab Jammu & Kashmir ke momineen aur azaadaran-e-Hussain (AS) ko yaad dilana chahte hain ke 8th Muharram ka tareekhi jaloos 33 saal tak band raha. Is arsey mein marhoom Maulana Mohammad Abbas Ansari (RA) ne is haq ki bahali ke liye lagataar awaaz buland ki aur kabhi apni jad-o-jehad se peeche nahin hate.
Unki qayadat, sabr aur mustaqil koshishon ke natije mein, Allah ke fazl se aur qaum ki qurbaniyon ke saath, 8th Muharram ka tareekhi jaloos dobara bahal hua. Aaj jab hum aza-e-Imam Hussain (AS) mein shirkat karte hain, to humein un buzurg ki khidmaat ko bhi yaad rakhna chahiye jinhon ne is maqsad ke liye apni zindagi ka ek bada hissa waqf kar diya.
Aaiye, is 8th Muharram par marhoom Maulana Mohammad Abbas Ansari (RA) ke liye dua-e-magfirat karein aur Imam Hussain (AS) ke paigham-e-haq, insaf aur azadi ko apni zindagi mein apnane ka ahad karein.
Late Maulana Mohammad Abbas Ansari (RA)
The Voice of Resistance, The Symbol of Perseverance.
Allah Ta'ala unke darajaat buland farmaye aur humein unke nek mission ko aage badhane ki taufeeq ata farmaye. Ameen.
Labbaik Ya Hussain (AS)
🖤
