07/09/2025
বেঙেনাবাৰী জাতীয় বিদ্যালয়ৰ আন্তৰিক আতিথ্য তথা সহযোগত
Bim Aan Baba Initiative আৰু
folkBEE Edutainment ৰ নিবেদন
project - The Conversation শৃংখলাৰ তৃতীয়খন ছৱি
“ কখগ...SOME ANECDOTES” ৰ প্ৰিমিয়াৰ অনুষ্ঠানৰ কিছু স্থিৰচিত্ৰ আপোনালোকলৈ আগবঢ়ালোঁ ৷
ছৱিখনৰ জৰিয়তে আমি
মূলত ছাত্ৰ- ছাত্ৰী , অভিভাৱক আৰু শিক্ষকসকলে একেটা বিন্দুত ৰৈ আগোৱাই যাৱ পৰাতহে শিক্ষাৰ পূৰ্ণতা ৷ তাক সজোৰে ক’বলৈ বিচাৰিছোঁ ৷ গাঁৱ অঞ্চলৰ নিম্ন মধ্যবিত্ত মানুহখিনিৰ সংগ্ৰামখনক পোহৰৰ পথ এটা দিবলৈ যত্ন কৰিছোঁ ছৱিখনৰ জৰিয়তে ৷
আমাৰ সমাজত হৈ থকা (ঘটি থকা ) একাধিক ঘটনা আৰু শিশুমনত তাৰ প্ৰভাৱ তাক আধাৰ হিচাপে লৈ তাৰ পৰা পৰিত্ৰাণৰ উপায় হিচাপে এনেকুৱা হ’লে কেনেকুৱা হয় ? বা ভাল পৰিণতি এটা এনেকুৱাকৈ প্ৰতিষ্ঠা কৰিবলৈ কিহৰ প্ৰয়োজন হ’ব পাৰে ? আমি সেই কামবোৰ দেখুন সহজতেই কৰিব পাৰোঁ ৷
তেনেকুৱা এটা ধাৰণা দিবলৈ কাহিনীটোক উপস্থাপনৰ প্ৰয়াস কৰিছোঁ ৷
এইখিনি কৰিবলৈ যাওঁতে আমি চেষ্টা কৰিছোঁ
প্ৰচলিত ব্যৱস্থাটোক সমালোচনা নকৰাকৈ যাতে ব্যৱস্থাটোত অংশ লৈ থকা বিশেষ সকলক আত্মসমালোচনা কৰিবলৈ আমি সুযোগ দিব পাৰোঁ ৷
আৰু সেইবাবেই আমি সকলোৱে মিলি আলোচনা কৰি আগোৱাব পৰাকৈ একাধিক খণ্ডছৱি আমাৰ ৬০ মিনিট দৈৰ্ঘ্যৰ ছৱিখনত অংকন কৰিবলৈ প্ৰয়াস কৰিছোঁ ৷
আমাৰ মূল উদেশ্য
মনোৰঞ্জনৰ চলেৰে শিক্ষা ৷
আমাৰ সহযোগী হৈ ছৱিখনৰ প্ৰযোজনা কৰিছে বেঙেনাবাৰী জাতীয় বিদ্যালয়ৰ হৈ শ্ৰীযুত বিপুল গগৈ ডাঙৰীয়া আৰু শ্ৰীযুতা মঞ্জুলা চেতিয়া ডাঙৰীয়ানীয়ে ৷
এই ছেগতে দুয়োকে ধন্যবাদ জনালোঁ ৷
লগতে প্ৰযোজনা নিয়ন্ত্ৰক হিচাপে থাকি আমাক কামখিনি কৰাত সহায় কৰা শ্ৰীযুতা কাব্যশ্ৰী তামূলী আৰু শ্ৰীযুত ৰাতুল গগৈ ডাঙৰীয়াকো ধন্যবাদ জনালোঁ ৷
ছৱিখনৰ
শব্দ গ্ৰহণ , শব্দ সংযোজন আৰু সংগীতৰ দায়িত্বত আছে চন্দন বিজিত চেতিয়া আৰু তেওঁৰ টীম ৷
চিত্ৰগ্ৰহণ , সম্পাদনা আৰু ৰং সংৰূপনৰ দায়িত্বত আছে কিষান চুনাৰ আৰু তেখেতৰ টীম ৷
কাহিনী , চিত্ৰলেখন আৰু পৰিচালনাৰ দায়িত্বত আছে বিম আন বাবা বৰগোহাঁই আৰু তেখেতৰ টীম ৷
বি. দ্ৰ.
ছৱিখনত অভিনয় কৰা সকলোখিনি শিল্পী একেবাৰে নতুন ৷
