15/08/2026
കലാസാരഥിയുടെ കളരി ഗുരുക്കളായി ശ്രീ പി വി ശിവകുമാർ ഗുരുക്കൾ എത്തിച്ചേർന്നത് വളരെ സന്തോഷമുള്ള കാര്യമാണ്. പരിപൂർണ്ണ സിലബസുള്ള വടക്കൻ കളരി സമ്പ്രദായത്തിന്റെ പ്രചാരണത്തിന് കലാസാരഥിക്ക് കൂടുതൽ കരുത്ത് പകരുന്നതാണ് അദ്ദേഹത്തിൻറെ വരവ്.മലബാർ വാസുദേവൻ ഗുരുക്കളുടെ മകനായ അദ്ദേഹത്തിൻറെ നേതൃത്വത്തിൽ പ്രവർത്തിക്കുന്ന MVG CVN കളരിയുടെ ഭാഗമാണ് ഇനിമുതൽ കലാസാരഥി കളരിയും. വന്ദ്യശ്രീ കോട്ടക്കൽ കണാരൻ ഗുരുക്കൾ, വീരശ്രീ സി വി നാരായണൻ നായർ ഗുരുക്കൾ, പാത്രിയിൽ ഗോപാലൻ ഗുരുക്കൾ, ചന്ദപ്പൻ ഗുരുക്കൾ, മലബാർ പി വാസുദേവൻ ഗുരുക്കൾ, പി വി ശിവകുമാർ ഗുരുക്കൾ... എന്നിങ്ങനെ പോകുന്ന ഗുരുപരമ്പരയിലെ കണ്ണിയാകാൻ കഴിഞ്ഞത് നിയോഗം ആയിരിക്കാം. നമ്മുടെ കളരി ഇനിമുതൽ കലാസാരഥി MVG CVN കളരി എന്ന പേരിലാണ് അറിയപ്പെടുന്നത്.🙏
