01/08/2026
মানুহে সজা পৃথিৱী খন কিদৰে নিমিষতে শেষ হৈ যায়!
'বাঁহী'ৰ উদ্যোগত আমি আমাৰ নিজৰ মানুহ বোৰৰ মাজত থিয় দি অকণমান তেওঁলোকৰ দুখ বোৰৰ সমভাগী হোৱাৰ যি প্ৰথমটো প্ৰয়াস আছিল, তাত আমি দুটি অঞ্চল চুবলৈ চেষ্টা কৰিলো। প্ৰথমটো অঞ্চল আছিল শিৱসাগৰৰ পলশনি, তথা দ্বিতীয় টো অঞ্চল আছিল মাহমৰাৰ শান্তিপুৰ।
প্ৰথমটো অঞ্চল পলশনিলৈ সাহায্যৰ টোপোলা বোৰ লৈ যাওঁতে আন বহু সদাশয় ব্যক্তিৰ লগতে 'ৰ কিছু সদস্যই আৰ্থিক সহযোগ আগবঢ়ালে। দ্বিতীয় টো অঞ্চল শান্তিপুৰলৈ যাওঁতে আন সদাশয় ব্যক্তি সকলৰ লগতে #প্ৰত্যাশা আমাৰ সহযোগী হ'ল।
প্ৰত্যেক গৰাকী ব্যক্তি তথা অনুষ্ঠানলৈ আমি বিপদত থকা সেই মানুহ বোৰৰ হৈ কৃতজ্ঞতা জ্ঞাপন কৰিলো। আমাৰ হাতত কিছু অৰ্থ মজুত যদিও এই অৰ্থ কোনো এক অঞ্চললৈ গৈ সাহায্য আগবঢ়াবলৈ এতিয়াও যথেষ্ট নহয়। আৰু কিছুমান আৰ্থিক সহযোগে আমাক আৰু কিছুমান বানৰ কবলত পৰি সৰ্বস্ব হেৰুৱাই দিয়া মানুহৰ ওচৰলৈ গৈ তেওঁলোকক এই মূহুৰ্তত কিছু সকাহ দিয়াত আমাৰ সাহস হ'ব পাৰে। আপোনালোকে সহযোগ কৰিব বিচাৰিলে আগবাঢ়ি আহিব পাৰে। আপোনালোকে যিকোনো প্ৰকাৰৰ সহযোগ আগবঢ়াব বিচাৰিলে ৮৭২০৯৩৭৮৪৮ নম্বৰত যোগাযোগ কৰিবলৈ অনুৰোধ জনালো। ধন্যবাদ।
বিঃদ্ৰঃ আমি প্ৰত্যেকে গৰাকী দাতাৰ/সহযোগীৰ পৰিচয় যি আমাৰ প্ৰথম দুটি অঞ্চললৈ গৈ বানপীড়িত ৰাইজক কিছু সকাহ প্ৰদান কৰাত আমাৰ লগত আহিল, সোনকালেই মুকলি কৰিম।
Utpal K Tanti
