06/09/2026
आमच्या आगामी ‘दैवंम’( लेखक- दिग्दर्शक अजित दिलीप पाटील)या आमच्या चित्रपटाचे पहिले पोस्टर नुकतेच राजधानी सातारा येथे, माननीय छत्रपती उदयनराजे (महाराज) भोसले यांच्या शुभहस्ते रिलीज झाले. 🚩
या खास प्रसंगी महाराजांनी आमच्या टीम ला खूप वेळ दिला . चित्रपटाबद्दल आवर्जून विचारपूस केली, विषय समजून घेतला आणि आमच्या प्रयत्नांचे कौतुकही केले. एवढंच नाही, तर पाठीवर कौतुकाची थाप देत महाराज म्हणाले—
“आपल्या सांगली-साताऱ्याची पोरं अशीच पुढे गेली पाहिजेत. काहीही अडचण आली तर कॉल करा, मी आहे सोबत. आणि प्रीमियरला नक्की बोलवा, मी येणार.”
हे शब्द आमच्यासाठी केवळ कौतुकाचे नव्हते, तर पुढच्या प्रवासासाठी मिळालेली एक मोठी प्रेरणा होती. 🙏
याचवेळी राजे महाडिक महाराज हे देखील समवेत उपस्थित होते. त्यांनीही आमच्या ‘दैवंम’ चित्रपटाचे मनापासून कौतुक केले. विशेष म्हणजे त्यांनी तब्बल अर्धा ते एक तास आम्हाला दिला. आमच्या समस्या आणि अडचणी त्यांनी शांतपणे ऐकून घेतल्या आणि **पूर्णपणे मदत करण्याची तयारी दर्शवली. एक सामान्य कलाकार म्हणून आमच्यासाठी हीदेखील अत्यंत विशेष आणि मनाला भावणारी बाब होती. 🙏
विशेष आनंदाची आणि अभिमानाची गोष्ट म्हणजे महाराजांनी त्यांच्या अधिकृत Instagram पेजवर देखील आमच्यासोबतचा हा फोटो शेअर केला.
सातारा आणि महाराष्ट्रातील अनेकांनी तो फोटो पाहिल्यानंतर मला वैयक्तिकरित्या WhatsApp वर स्क्रीनशॉट पाठवले.
"अरे, तुझ्या चित्रपटाचं पोस्टर महाराजांनी Instagram वर टाकलंय!”
असं सांगताना त्यांच्या चेहऱ्यावरचा आनंद आणि माझ्याविषयीचा उत्साह पाहून मन खरंच भरून आलं.
एक सामान्य कलाकार म्हणून स्वप्न पाहताना, त्या स्वप्नामागे उभं राहणारा, प्रोत्साहन देणारा, कौतुकाची थाप देणारा आणि **“काही अडचण आली तर मी आहे”** असा विश्वास देणारा मोठा माणूस भेटणं ही खरोखरच खूप मोठी गोष्ट आहे.
महाराजांनी दिलेला हा सन्मान, प्रेम आणि विश्वास आमच्यासाठी कायमच प्रेरणादायी राहील.
'दैवंम’च्या पुढील प्रवासासाठी मिळालेली ही शाब्बासकी आम्ही नक्कीच जपून ठेवू.
मनापासून आभार आणि
अशा या छत्रपतींना मानाचा मुजरा! 🚩🙏
जय हिंद! जय महाराष्ट्र! 🚩
