31/07/2014
मटा ऑनलाइन वृत्त । पुणे
पुणे जिल्ह्यातील दरडग्रस्त माळीण
गावाच्या दुर्दैवाची कहाणी अक्षरश: हेलावून
टाकणारी आहे. माळीण गावावर काळाने
घातलेला घाला इतका भयंकर
होता की दरडीखाली आख्खे गाव गाडले गेले.
गावाजवळून एसटी बस घेऊन
जाणाऱ्या एसटी चालकाला नेहमी गजबजाट
असलेले हे गावच दिसले नाही. त्यामुळे
त्याला संशय आला आणि या भयंकर
दुर्घटनेची माहिती समोर आल्याचे समजते.
पुणे जिल्ह्यातील आंबेगाव तालुक्यातील
भीमाशंकरजवळच्या माळीण गावावर आज
पहाटे डोंगरकडा कोसळला.
या दुर्घटनेची माहिती बराच काळ
कोणालाही नव्हती. दुर्घटनेनंतर काही वेळात
तिथे नेहमीची एसटी आली.
तेव्हा एसटी चालकाला अनेक घरे न
दिसली नाहीत. त्यातून ही दुर्घटना उघडकीस
आली. दरडीखाली ४४ घरे गाडली गेली असून
त्याखाली १६० लोक अडकले आहेत. जखमींवर मंचर
येथील रुग्णालयात उपचार सुरू आहेत.
जीवितहानीचा नेमका आकडा आताच
सांगता येणार नसल्याचे एनडीआरएफचे
महासंचालक संदीप राय राठोड
यांनी सांगितले.
मंचर येथे नियंत्रण कक्ष
मुख्यमंत्री पृथ्वीराज चव्हाण
यांनी घटनास्थळी जाऊन
परिस्थितीचा आढावा घेतला. मदतकार्य
वेगाने व योग्य पद्धतीने व्हावे यासाठी मंचर
येथे नियंत्रण कक्ष स्थापन करण्यात आल्याचे
चव्हाण यांनी सांगितल....JAYU
