08/10/2026
ಚೆನ್ನೈ ಪ್ರೇಕ್ಷಕರನ್ನು
ಮಂತ್ರಮುಗ್ಧಗೊಳಿಸಿದ
ಶ್ರೇಷ್ಠ ಪ್ರಯೋಗ!
----------------------
ಸತತ ನಾಲ್ಕನೇ ವರ್ಷ ಚೆನ್ನೈನ ಭಾರತೀಯ ವಿದ್ಯಾ ಭವನ ಹಮ್ಮಿಕೊಳ್ಳುವ ವಾರ್ಷಿಕ ಬಹುಭಾಷಾ ನಾಟಕೋತ್ಸವದಲ್ಲಿ ಪ್ರತಿ ಬಾರಿಯಂತೆ ವಿನೂತನ ನಾಟಕಗಳ ಪ್ರದರ್ಶನ ನೀಡುವ ಖ್ಯಾತ ಚಲನಚಿತ್ರ ಧಾರಾವಾಹಿ ನಟ , ನಿರ್ದೇಶಕ,ಹೆಸರಾಂತ ರಂಗಕರ್ಮಿ ಹಾಗೂ "ನಟನ - ಮೈಸೂರು ಮುಖ್ಯಸ್ಥ ರಾದ ಮಂಡ್ಯ ರಮೇಶ್ ಅವರ ತಂಡದ ಇಂದಿನ (೮/೧೦/೨೬) ಗುರುವಾರದ ಅರ್ಪಣೆ
೧೮೭೩ ರಲ್ಲಿ ಆಧುನಿಕ ನಾಟಕ ಪಿತಾಮಹ ಶಾಂತಕವಿ- ಸಕ್ಕರಿ ಬಾಳಾಚಾರ್ಯ ವಿರಚಿತ ನಾಟಕ " ಉಷಾಹರಣ" ..
ಶ್ರೀಪಾದ ಭಟ್ಟರ ಮೂಲ.ನಿರ್ದೇಶನ ಮತ್ತು ಸಂಗೀತ.
ಸಹ ನಿರ್ದೇಶನ ಹಾಗೂ ಮುಖ್ಯ ಪಾತ್ರದಲ್ಲಿ ನಟನ ಪ್ರಾಚಾರ್ಯ "ಮೇಘ ಸಮೀರ" .ಇವರು ಒಬ್ಬ ಭರವಸೆಯ ,ಉದ್ಯೋನ್ಮುಖ ,ಮುಂದಿನ ದಿನಗಳಲ್ಲಿ ನಾಡಿನ ಶ್ರೇಷ್ಠ ದಿಗ್ದರ್ಶಕರಾಗುವುದರಲ್ಲಿ ಸಂದೇಹವಿಲ್ಲ.ನಟನೆ,ಸಂಗೀತ,ರಂಗ ಸಜ್ಜಿಕೆ ಹೀಗೆ ನಾಟಕದ ಎಲಾ ಪ್ರಕಾರಗಳಲ್ಲಿ ಅನುಭವಿ ,ಮಾರ್ಗದರ್ಶಿ ಕೂಡ.
ತಂಡದ ಕಲಾವಿದೆಯರಲ್ಲಿ ಒಬ್ಬರು ದಿಶಾ ರಮೇಶ್ ಎಂದಿನಂತೆ ಮನೋಜ್ಞ ನಟನೆ ,ಹಾಡುಗಾರಿಕೆ ,ಹಾವಭಾವ ಒಳಗೊಂಡ ವಿನೂತನ ನೃತ್ಯ ಶೈಲಿ . ಮತ್ತೋರ್ವ ಕಲಾವಿದೆ ಉದಯೋನ್ಮುಖ ರಂಗ ನಟಿ - ಬಾಣಾಸುರನ ಪುತ್ರಿ ಉಷೆ ಪಾತ್ರಧಾರಿ ರಂಜನಾ ಅವರ ಅದ್ಬುತ ನಟನೆ.
ಈ ಎಲಾ ಪ್ರಮುಖ ಪಾತ್ರಧಾರಿಗಳ ಲೀಲಾಜಾಲ ನಟನೆ ,ಹಳಗನ್ನಡ ಸಂಭಾಷಣೆ ನಮ್ಮನ್ನು ಪುರಾಣಗಳ ಕಥೆಗಳೆಡೆಗೆ ಕರೆದೊಯ್ದಿತು.ಉದ್ದುದ್ದ ಹಳಗನ್ನಡ ಸಂಭಾಷಣೆ ಒಪ್ಪಿಸಿದ ರೀತಿ ,ಹಲವಾರು ಹಳಗನ್ನಡ ಪದಗಳು ( ಸುಮಾರು ೮೦ ಪ್ರತಿಶತ) ಹೊಸತಾಗಿ ಕೇಳಿದ ಭಾಸವಾಯಿತು.
ಶಿವ (ಮನೋಜ್)- ಪಾರ್ವತಿ,ಉಷೆ - ಪ್ರಿಯಕರ ಪಾತ್ರಗಳು ಪ್ರೇಕ್ಷಕರನ್ನು ಒಂದೂ ಮುಕ್ಕಾಲು ತಾಸು ಮಂತ್ರಮುಗ್ಧರನ್ನಾಗಿಸಿದವು.
ಇನ್ನು ಬಾಣಾಸುರನ ಪಾತ್ರ ಹಾಗೂ ಅದರ ಪಾತ್ರಧಾರಿಯ ಬಗ್ಗೆ ಹೇಳಲೇ ಬೇಕು.ಕಳೆದ ವರ್ಷ(ಅಂಧಯುಗದಲ್ಲಿ) ವಷ್ಟೇ ನಟನೆಗೆ ಪಾದಾರ್ಪಣೆ ಮಾಡಿದ (ಇದಕ್ಕೂ ಮುಂಚೆ ಹಾಗೂ ಈಗಲೂ ನಟನದ ರಂಗ ಸಜ್ಜಿಕೆ,ದ್ವನಿ,ಬೆಳಕು ನೋಡಿಕೊಳ್ಳುತ್ತಿರುವ) ಸಿಂಗಾನಲ್ಲೂರು ಸಿಂಗಂ. - ಚೇತನ್ ನಟನೆ ಅಮೋಘ,ಪಾತ್ರಾಭಿನಯ,ಹಾವಭಾವ,ರಾಕ್ಷಸನ ರಕ್ಕಸ ನಟನೆ ಒಬ್ಬ ಅನುಭವಿ ನಟನಂತೆ ಕಾಣಿಸಿತು,ಅವರಿಗೆ ಉಜ್ವಲ ಭವಿಷ್ಯವಿದೆ.
ಕಳೆದ ನಾಲ್ಕು ವರ್ಷಗಳಿಂದ "ನಟನ ಮೈಸೂರು" ತಂಡವನ್ನು ಕರೆಯಿಸಿ ನಾಟಕ ಪ್ರದರ್ಶನ ನಡೆಸುತ್ತಿರುವ ಭಾರತೀಯ ವಿದ್ಯಾ ಭವನ ,ಮೈಲಾಪುರ ,ಚೆನ್ನೈನ ಕಾರ್ಯದರ್ಶಿ - ವೆಂಕಟಾಚಲಂ ಅವರಿಗೆ ಚೆನ್ನೈ ಕನ್ನಡಿಗರ ಹೃತ್ಪೂರ್ವಕ ಧನ್ಯವಾದಗಳು.
ಕಳೆದ ೨೫ ಕ್ಕೂ ಹೆಚ್ಚು ವರ್ಷಗಳಿಂದ ಆಸಕ್ತ ಯುವ ಪೀಳಿಗೆಗೆ ಅಭಿನಯ ಶಾಲೆ ನಡೆಸುತ್ತಿರುವ ನಿಮಗೆ ಹಾಗೂ ನಿಮ್ಮಲ್ಲಿ ಶ್ರದ್ಧೆಯಿಂದ ಕಲಿತು ಇಂದು ದೇಶದಾದ್ಯಂತ ಹೆಸರುವಾಡುತ್ತಿರುವ ನಿಮ್ಮ ಶಿಶುವೃಂದಕ್ಕೆ ಅಭಿನಂದನೆಗಳು.
ಶುಭರಾತ್ರಿ
ಶಿವಕುಮಾರ ದಳವಾಯಿ
ಚೆನ್ನೈ ಕನ್ನಡಿಗ --೮/೧೦/೨೯
ರಾತ್ರಿ ೧೧
