15/05/2026
He thil hi Shantou khua, Guangdong province, China a thleng a ni.
Nu pakhat chuan a pasal nen an hauh buai hnu ah an pawisa khawl sa te chu a thinrim hrikthlak nan video a kan hmuh ang hian a vawrh chhuak ta mai ani. A vawrh chhuah hi Hong Kong Dollar (HK$) vek a ni a, note khat pawh HK$1,000 (Mizo pawisaa cheng 10,000 chuang hret) zeta hlu a ni. A vai hian $162,000 chuang zet a tling.
Tangka hi van atanga tla ang maiin a sur a ni. A hnuai lama mite chu an tlan khawm nghal a, pawisa chhar tumin an inchuh nasa hle.Police leh firefighter-te pawh an kal nghal a, buaina a chhuah loh nan an veng nghal a ni.
He thil thlen hnu hian tualchhung thuneitute chuan pawisa chhartu mipuite chu pe let leh turin an ngen a. Apartment enkawltute sawi danin, mi tlawmngai tam tak chuan an chhar ang ang chu an pe let leh tawh a ni.
Social media-ah mi tam takin he thil hi an sawi zui a, "A thinrim dan chu a hautak hle mai," tiin an fiamzui hlawm a ni.
