അസീസ് എളയോടത്തിന്റെ കവിതകൾ

  • Home
  • India
  • Malappuram
  • അസീസ് എളയോടത്തിന്റെ കവിതകൾ

അസീസ് എളയോടത്തിന്റെ കവിതകൾ Abdul azeez elayodath

പ്രിയ സൗഹൃദങ്ങളേ ശുഭരാത്രി... 🙏❤️മനസ്സിൽ നിറയെ സമാധാനവും സന്തോഷവും നിറച്ച് ശാന്തമായുറങ്ങൂ... ഇനിയൊരു മനോഹരമായ പുലരിയിലേ...
13/09/2026

പ്രിയ സൗഹൃദങ്ങളേ
ശുഭരാത്രി... 🙏❤️

മനസ്സിൽ നിറയെ സമാധാനവും
സന്തോഷവും നിറച്ച്
ശാന്തമായുറങ്ങൂ...

ഇനിയൊരു മനോഹരമായ
പുലരിയിലേക്ക്
കണ്ണുതുറക്കാം...❤️

സ്നേഹപൂർവ്വം
ശുഭരാത്രിആശംസകൾ..🌹🌹🌹

അസീസ് എളയോടത്ത്




#ശുഭരാത്രി
#അസീസ്എളയോടത്തിന്റെകവിതകൾ

കവിതഗുരു ശിഷ്യൻ...ഹേയ്...ഇരുളിന്റെ കമ്പളം പുതച്ച്ഉറങ്ങുന്നവനേ...ഉണരുകഇനിയും നീ എഴുതുകഎന്തെഴുതണം.മാതാ പിതാ ഗുരു ദൈവം..ജനി...
13/09/2026

കവിത

ഗുരു ശിഷ്യൻ...

ഹേയ്...

ഇരുളിന്റെ കമ്പളം പുതച്ച്
ഉറങ്ങുന്നവനേ...

ഉണരുക
ഇനിയും നീ എഴുതുക

എന്തെഴുതണം.

മാതാ പിതാ ഗുരു ദൈവം..

ജനിപ്പിച്ച കുറ്റത്തിന്
ഞാൻ അമ്മയെ കൊന്നു.

ദാരിദ്ര്യത്തിന്റെ
പടുകുഴിയിൽ നിന്നും
കൈപിടിച്ചുയർത്തിയ
ആ വയോ വൃദ്ധനെ
അന്നൊരുനാൾ കൊന്നുതള്ളി..

അതേ ഇന്ന് മോചനം
ആഘോഷമാണ്.

എന്നെ നിനക്കറിയില്ല ഞാൻ കലികാലത്തിന്റെ സന്തതി
നിന്റെ തലയെടുക്കും

നന്മകൾ മാത്രം
നമ്മിലേക്ക് ആവാഹിക്കുവാൻ
പതിറ്റാണ്ടിലധികം
ഗുരുവിനോടൊപ്പം...

ഗുരുവിന് ദക്ഷിണയായി
തന്റെനാവ് പിഴുതുനൽകി.
ഗുരുതരമായ തെറ്റുകൾ
നമ്മൾ പിന്നെയും ആവർത്തിക്കും..

ദൈവം
ഒരേപോലെ സൃഷ്ടിച്ചു
പുഞ്ചിരിച്ചു.!

ദേഹിയും ദയയും നൽകി
ഒരേനിറത്തിലുള്ള ചോരയേകി

നോവും നേരവും
നനവും
നിനവും നൽകി.

നിനച്ചില്ലായിരിക്കും
നാം ഇത്ര തരം തിരിയുമെന്ന്

ഇത്രയും തരം താഴുമെന്നും...

അസീസ് എളയോടത്

30 01 2025




#കവിതകൾ
#അസീസ്എളയോടത്തിന്റെകവിതകൾ

കടവ്...❤❤❤❤കടവത്ത് തോണി അടുക്കാത്തതെന്തേ കടവിലേക്ക് കടമിഴിയെറിഞ്ഞുകാത്തിരുന്നു കാണാൻ കൊതിയോടെ മിഴിനട്ടിരുന്നു...കാത്തിരി...
13/09/2026

കടവ്...
❤❤❤❤

കടവത്ത് തോണി അടുക്കാത്തതെന്തേ
കടവിലേക്ക് കടമിഴിയെറിഞ്ഞു
കാത്തിരുന്നു
കാണാൻ കൊതിയോടെ മിഴിനട്ടിരുന്നു...

കാത്തിരിപ്പിനിടയിൽ
കാലം പോയതറിഞ്ഞില്ല
കാലൊച്ച കേട്ട മാത്രയിൽ
കാണുവാൻ വേണ്ടി പിന്തിരിഞ്ഞു നോക്കിയപ്പോൾ

കൺകണ്ട ദൈവം എൻപ്രാണനാഥൻ
കയ്യിലെനിക്കായ് കരുതിയ മധുരവുമായ്
കണവന്റെ കയ്യിലെ മധുരമല്ലെനിക്ക്
കാതരമാം നെഞ്ചിലെ ചൂടാണേറ്റം
മധുരതരം...

കനകത്താൽ തീർത്തകൊട്ടാരമെങ്കിലും
കനവുകൾ കണ്ടിരിക്കുവാനല്ലാതെ
കനലെരിയും നെഞ്ചിലേക്കിത്തിരി
കനിവിന്റെ തെളിനീരൊഴുക്കുവാൻ
കനിയണേ ഇന്നെന്റെ പ്രാണ നാഥാ..

കാത്തിരുന്നൊരീഇണതൻ മോഹങ്ങൾ
കാണാതിരിക്കല്ലെ കൂട്ടുകാരാ....

കതക് തുറന്നു ഞാൻ അകത്തേക്ക് ചെന്നപ്പോൾ
കണവന്റെ കണ്ണിലൊരു ഒളിനോട്ടം
കാർമുകിൽ വർണ്ണന്റെ മിഴിയാട്ടം
കൺകോണിലെവിടെയോ
കാമദാഹത്തിൻ തിരയാട്ടം...

അസീസ് എളയോടത്ത്




#കവിതകൾ
#അസീസ്എളയോടത്തിന്റെകവിതകൾ

പ്രിയ സൗഹൃദങ്ങളേ ശുഭദിനം...✨🙏❤️നാം ജീവിതത്തിൽ നേടിയതിനെക്കാൾ,മറ്റുള്ളവർക്ക് നൽകിയതാണ്അവസാനം ഓർമ്മിക്കപ്പെടുന്നത്.ഒരു നല്...
13/09/2026

പ്രിയ സൗഹൃദങ്ങളേ
ശുഭദിനം...✨🙏❤️

നാം ജീവിതത്തിൽ നേടിയതിനെക്കാൾ,
മറ്റുള്ളവർക്ക് നൽകിയതാണ്
അവസാനം ഓർമ്മിക്കപ്പെടുന്നത്.

ഒരു നല്ല വാക്ക്...
ആത്മാർത്ഥമായ ഒരു പുഞ്ചിരി...
ഒരു സഹായഹസ്തം...
ചിലപ്പോൾ അത്രമാത്രം മതി, ഒരാളുടെ ജീവിതത്തിൽ പ്രതീക്ഷയുടെ വെളിച്ചമാകാൻ.
ഇന്നത്തെ ദിനം സ്നേഹവും കരുണയും നന്മയും നിറഞ്ഞതാകട്ടെ...❤️

സ്നേഹപൂർവ്വം
ശുഭദിനാശംസകൾ... 🌹🌹🌹

✍️ അസീസ് എളയോടത്ത്




#ശുഭദിനം
#അസീസ്എളയോടത്തിന്റെകവിതകൾ

പ്രിയ സൗഹൃദങ്ങളേ...ശുഭരാത്രി... 🙏🙏രാവേറെയായി മനസ്സും ശരീരവും ഒരുവിശ്രമം കൊതിക്കുന്നു... സാധ്യമെങ്കിൽ കണ്ണുകൾ അടച്ച് മനസ്...
12/09/2026

പ്രിയ സൗഹൃദങ്ങളേ...
ശുഭരാത്രി... 🙏🙏

രാവേറെയായി
മനസ്സും ശരീരവും
ഒരുവിശ്രമം കൊതിക്കുന്നു...

സാധ്യമെങ്കിൽ കണ്ണുകൾ അടച്ച് മനസ്സ് ശാന്തമാക്കൂ...
ഇന്നത്തെ നല്ല ഓർമ്മകൾ മാത്രം കൂട്ടിനുണ്ടാവട്ടെ.
അല്ലാത്തവയൊക്കെയും ജലരേഖപോലെയാകട്ടെ...

നാളത്തെപൊൻപുലരിയുടെ
പുതിയ പ്രകാശത്തിലേക്ക് സുഖമായി ഉണരാൻ കഴിയട്ടെ!.. ❤️

സ്നേഹപൂർവ്വം
ശുഭരാത്രി ആശംസകൾ... 🌹🌹🌹

അസീസ് എളയോടത്ത്




#ശുഭരാത്രി
#അസീസ്എളയോടത്തിന്റെകവിതകൾ

12/09/2026

കവിത

യാത്ര..

മനുഷ്യ ജീവിതത്തിലേക്ക്..




#മലയാളംകവിതകൾ
#അസീസ്എളയോടത്തിന്റെകവിതകൾ

കവിത ഒരുവട്ടം കൂടി...ഒരു വട്ടംകൂടി എൻ ഓരത്തു വന്നുനീഓതിടേണമെൻ പ്രിയമേഒരിക്കലും വെറുത്തില്ലഓർക്കാതിരുന്നില്ലഓമനിച്ചനമ്മൾത...
12/09/2026

കവിത

ഒരുവട്ടം കൂടി...

ഒരു വട്ടംകൂടി എൻ
ഓരത്തു വന്നുനീ
ഓതിടേണമെൻ പ്രിയമേ
ഒരിക്കലും വെറുത്തില്ല
ഓർക്കാതിരുന്നില്ല
ഓമനിച്ചനമ്മൾതൻ പ്രണയം...

ഒഴുകി മറഞ്ഞൊരാ കടലാസുതോണിയും..
ഓതിമറന്ന പ്രണയവരികളും
ഓടിഅടുത്ത നമ്മൾതൻ സ്നേഹവും
ഓരോമിഴിയനക്കത്തിലും നമ്മൾ
ഓർക്കാൻ മാത്രംകഥകൾ മെനഞ്ഞതും
ഒരിക്കലും മറക്കില്ലെന്നറിയാമെങ്കിലും..

ഒഴുകി അകലുന്ന കാലത്തിൻ പോക്കിൽ
ഒന്നിനും വിലയില്ലാതാവുന്ന നാട്ടിൽ...
ഓർക്കേണ്ടതെല്ലാം മറക്കുന്ന ശീലത്തിനിടയിൽ
ഒരുമിച്ചു കൂടുന്നദിവസം കൊതിച്ചുഞാൻ
ഒന്നും മറക്കാതെ എല്ലാംനിനക്കായ്
ഒന്നിച്ചുവെച്ചു
ഒന്നായി തീരുന്ന നേരംനിനച്ചുഞാൻ...

അസീസ് എളയോടത്ത്
21 02 2023




#കവിതകൾ
#അസീസ്എളയോടത്തിന്റെകവിതകൾ

കവിത ഉദയാസ്തമയങ്ങൾക്കിടയിൽ...ഉദയാസ്തയങ്ങൾക്കിടയിൽ വീണുകിട്ടുന്ന ചെറു നിമിഷങ്ങളേ എന്റേതായുള്ളൂ...അതിൽ താരും തളിരുമായി അമ്...
12/09/2026

കവിത

ഉദയാസ്തമയങ്ങൾക്കിടയിൽ...

ഉദയാസ്തയങ്ങൾക്കിടയിൽ
വീണുകിട്ടുന്ന
ചെറു നിമിഷങ്ങളേ
എന്റേതായുള്ളൂ...

അതിൽ താരും തളിരുമായി
അമ്പിളിമാമന്റെ
ചങ്ങാത്തമായി
ശൈശവം കടന്നുപോയത്
ഞാനറിഞ്ഞിരുന്നില്ല...

ഓർക്കാനൊരുപാട്
മധുരം ബാക്കിവെച്ച്
തിരികെത്തരില്ലെന്ന്
വാശിപിടിച്ച ബാല്യവും
നഷ്ടബോധം പകർന്നകന്നു...

ഒരായിരം സ്വപ്നങ്ങളും
നൂറ് ജന്മങ്ങൾകൊണ്ട് നേടാൻ കഴിയാത്ത ലക്ഷ്യങ്ങളും പ്രതീക്ഷകളുമായി
യൗവ്വനം കടന്നു വന്നതും...

ഘടികാര സൂചിയുടെ
പാച്ചിലിന്റെ വേഗതനോക്കി
നിൽക്കുന്നതിനിടക്ക്
ഒരുപാട് പൂക്കളും
കരിയിലകളും
ചോരയുടെ മണം പേറുന്ന
കാറ്റുമായി
പടികടന്നപ്പോൾ...

എന്നെ തിരിഞ്ഞു നോക്കി
പുഞ്ചിരിക്കുന്നുണ്ടായിരുന്നു

എങ്കിലും...
എന്നെ ശൂന്യതയിൽ
തള്ളിയില്ലേ...
എന്നെന്നോട് ചോദിക്കുന്നപോലെ...

കൺ പോളകൾ
അനുവാദമില്ലാതെ
അടയുന്നു...

കാഴ്ചകൾക്ക് മുന്നിൽ
കാലം മറകെട്ടിയപോലെ.!

കേൾവിക്കുമുണ്ട്
അപരിചിതത്വം...
കാൽ പെരുമാറ്റം കൊണ്ട്
തിരിച്ചറിഞ്ഞിരുന്ന വർ

അരികിലെത്തിയാലേ
ഒച്ചവെക്കുന്നുള്ളൂ...

കാലവേഗതയോട്
മത്സരിച്ച കാലുകൾക്ക്
പരാജയഭാവം വന്നിരിക്കുന്നു...

വിറയാർന്ന കൈകളാൽ
ഊന്നുവടിയിൽ
നിവർന്നു നിൽക്കാൻ
കൊതിക്കുന്ന
മുതുകത്ത്
കാലത്തിന്റെ
ഓർമ്മപ്പെടുത്തൽ...

അസീസ് എളയോടത്ത്




#കവിതകൾ
#അസീസ്എളയോടത്തിന്റെകവിതകൾ

പ്രിയ സൗഹൃദങ്ങളേ ശുഭദിനം... 🙏❤️പഠനം പുസ്തകങ്ങളിൽ മാത്രം ഒതുങ്ങുന്നതല്ല... ജീവിതത്തിലെ ഓരോ അനുഭവവും നമ്മെ എന്തെങ്കിലും പഠ...
12/09/2026

പ്രിയ സൗഹൃദങ്ങളേ ശുഭദിനം... 🙏❤️

പഠനം പുസ്തകങ്ങളിൽ മാത്രം ഒതുങ്ങുന്നതല്ല...
ജീവിതത്തിലെ ഓരോ അനുഭവവും നമ്മെ എന്തെങ്കിലും പഠിപ്പിക്കുന്നു.

ഇന്നും പലസാഹചര്യംങ്ങളിലൂടെയും കടന്നുപോകുന്നുണ്ടാകും
അവിടെയെല്ലാം പുതിയ അനുഭവങ്ങളായിരിക്കാം
അവയിൽനിന്നും പുതിയതായി എന്തെങ്കിലും പഠിക്കാം...
അതാണ് വളർച്ചയുടെ ആദ്യപടി.

എല്ലാവർക്കും അറിവും അനുഗ്രഹവും നിറഞ്ഞ ഒരു മനോഹരമായ ദിവസം ആശംസിക്കുന്നു. 💚

സ്നേഹപൂർവ്വം
ശുഭദിനാശംസകൾ... 🌹🌹🌹

അസീസ് എളയോടത്ത്



#ശുഭദിനം
#അസീസ്എളയോടത്തിന്റെകവിതകൾ

11/09/2026

കവിത

പരോപകാരി...

രചന

അവതരണം
അസീസ് എളയോടത്ത്

സ്വയം മറന്ന് സ്വന്തബന്ധങ്ങൾ മറന്ന് മറ്റുള്ളവർക്ക് വേണ്ടി ഓടി നടക്കുന്ന ചില മനുഷ്യരുണ്ട്...
പരോപകാരിയുടെ അവസ്ഥയിലേക്ക് ഒരെത്തിനോട്ടം..

Address

Edavanna
Malappuram
676541

Website

Alerts

Be the first to know and let us send you an email when അസീസ് എളയോടത്തിന്റെ കവിതകൾ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category