17/08/2026
#दार्जिलिङका साना चिया उत्पादकको प्रतिनिधित्व गर्दै ‘टी इनोभेसन एक्स्पो’मा सहभागिता।।
नयाँ दिल्ली, १७ अगस्ट २०२६। Tea Board of India द्वारा आयोजित Tea Innovation Expo 2026 मा दार्जिलिङ पहाडका साना चिया उत्पादकहरूको प्रतिनिधित्व गर्दै विभिन्न संस्थाका प्रतिनिधिहरूले सहभागिता जनाएका छन्। १६ र १७ अगस्ट २०२६ मा नयाँ दिल्लीस्थित Ambience Mall, Vasant Kunj मा आयोजना भइरहेको उक्त कार्यक्रममा भारतका विभिन्न राज्य तथा क्षेत्रका साना चिया उत्पादकहरू सहभागी भएका छन्।
कार्यक्रममा दार्जिलिङ पहाडका साना चिया उत्पादकहरूको प्रतिनिधित्व गर्दै मिनेरल स्प्रिङ संयुक्त विकास संस्था, मिनेरल स्प्रिङ, दार्जिलिङका सभापति नवीन तामाङ तथा सिटोङ अर्ग्यानिक स्मल टी ग्रोअर्स वेलफेयर सोसाइटी, सिटोङका संगम राई सहभागी भएका छन्।
यस एक्स्पोमा दार्जिलिङसँगै जलपाईगुडी, आसाम, अरुणाचल प्रदेश, नागाल्याण्ड, मणिपुर, उत्तराखण्ड, हिमाचल प्रदेश, निलगिरी तथा वायनाड (केरला) लगायतका विभिन्न चिया उत्पादक क्षेत्रका साना चिया उत्पादकहरूको सहभागिता रहेको छ।
एक्स्पोमा भारतीय चिया क्रेताहरूसँगै जापान, अमेरिका र इंग्ल्याण्ड लगायतका देशबाट आएका अन्तर्राष्ट्रिय चिया क्रेताहरूले पनि विभिन्न क्षेत्रका चियाको अवलोकन तथा स्वाद परीक्षण गरिरहेका छन्। विशेषगरी दार्जिलिङका साना चिया उत्पादकहरूले उत्पादन गरेको चियाप्रति अन्तर्राष्ट्रिय क्रेताहरूले सकारात्मक रुचि देखाएको संगम राईले जानकारी दिएका छन्।
