02/01/2024
മര്യാദരാമൻ.......................
ആദ്യം കേൾക്കുന്നത്
അയലത്തെ ജാനു പറഞ്ഞിട്ടാണ്
ഒന്ന് കെട്ടി
രണ്ട് പെറ്റപ്പോ
അവളെ ആട്ടിയിറക്കി പോലും !
ആദ്യം കാണുന്നത് അമ്പല മുറ്റത്ത് ആലിൻ ചുവട്ടിൽ
ചീട്ട് കളിക്കുമ്പോഴാണ്
ചുണ്ടിൽ എരിയുന്ന ചുരുട്ട് ബീഡി
തലയിൽ ഉടുമുണ്ട് അഴിച്ച് കെട്ടിയിട്ടുണ്ട് ,
ദോഷം പറയരുതല്ലോ
കണ്ടപാടെ
തലമുണ്ടഴിച്ച്
തല കുമ്പിട്ട്
ബീഡിക്കുറ്റി നിലത്തെറിഞ്ഞ്
വിനീത കുലോത്തമനായി നിന്നു
എന്തായാലെന്താ
മര്യാദയുണ്ട്
രാമന് !
