"Pularkalam"

"Pularkalam" ഈ വേനലില്‍ ഞാന്‍ തനിയെ...മുന്നില്‍ നിന്നും പിന്നിലേക്ക്‌ നടന്നു മറയുന്ന നിഴല്‍ എന്നെ നോക്കി ചിരിച്ചു പറയുന്നു ,എനിക്ക് ചെക്കേറനിടമുണ്ട്‌, നിനക്കോ?

🌹 മലയാളത്തിന്റെ ഗന്ധർവ്വസംഗീതം - അർജുനൻ മാസ്റ്റർ 🌹മലയാള ചലച്ചിത്ര സംഗീത ലോകത്തെ സൗമ്യസാന്നിധ്യമായിരുന്ന പ്രിയപ്പെട്ട എം....
06/04/2026

🌹 മലയാളത്തിന്റെ ഗന്ധർവ്വസംഗീതം - അർജുനൻ മാസ്റ്റർ 🌹
മലയാള ചലച്ചിത്ര സംഗീത ലോകത്തെ സൗമ്യസാന്നിധ്യമായിരുന്ന പ്രിയപ്പെട്ട എം.കെ. അർജുനൻ മാസ്റ്ററുടെ ഓർമ്മകൾക്ക് മുന്നിൽ പ്രണാമം.
മലയാളികൾ നെഞ്ചോട് ചേർത്തുവെച്ച എത്രയെത്ര മനോഹരമായ ഈണങ്ങൾ! "കസ്തൂരി മണക്കുന്നല്ലോ", "ചെമ്പകപ്പൂങ്കാവനത്തിലെ", "തങ്കഭസ്മക്കുറിയിട്ട തമ്പുരാട്ടി" തുടങ്ങി വിരഹവും പ്രണയവും ഭക്തിയും ചാലിച്ചെടുത്ത ആയിരത്തിലധികം ഗാനങ്ങൾ ആ വിരൽത്തുമ്പുകളിൽ നിന്നും പിറന്നു.
കടൽ പോലെ ശാന്തമായ പെരുമാറ്റം, ലാളിത്യം നിറഞ്ഞ ജീവിതം... സംഗീതം പ്രാണവായുവാക്കിയ ആ വലിയ കലാകാരൻ നമുക്ക് നൽകിപ്പോയത് ഒരിക്കലും മായാത്ത ഈണങ്ങളുടെ വസന്തമാണ്.
> "പാടുവാൻ മറന്നുപോയൊരു ഗാനം
> എന്റെ പല്ലവി തീരാത്ത ഗാനം..."
>
മാസ്റ്റർ പാടിനിർത്തിയ ആ ഈണങ്ങൾ ഓരോ മലയാളിയിലൂടെയും ഇന്നും അനശ്വരമായി തുടരുന്നു.
മനസ്സിൽ മായാത്ത ആ സംഗീത ചക്രവർത്തിക്ക് ആദരാഞ്ജലികൾ! 🙏✨

വൃദ്ധയും പൂച്ചയും===============രമ്യ തുറവൂർ===========ആത്മഹത്യയ്ക്കും മുൻപ് ഞാനെൻ്റെ വളർത്തു പൂച്ചയെതെരുവിലുപേക്ഷിച്ചു.അ...
05/04/2026

വൃദ്ധയും പൂച്ചയും
===============
രമ്യ തുറവൂർ
===========

ആത്മഹത്യയ്ക്കും മുൻപ് ഞാനെൻ്റെ വളർത്തു പൂച്ചയെ
തെരുവിലുപേക്ഷിച്ചു.
അവളിപ്പോൾ തെരുവിനെതിർവശത്തെ
ഇരുമ്പു ബഞ്ചിലിരിക്കുന്ന
ഒരു വൃദ്ധയുടെ കാൽച്ചോട്ടിലായിരിക്കാം.
അവളുടെ മൃദുലമായ രോമങ്ങളുരഞ്ഞ്
ആ വൃദ്ധ അവളെ
കൗതുകത്തോടെ കയ്യിലെടുത്തു കാണും.
ഉപേക്ഷിക്കപ്പെട്ടവർക്ക് മുകളിൽ
ഒരു നഗരം ചെയ്യുന്നതെന്തായിരിക്കുമെന്ന് ഒരിക്കൽ ഞാനൊരു
കവിതയിലെഴുതിയിരുന്നു.
പിഞ്ഞിയ വലക്കണ്ണികൾ പോലെ കഴിഞ്ഞ കാലങ്ങൾ ആ നഗരത്തെ
മൂടുന്നുണ്ടാവാം.
വൃദ്ധയും പൂച്ചയും
കഴിഞ്ഞ ജൻമത്തിൽ നിന്നെന്ന പോലെ
പരസ്പരം ഇറങ്ങിനടക്കുന്നുമുണ്ടാവും.
അവർക്കിപ്പോൾ എല്ലാം
സുപരിചിതമായിക്കാണും.
കൊടും മഞ്ഞ്
മഴ
വേനൽ
തകർന്ന വിമാനച്ചിറകുകൾ പോലുള്ള അവരുടെ രാത്രികൾ
തെരുവുകളിൽ നിന്ന് തെരുവുകളിലേയ്ക്കുള്ള വഴികൾ,
നീളൻ കാത്തിരിപ്പുകൾ ഉറഞ്ഞുറഞ്ഞ്
കല്ലുകളായിപ്പോയ നിരത്തുകൾ
അങ്ങനെയെല്ലാം .

ഇനി എന്നിലേയ്ക്ക് വന്നാൽ

ഞാനിപ്പോൾ മരണത്തിനും ജീവിതത്തിനുമിടയിലെ
അവസാനത്തെ
പിടച്ചിലിലാണ്.
കാരണം
വൃദ്ധയുടെ മുഖമുള്ള എൻ്റെ വീട്ടിലെ
ഒടുവിലത്തെ പൂച്ചയാണ് ഞാൻ.

02/01/2024

മര്യാദരാമൻ.......................
ആദ്യം കേൾക്കുന്നത്
അയലത്തെ ജാനു പറഞ്ഞിട്ടാണ്
ഒന്ന് കെട്ടി
രണ്ട് പെറ്റപ്പോ
അവളെ ആട്ടിയിറക്കി പോലും !

ആദ്യം കാണുന്നത് അമ്പല മുറ്റത്ത് ആലിൻ ചുവട്ടിൽ
ചീട്ട് കളിക്കുമ്പോഴാണ്
ചുണ്ടിൽ എരിയുന്ന ചുരുട്ട് ബീഡി
തലയിൽ ഉടുമുണ്ട് അഴിച്ച് കെട്ടിയിട്ടുണ്ട് ,
ദോഷം പറയരുതല്ലോ
കണ്ടപാടെ
തലമുണ്ടഴിച്ച്
തല കുമ്പിട്ട്
ബീഡിക്കുറ്റി നിലത്തെറിഞ്ഞ്
വിനീത കുലോത്തമനായി നിന്നു
എന്തായാലെന്താ
മര്യാദയുണ്ട്
രാമന് !

15/03/2023

നീയും ഞാനും.........................
പ്രപഞ്ചത്തിലേറ്റവും കനപ്പെട്ടതെന്തെന്ന് നിന്റെ ചോദ്യം
നിന്നോടുള്ള നിബന്ധനകളില്ലാത്ത സ്നേഹത്താൽ കനപ്പെട്ട് തൂങ്ങിയ എന്റെ ഹൃദയം
അടക്കിപ്പിടിച്ച് ഞാൻ പറഞ്ഞു,
വൈഡൂര്യം.

പ്രപഞ്ചത്തിലേറ്റവും
ആഴമുള്ളതെന്തെന്ന് നിന്റെ ചോദ്യം
നിന്റെ കണ്ണുകളിലേക്ക് നോക്കുമ്പോഴൊരിക്കലും
മറുകര കാണാതെ മുങ്ങിത്താണു പോകുന്ന ഞാൻ
നീ എന്ന ആഴത്തെ
മാറ്റി നിർത്തി പറഞ്ഞു,
മരിയാന ട്രഞ്ച്.

പ്രപഞ്ചത്തി ലേറ്റവും മധുരമുള്ളതെന്തിനെന്ന് നിന്റെ ചോദ്യം !...
നിന്റെ ചുംബനത്തിനെന്ന് പറയാൻ വെമ്പിയെങ്കിലും
നിന്റെ നല്ല പാതിയുടെ ബലിഷ്ഠ കരങ്ങളോർത്ത് ഞാൻ പറഞ്ഞു
തേൻ , തേൻ തന്നെയാണ് മധുരം!!

09/12/2022

അഭയ
******************
ഇന്നലെ ഞാനാ മരണക്കിടക്കയിൽ നിന്ന് മോചിതയായി
അത്യന്തം നാടകീയമായ ഒരു ഞരക്കത്തിനൊടുവിൽ ധമനിയിലെ അവസാന തുള്ളി രക്തവും ഒഴുക്കി കളഞ്ഞ് നാഡീ ഞരമ്പുകൾ പൊട്ടിച്ചെറിഞ്ഞ് ഞാൻ സ്വതന്ത്രയായി .
എന്റെ സ്വാതന്ത്ര പ്രഖ്യാപനത്തിന് അൽപ്പം മുൻപ്
എന്നിലെ ജീവന്റെ കണികയെ പിടിച്ചു നിർത്താൻ നടത്തിയ അവസാന പരിശ്രമങ്ങൾ എന്തിനായിരുന്നു
ഞാനിന്നനുഭവിക്കുന്ന നിസ്സീമമായ സ്വാതന്ത്രത്തെ കുറിച്ച്
നിങ്ങൾക്ക് ചിന്തിക്കാനാകുമോ
ഇവിടെ
എനിക്ക് ശബ്ദമില്ല
എന്റെ കൂർത്തതും അരോചകവുമായ ശബ്ദ ധ്വനി കേട്ട് ആരും ചെവിപൊത്തുന്നുമില്ല
ഞാനിവിടെ നഗ്നയാണ്
എന്റെ വസ്ത്രത്തിന്റെ ഇറക്ക കുറവിനേയോ മുറുക്കത്തേയോ കുറിച്ച് ആരും ആകുലപ്പെടുന്നുമില്ല
ഇവിടെ രാവും പകലുമില്ല
എന്റെ അസമയ സഞ്ചാരത്തെ കുറിച്ച് ആർക്കും പരിഭവവുമില്ല
ഇവിടെ ആണും പെണ്ണുമില്ല
അതുകൊണ്ട് മാത്രം
അവിടത്തെ എന്ന പോലെ ഒരിക്കൽ കൂടി ഏതെങ്കിലും ഒരു ബസ്സിൽ കിടന്ന് പിടഞ്ഞ് പിടഞ്ഞ് രക്തം ചൊരിഞ്ഞ് മരണക്കിടക്കയിലേക്ക് വരേണ്ടി വരുകയുമില്ല !

09/04/2022

ഓടക്കുഴൽ പിടിച്ച്
അത്തി മര ചുവട്ടിൽ
വാ പൊളിച്ചു നിന്നപ്പോ
കൃഷ്ണനെന്നു വിളിച്ചത് നിങ്ങളാണ്.

കാലിൽ ചുറ്റിയ പാമ്പിനെ തല്ലികൊന്നെറിഞ്ഞപ്പൊ
കാളീയ മർദ്ധനമെന്നും വിളിച്ചു
ആ ചാവാലി പാമ്പിനി പേര് ആരാണിട്ടത്‌?

ചേല കട്ടെന്നത് നേര്
എന്റെ കൌമാര തിളപ്പു.

വെണ്ണ കട്ടതും നേര്
വിശപ്പടക്കാൻ .

കാലിമേച്ചതും നേരു
അന്നമുണ്ടാക്കാൻ.

നെറ്റിയിലെ മയിൽ‌പീലി,
കാലി ചെറുക്കന്മാരുടെ വികൃതി,
ഉറങ്ങി കിടക്കുമ്പോൾ.

പൂതന-
അത് ഞാൻ പറയില്ല
പരമ രഹസ്യമാണ്
എന്തായാലും അത് നിങ്ങൾ കരുതുംപോലെ അല്ല.

രാധ
കരിങ്കള്ളി
അവളാണ് പറഞ്ഞുണ്ടാക്കിയത്
ആയിരത്തെട്ടു പെണ്ണുങ്ങളുടെ അവിഹിത കഥ!
കറുമ്പിയെ ഞാൻ
തള്ളി പറഞ്ഞതിന്റെ കെറുവ്.

രാസലീല
ആടിയത് തന്നെ
സത്യം സത്യമായി പറയണമല്ലോ.

കംസ വധം
കൂലിതല്ലിനു ഇത്രയും മറ്റോ?
ചോദിച്ചത് തന്നു. പോയി.
കൊന്നു.
ഞാൻ കൃഷ്ണൻ,
ശ്രീ ഇല്ലാത്ത വെറും കൃഷ്ണൻ.!

23/01/2019

"അയ്യപ്പന്റെ'' കഥ!

അയ്യപ്പന് ഈയിടയായി കഷ്ടകാലമാണ്. പണ്ടത്തെപ്പോലെ വരുമാനമൊന്നും ഇല്ല. കഴിഞ്ഞ കൊല്ലം വരെ സീസണിൽ ഒരു ദിവസം വന്നതിന്റെ രണ്ടിലൊന്നു പോലും ഇക്കൊല്ലമില്ല.
ആര് വന്നാലും പോയാലും അയ്യപ്പന് ഒരു പ്രശ്നവുമില്ല. പ്രശ്നം മുഴുവനും കണ്ട് നിൽക്കുന്നവർക്കാണ്.
പെണ്ണുങ്ങൾ വരുന്നതിൽ ഇത്ര കെറുവെന്തിനാണ്? അയ്യപ്പന് മനസ്സിലാകുന്നില്ല!
നാട്ടുകാർക്കാണ് പ്രശ്നം! അയ്യപ്പന് ഒരു ബോർഡ് മാറ്റുന്ന പ്രശ്നമേയുള്ളു.
ജെന്റ്സ് ബ്യൂട്ടി പാർലർ എന്നത് മാറ്റി ലേഡീസ് & ജെന്റ്സ് ബ്യൂട്ടീ പാർലർ എന്നാക്കണം.

അത്ര മാത്രം!!!

04/12/2017

അവര്‍ക്കിടയിലുള്ള അകലം അളന്നളന്നു അവര്‍ അകന്നു...
ചില കണക്കു കൂട്ടലുകള്‍ അങ്ങനെയാണ്
കൂട്ടുന്തോറും കുറയും...
അവള്‍ക്കായി പറിച്ചെടുത്ത പനിനീര്‍പൂവ്
അവന്റെ കയ്യിലിരുന്നു വിറച്ചു....
നീട്ടിയ കൈകളില്‍ നോക്കി അവള്‍ പുലമ്പി പോലും
ദുഷ്ടന്‍ ,നരാധമന്‍ ,നീ ചെടിയെ വേദനിപ്പിച്ചു...മുറിവേല്പിച്ചു ...
നിനക്ക് മാപ്പില്ല....എന്നിങ്ങനെ ...
കരഞ്ഞു പോയത് അവനാണ്...
അവള്‍ തല നിറയെ മുല്ലപ്പൂ ചൂടി
അത്ത പൂക്കള മത്സരത്തിനു പോയി!!!

Address

Kochi
682006

Telephone

+919072744510

Website

Alerts

Be the first to know and let us send you an email when "Pularkalam" posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to "Pularkalam":

Shortcuts

Share

Category