25/04/2026
കുറച്ചു യാത്രകളിൽ ആയിരുന്നതിനാൽ വാർത്തകൾ പലതും കൃത്യമായി കേൾക്കാൻ സാധിച്ചിരുന്നില്ല. അതിലൊന്നാണ് കഴിഞ്ഞ ദിവസം തിരുവനന്തപുരം ചിറയിൻകീഴിൽ പാമ്പ് കടി ഏറ്റ് ഒരു കുഞ്ഞു കുട്ടി മരണപ്പെട്ട സംഭവം.
അഴൂർ - മൂലേൽ വീട്ടിൽ ദിലീപ് - അനു ദമ്പതികളുടെ രണ്ടു മക്കളിൽ മൂത്തവനായ ദിക്ഷൽ എന്ന എട്ട് വയസുള്ള കുഞ്ഞാണ് നിലത്തു പായ വിരിച്ചു മുത്തശ്ശിക്കൊപ്പം കിടന്നപ്പോൾ പാമ്പ് കടിയേറ്റത്.
എട്ട് വയസുള്ള കുട്ടി പുലർച്ചെ രണ്ട് മണി കഴിഞ്ഞപ്പോൾ തന്റെ കാലിൽ എന്തോ കടിച്ചെന്ന് വളരെ കൃത്യമായി വീട്ടിൽ ഉള്ളവരോട് പറഞ്ഞു, വാർത്തകൾ വായിച്ചതിൽ നിന്ന് മനസ്സിലായത് കടിച്ചത് എന്താണ് എന്ന് നോക്കാൻ കുട്ടി തന്നെ എഴുന്നേറ്റ് ലൈറ്റ് ഓൺ ചെയ്തു എന്നാണ്. അത്രത്തോളം അലെർട് ആയുള്ള കുഞ്ഞാണ് എന്ന് മനസ്സിലാക്കുന്നു.
കുട്ടി ശബ്ദം ഉണ്ടാക്കിയപ്പോൾ വീട്ടിൽ ഉള്ളവർ ഉണർന്നു നോക്കുമ്പോൾ ഇടത് കാലിന്റെ തള്ള വിരലിൽ നിന്നും ചോര വരുന്നുണ്ടായിരുന്നു എന്നാണ് വായിച്ചത്.
02:45 ആയപ്പോൾ തന്നെ കുട്ടിയുമായി അവർ പ്രസ്തുത ആശുപത്രിയിൽ എത്തിയിരുന്നു എന്ന് കൃത്യമായി പറയുന്നുണ്ട്.
പക്ഷെ, പിന്നീട് കുഞ്ഞു മരണപ്പെട്ടു പോയി.
ആ അമ്മ കുഞ്ഞിന്റെ മൃതദേഹം നോക്കി "കണ്ടു കൊതി തീർന്നില്ലടാ" എന്ന് അലമുറ ഇട്ട് കരയുമ്പോൾ ആർക്കാണ് വേദനിക്കാത്തത്.
ആ കുട്ടിയുടെ അച്ഛൻ മാധ്യമ പ്രവർത്തകരോട് പറഞ്ഞ കാര്യങ്ങളിൽ ചിലത് വളരെ ഗൗരവതരമായ കാര്യങ്ങൾ അല്ലെ??
കുട്ടി ആശുപത്രിയിൽ എത്തിയിട്ടും പറഞ്ഞു കൊണ്ടിരുന്ന കാര്യങ്ങൾ
🍁 - തല കറങ്ങുന്നു
🍁- എല്ലാം രണ്ടായി കാണുന്നു
🍁സംസാരിക്കാൻ ആകുന്നില്ലെന്ന് ആവർത്തിച്ചു ആവർത്തിച്ചു തൊണ്ടയിലേക്ക് കൈ കാണിച്ചു കൂടെയുള്ളവരെ മനസ്സിലാക്കാൻ ശ്രമം നടത്തി.
🍁പിന്നീട് ശ്വാസം എടുക്കാൻ വല്ലാതെ ബുദ്ധിമുട്ട് നേരിട്ടുകൊണ്ടിരുന്നു
🍁 കഫത്തിന്റെ ബുദ്ധിമുട്ട് ആകും, കുട്ടിയുടെ വായിൽ വിരലിട്ട് ശർദ്ദിപ്പിച്ചു കളയാൻ ആശുപത്രിയിൽ ഉള്ളവർ കുട്ടിയുടെ പിതാവിനോട് പറഞ്ഞു എന്നും അദ്ദേഹം പറയുന്നു.
ശബ്ദം ഉണ്ടാക്കാൻ പറ്റാതെ, ശ്വാസം മുട്ടി, വെപ്രാളപ്പെടുന്ന വെറും 8- വയസുള്ള കുഞ്ഞിനെ ആശുപത്രിയിൽ ഉള്ളവർ വേണ്ടത്ര പരിഗണിച്ചില്ല
🍁 - മൂങ്ങ കടിച്ചതാണോ
🍁- കടന്നൽ കടിച്ചോ എന്നൊക്കെ തമാശയോടെ ചോദിച്ചു കൊണ്ടിരുന്നു പോലും 🥲🙄
ഏറ്റവും മാനസികമായി ബുദ്ധിമുട്ട് ഉണ്ടാക്കിയ ഒന്നാണ്
ഈ "മൂങ്ങ കടിച്ചോ " എന്ന്, ശ്വാസം കിട്ടാതെ, ശബ്ദം ഉയർത്താൻ ആകാതെ, മരണത്തിലേക്ക് പതിയെ പതിയെ പൊയ്കൊണ്ടിരുന്ന ഒരു കുഞ്ഞിനോട് ആശുപത്രിയിൽ ഉള്ളവർ ചോദിച്ചു എന്ന് പറയുന്ന ആ ചോദ്യം.
പാമ്പ് കടിച്ചതാണോ എന്ന് പാവം പിതാവിന് അറിയില്ല അതിനാലാണ് എന്തോ കടിച്ചു എന്ന് പറഞ്ഞത്, പാമ്പിനെ കണ്ടില്ല എന്നതിനാൽ ആണ് പാമ്പ് കടിച്ചു എന്ന. സംശയം അവർ ഉന്നയിച്ചത്.
എന്നാൽ ഇടത് കാലിന്റെ തള്ള വിരലിൽ ചോര വന്നതും, ചെറിയൊരു പാടും കണ്ടാൽ വിവരവും വിദ്യാഭ്യാസവും ആവോളം ഉള്ള MBBS - പഠിച്ചു പ്രാക്ടീസ് ചെയ്യുന്ന ഡോക്ടർമാർക്ക് അറിയില്ലേ??
മുറിവിൽ വലിച്ചു മുറുക്കി കെട്ടരുത്
ഡെറ്റോൾ ഒഴിക്കരുത്
പാനിക്ക് ആക്കരുത്
വിഷ ചിക്കത്സകരുടെ അടുത്തേക്ക് പോയി ഗോൾഡൻ hours നഷ്ടം ആക്കരുത്, നേരെ ASV - ലഭ്യമായ ആശുപത്രിയിൽ എത്തിക്കുക എന്നൊക്കെയാണ് വിദഗ്ധർ പറയുന്നത് നമ്മൾ കേട്ടിരിക്കുന്നത്.
എന്നിട്ട് ഈ 8- വയസ് മാത്രം പ്രായമുള്ള കുഞ്ഞിന് ഇതൊക്കെ ഉപകാരപ്പെട്ടോ?!!!!!!!(ഉപകാരപ്പെട്ടാലും ഇല്ലെങ്കിലും കൃത്യ സമയത്ത് ആശുപത്രിയിൽ എത്തിക്കുക എന്നതാണ് നമുക്ക് മുന്നിൽ ചെയ്യാനുള്ള ഒരേ ഒരു വഴി. ബൈറ്റ് ഡ്രൈ ആയാൽ പോലും അത് ഡോക്ടർമാർ നോക്കി പറയട്ടെ).
ഇനി
ഈ പോസ്റ്റ് ഏതെങ്കിലും ഡോക്ടർമാർ വായിക്കാൻ ഇടയായാൽ കുഞ്ഞുങ്ങളോ, കുട്ടികളോ ഒക്കെ (ആരായാലും ), പ്രത്യേകിച്ച് കുഞ്ഞുങ്ങൾ പാമ്പ് കടി ഏറ്റിട്ടുണ്ട് എന്ന സംശയത്തോടെ ഒക്കെ വരുമ്പോൾ അവരോടും കൂടെ വന്നവരോടും ഒക്കെ നല്ല രീതിയിൽ ഇടപെടുക.
എന്തെന്നാൽ ഈ സമയത്ത്, അതായത് മരണ വെപ്രാളത്തോടെ കണ്മുന്നിൽ കുഞ്ഞ് പിടയുമ്പോൾ
🌱പത്ത് മാസം ചുമന്നു, നൊന്തു പെറ്റ കുഞ്ഞു കണ്മുന്നിൽ ശ്വാസം കിട്ടാതെ പിടയുമ്പോൾ അമ്മമാരുടെ അവസ്ഥ ആലോചിച്ചു നോക്കിയിട്ടുണ്ടോ??
🌱കൈ വളരുന്നോ, കാല് വളരുന്നോ എന്ന് നോക്കി നോക്കി വളർത്തിയ കുഞ്ഞിന്റെ അച്ഛന്റെ അവസ്ഥ ആലോചിച്ചു നോക്കിയിട്ടുണ്ടോ?
🌱രാവിലെയും രാത്രിയിലും എന്നില്ലാതെ കൂടെ കളിച്ചു ചിരിച്ചു നടന്ന കൂടപ്പിറപ്പ് കണ്മുന്നിൽ ഇല്ലാതായതിന്റെ നോവ് പേറുന്ന ഒരു കുഞ്ഞ് പെങ്ങളുടെ അവസ്ഥ ആലോചിച്ചു നോക്കിയിട്ടുണ്ടോ?
ജീവിത വഴികളിൽ ആ കുഞ്ഞ് പെങ്ങൾക്ക് ആശ്രയവും അഭയവും ആകേണ്ടിയിരുന്ന ഒരു ചേട്ടനെയാണ് എന്നന്നേക്കുമായി അവൾക്ക് നഷ്ടമായത്.
നികത്താനാവുന്ന നഷ്ടങ്ങൾ ആണോ?
ഒരിക്കലും അല്ല
ഹോസ്പിറ്റൽ മാനേജ്മെന്റ് ഡോക്ടർമാർക്ക് തുടർച്ചയായി, വിശ്രമം ഇല്ലാത്ത രീതിയിൽ ജോലി ചെയ്യിപ്പിക്കുന്നു, അവധി ഇല്ല, എന്നൊക്കെ പലപ്പോഴും കേട്ടിട്ടുണ്ട്, പക്ഷെ ഇവിടെ എന്ത് സംഭവിച്ചു എന്ന് കൃത്യമായി അറിയില്ലാത്തതിനാൽ അതിനെ കുറിച്ച് പറയുന്നില്ല. അങ്ങനെ എന്ത് അവസ്ഥ ആയിരുന്നാലും അതൊക്കെ പിന്നീട് പരിഹരിക്കാൻ സാധിക്കുന്നതാണ്. ഒരു ജീവൻ പോയാൽ തിരികെ കിട്ടുമോ?
Antivenom - നൽകാത്തത് പാമ്പ് കടിച്ചു എന്ന് ഉറപ്പില്ലാത്തതിനാലാണ് എന്നും കേട്ടു.
കാലിൽ എന്തോ കടിച്ചെന്ന് കുട്ടി തുടർച്ചയായി പറയുക
ഇടതു കാലിന്റെ തള്ള വിരലിൽ നിന്നും ചോര വരുക
കാഴ്ച മങ്ങുക
ശ്വാസം എടുക്കാൻ കഴിയാതെ വരുക
വയർ വേദനിക്കുന്നെന്ന് പറയുക
തൊണ്ട ചൂണ്ടി കാണിച്ചു സംസാരിക്കാൻ കഴിയാതെ ആകുന്നു എന്ന് തുടർച്ചയായി ആംഗ്യത്തിലൂടെ പറയുക
8 - വയസ് അല്ലെ ഉള്ളൂ, അടുത്ത് ചെന്ന് കുഞ്ഞിനെ കൃത്യമായി പരിശോധിച്ച്, കാലിന്റെ തള്ള വിരലിൽ കടി ഏറ്റ ഭാഗം നോക്കി മാർക്ക് ചെയ്തു, കാണിക്കുന്ന symptoms വച്ചു Antivenom കൊടുത്തിരുന്നു എങ്കിൽ?
ആ കുഞ്ഞു ജീവനോടെ ഇരുന്നു എങ്കിൽ🥲
ഇനി മുന്നോട്ടുള്ള ജീവിതകാലം മുഴുവൻ വേദനിച്ചു വേദനിച്ചു നരകിച്ചു തീരില്ലേ ആ ഇല്ലോളം പോന്ന കുഞ്ഞിന്റെ മാതാപിതാക്കൾ.
മുകളിൽ പറഞ്ഞ ലക്ഷണങ്ങളുമായി മൂങ്ങ കടിച്ചതിൽ പിന്നെ എത്ര patients - നിങ്ങളെ ഒക്കെ ഇതുവരെ കാണുവാനായി വന്നിട്ടുണ്ട് ഡോക്ടർമാരെ ??
തമാശ ആകാം, പക്ഷെ അത് ജീവന് വേണ്ടി മല്ലിടുന്ന കുഞ്ഞുങ്ങളോട് ആകരുത് (സാഹചര്യവും സന്ദർഭവും അനുസരിച്ചു തമാശ പറയുക, ആരായാലും ).
ഡോക്ടർമാർക്ക് പിഴവ് സംഭവിച്ചോ എന്ന് കൃത്യമായി അറിയില്ല, എന്നതിനാൽ ആരെയും കുറ്റപ്പെടുത്താൻ അല്ല ഈ കുറിപ്പ്, പകരം ഇനിയൊരു കുഞ്ഞിനോടും ഇതുപോലത്തെ അത്യാസന്ന നിലയിൽ "മൂങ്ങ കടിച്ചോ " - എന്ന ചോദ്യം ചോദിക്കാൻ ആരും മുതിരരുത്.
കഴിയുമെങ്കിൽ മുന്നിലെത്തുന്ന കുഞ്ഞുങ്ങളോട് അനുഭാവപൂർവ്വം ഇടപെടുക.
മരണപ്പെട്ടു പോയ കുഞ്ഞിന് ആദരാഞ്ജലികൾ.
Sankari ✍️
