14/06/2026
कालाय तस्मै नमः! काळ हा सर्वात शक्तिशाली आहे. म्हणूनच एखाद्या क्षेत्रात ताठ मानेने टिकून रहायचं असेल तर काळाबरोबर व काळाप्रमाणे स्वतःला बदलायला लागतं. शतक महोत्सव साजरा करणाऱ्या कल्याण गायन समाजाने अर्थातच काळाची बदलती पाऊलं नेहमीच ओळखली व संगीताच्या क्षेत्रात आपला स्वतःचा ठसा कायम ठेवला. संगीताच्या प्रचार व प्रसारासाठी नवनवीन माध्यमांचा वापर हे त्याचेच द्योतक!
विद्यार्थी, कलाकार आणि गुरू या यशस्वी संगीत साधकाच्या तीन अवस्था म्हणता येतील. आजच्या प्रथितयश कलाकारांना या प्रत्येक अवस्थेत काय आव्हाने पेलावी लागली, काय अनुभव आले आणि या सगळ्याला त्यांनी कसा प्रतिसाद दिला, हे त्यांच्याच तोंडून ऐकणे हा देखील संगीत साधनेचा एक भाग असु शकतो.
कल्याण गायन समाजातर्फे सादर होणाऱ्या अशा अनेक कार्यक्रमांना प्रत्यक्ष हजेरी लावणं बऱ्याच जणांना ईच्छा असूनही शक्य होतच असं नाही. म्हणूनच सर्वांना सोयीचं, विशेषतः तरुण पिढीला भावणारं इंटरनेट हे माध्यम निवडून पॉडकास्टच्या द्वारे ही माहिती सर्वांसमोर ठेवावी व काळ वेळाच्या मर्यादा निकाली काढून अनुभवाचं हे दालन सर्वांसाठी खुलं करावं या उद्देशाने आम्ही सादर करत आहोत.... *सृजन संवाद!*
१२ जून हा कल्याण गायन समाजाचे संस्थापक कै काकासाहेब बर्वे यांची पुण्यतिथी..
तो योग साधून कल्याण गायन समाजाचा पहिला पॅाडकास्ट सादर करतोय..
