Counter Corner

10/09/2019

ഓണച്ചമയം - 2019....................

കൊറ്റനല്ലൂർ കലാലയ ആർട്സ് & സ്പോർട്ട്സ് ക്ലബ്ബിന്റെ ഓണാഘോഷം ' ഓണച്ചമയം - 20l9' വൈവിധ്യം നിറഞ്ഞ പരിപാടികളോടെ ആഘോഷിച്ചു.
അന്യം നിന്നുപോയ നാടൻ കളികൾ പുതുതലമുറക്ക് പകർന്ന് മാതൃകയായി.
തെയ്യം ,മോഹിനിയാട്ടം തുടങ്ങിയ കലാരൂപങ്ങളും ,പുലികളിയും കുമ്മാട്ടിക്കളിയും ചേർന്ന വർണ്ണശബളമായ സാംസ്കാരിക ഘോഷയാത്ര ആഘോഷത്തിന് നിറപ്പകിട്ടേകി.
തുടർന്ന് നടത്തിയ സമാപന സമ്മേളനം നാടകകൃത്തും ചിത്രകാരനുമായ എം.എ. രാധാകൃഷ്ണൻ പൈങ്ങോട് ഉൽഘാടനം ചെയ്തു.
വേളൂക്കര ഗ്രാമപഞ്ചായത്ത് ജനപ്രതിനിധി ശ്രീ.ഷാറ്റൊ കുര്യൻ അധ്യക്ഷത വഹിച്ച വേദിയിൽ , മുളവാദ്യ സംഗീതത്തിലൂടെ കൊറ്റനല്ലൂരിന്റെ യശസ്സ് വാനോളമുയർത്തിയ പരിസ്ഥിതി പ്രവർത്തകനും ടി.എൻ.നമ്പൂതിരി അവാർഡിനർഹനുമായ ശ്രീ.ഉണ്ണികൃഷ്ണ പാക്കനാർ
ഫോക്‌ ലോറിസ്റ്റ് ശ്രീ.വി.കെ .ശ്രീധരൻ മാസ്റ്ററാൽ ആദരിക്കപ്പെട്ടു.
അഭിതുമ്പൂർ ,മിഥുൻ.പി.രവി, ആദർശ് അഗസ്റ്റിൻ, ഡെന്നി എന്നിവർ വേദി പങ്കിട്ടു.
ചടങ്ങിനിടയിൽ ക്ലബ്ബംഗങ്ങൾ ഒരുക്കിയ പായസവുമുണ്ടായിരുന്നു.
അവശത അനുഭവിക്കുന്ന തെരഞ്ഞെടുത്ത കുടുംബങ്ങൾക്ക് ഓണക്കിറ്റ് വീടുകളിലേക്കെത്തിച്ച് ഓണച്ചമയം 2019 ന് തിരശ്ശീല വീണു.

25/06/2019

23/05/2019

വേളൂക്കര പ്രാഥമികാരോഗ്യ കേന്ദ്രത്തിൽ പൂന്തോട്ടമൊരുക്കി
കൊറ്റനല്ലൂർ അക്ഷര അങ്കണവാടിയിലെ (N 0 - 14) ക്ലബ്ബംഗങ്ങൾ.

16/02/2019

പൽവാമ ഭീകരാക്രമണത്തിൽ വീരമൃത്യു വരിച്ച ധീര ജവാൻമാർക്ക് പ്രണാമമർപ്പിച്ച് ദീപം തെളിയിച്ച കലാലയ ക്ലബ്ബ് കൊറ്റനല്ലൂരിന്റെ അനുശോചനയാത്ര!
റിട്ട: ഫ്ലൈയിങ്ങ് ഓഫീസർ: Hon: Jose Edappilly നേതൃത്വം നൽകി.

26/01/2019

കൊറ്റനല്ലൂർ കുറുപ്പംപടി ഗ്രാമവാസികളുടെ നാളിതുവരെയുള്ള കുടിവെള്ള ക്ഷാമത്തിന്നറുതിയായി.
വേളൂക്കര പഞ്ചായത്തിലെ വാർഡ് 12, കുറുപ്പംപടി കുടിവെള്ള പദ്ധതി ഉൽഘാടനം ബഹു.പഞ്ചായത്ത് പ്രസിഡണ്ട് :ശ്രീമതി ഇന്ദിര തിലകൻ നിർവ്വഹിച്ചു.

23/12/2018

ജീവൻ രക്ഷാ പ്രവർത്തനത്തിന് അനുമോദനങ്ങൾ

കൊറ്റനല്ലൂർ -
കുളത്തിൽവീണ അമ്മയെയും മകനെയും രക്ഷപ്പെടുത്തിയ നന്ദൻ ചൂലിക്കാട്ടിലിനേയും കാലിക്കറ്റ് യൂണിവേഴ്സിറ്റിയിൽ നിന്നും 2013 - 17 വർഷത്തെ ബി ടെക്ക് - മെക്കാനിക്കൽഎഞ്ചിനീയറിങ്ങിൽ 38 -ആം റാങ്ക് കരസ്ഥമാക്കിയ ആൽവിൻ .എം.ജെ യെയും കലാലയ ആർട്ട്സ് & സ്പോർട്സ് ക്ലബ്ബ് അനുമോദിച്ചു. ക്ലബ്ബ് രക്ഷാധികാരി ശ്രീമതി വിദ്യാനാഥ് അദ്ധ്യക്ഷത വഹിച്ച യോഗത്തിൽ വേളൂക്കര ഗ്രാമപഞ്ചായത്ത് അംഗം ശ്രീ .ഷാറ്റൊ കുര്യൻ ഉപഹാരങ്ങൾ നൽകി.ആദർശ് അഗസ്റ്റിൻ സ്വാഗതവും ജിനേഷ്. A L നന്ദിയും പറഞ്ഞു.

17/12/2018

കാലിക്കറ്റ് യൂണിവേഴ്സിറ്റിയിൽ 2013-17 ബി.ടെക്ക്, മെക്കാനിക്കൽ എഞ്ചിനിയറിംഗിൽ 38ആം റാങ്ക് നേടി ഉന്നത വിജയം കരസ്ഥമാക്കി, നാടിനഭിമാനമായ ആൽവിൻ M Jക്ക് ( കൊറ്റനല്ലൂർ മുള്ളങ്കാടൻ ജോയിയുടെയും ഷൈനിയുടേയും മകൻ) Counter Cornerന്റെ എല്ലാവിധ ആശംസകളും നേരുന്നു.

Follow Counter Corner

28/09/2018

അവൾ വരുന്നു .....

ലില്ലി
,,,,,,,,,,

അവളുടെ വരവും കാത്ത് അവനും. പിന്നെ ഞങ്ങളും ....

(അവൻ - നൈനാൻ ആൻ്റോ ,
കൊറ്റനല്ലൂർ
ലില്ലിയുടെ അസ്സോസിയേറ്റ് ഡയറക്ടർ).
നൈനാന് ,
ഞങ്ങടെ ഡാഡൂന്
കൊറ്റനല്ലൂരിൻ്റെ അഭിനന്ദനങ്ങൾ ...

25/08/2018

കലാലയ കൊറ്റനല്ലൂരിൻ്റെ ഓണാഘോഷം പുല്ലൂർ വിയാനി ഭവനിലെ അന്തേവാസികൾക്കൊപ്പം.

ഓണസദ്യയും ഓണസമ്മാനവുമായി ക്ലബ്ബംഗങ്ങൾ പടി കയറിച്ചെന്നപ്പോൾ ഹൃദയ വാതിൽ തുറന്നവർ സ്വീകരിച്ചു. അവർ പങ്കുവെച്ച പാട്ടുകളിലും സ്കിറ്റുകളിലും രോഗാതുരതയുടെ ആവലാതികൾക്കപ്പുറം ആതിഥേയത്വത്തിൻ്റെ സ്നേഹോഷ്മളതയായിരുന്നു. അവരോടൊപ്പം ആടിയും പാടിയും ഒന്നിച്ചിരുന്നോണമുണ്ടും വിശേഷങ്ങൾ പങ്കുവെച്ചും ആ നാലു ചുവരുകൾക്കുള്ളിലെ പുതിയൊരു ലോകം അറിയുകയായിരുന്നു. കയ്യിലോരോണസമ്മാനമായി പുതുവസ്ത്രവും നൽകി, വീണ്ടും ഞങ്ങൾ വരുമെന്ന വാക്കിനാൽ പടിയിറങ്ങവെ പിന്നിൽ വീശിയ ഒരു പാട് കൈകളും സ്നേഹത്താൽ നിറഞ്ഞ മനസ്സുകളും .
ഇതിൻ്റെ പൂർണ്ണതയ്ക്ക് സഹായിച്ച എല്ലാ സുമനസ്സുകളോടും
നന്ദിയും കടപ്പാടും .
- കലാലയ -

24/08/2018

വേളൂക്കര പഞ്ചായത്തിലെ 14-നമ്പർ അക്ഷര അങ്കണവാടിയിൽ സ്വാതന്ത്രൃദിനത്തിൽ കൗമാര പ്രായക്കാർക്കുള്ള ബോധവൽക്കരണ ക്ലാസ്സ് ചൈൽഡ്‌ലൈനിൻ്റെ ശ്രീ.ജീനോ സാർ ക്ലാസ്സെടുത്തു.

21/07/2018