04/09/2026
پلاستیکي ټوپک، خو عملیات یې د فلمونو په کچه!
😄
د یوه افغان ځوان پلاستیکي ټوپک د جرمني پولیسو او امنیتي ادارو ته داسې سرخوږی جوړ کړی چې خبره تر چورلکې او پراخو امنیتي عملیاتو رسېدلې ده.
د شلسویګ هولشتاین ایالت کې فدرالي پولیسو یو ۲۰ کلن افغان کډوال هغه مهال ونیو چې د ماشومانو له لوبو پلاستیکي کلاشینکوف سره په اورګاډي کې ناست و.
د اورګاډي چلوونکي چې وسله وال کس ولید، سمدستي یې پولیسو ته خبر ورکړ. پولیسو هم موضوع ډېره جدي ونیوله او د ځمکې او هوا له لارې یې پراخ عملیات پیل کړل؛ مسافر له اورګاډي وایستل شول او بالاخره «خطرناک وسله وال» ونیول شو.
خو د عملیاتو په پای کې معلومه شوه چې کلاشینکوف مرمۍ نه، پلاستیکي و! 😂
یعنې ځوان ښايي د لوبو ټوپک اخیستی و، خو جرمني پولیسو ورته د هالیووډ د اکشن فلم په کچه هرکلی وکړ. 😄
تر اوسه د نوموړي د خوشې کېدو په اړه رسمي معلومات نه دي خپاره شوي.
#معلومات
