11/11/2025
ন্যায়
মাজে মাজে ভাবিছোঁ- ন্যায় মানেনো কি ? কেতিয়া ন্যায় বিচৰা হয় ? যেতিয়া কাৰোবাৰ সতে অন্যায় কৰা হয় ? এখন দেশ আছে | আছে এখন চৰকাৰ আৰু এটা গণতান্ত্রিক ব্যৱস্থা | তথাপিও মানুহ হাবাথুৰি খায় ন্যায় বিচাৰি | মাটিৰ অধিকাৰ, নাৰীৰ অধিকাৰ, ঘৰুৱা হিংসাৰ পৰা মুক্তি, মজুৰিৰ সম অধিকাৰ, জীবিকাৰ সমস্যা, আত্মনিয়ন্ত্রণৰ অধিকাৰ ইত্যাদি ইত্যাদি অধিকাৰ, সমস্যাৰে জৰ্জৰিত | বাৰু, কিনো কম আৰু | গতিকে, এইখন গণতান্ত্রিক দেশৰ অধিকাংশ মানুহ থাকে under depressed হৈ |
হঠাৎ এজন গায়কৰ অভির্ভাব হয় | গায়কৰ উত্থানো বাৰু বৰ সহজ নাছিল | যথেষ্ট কষ্ট তেঁও স্বীকাৰ কৰিছে | কিন্তু তেখেতে গীতেৰে, কথাৰে দেশবাসীক সকাহ দিব পাৰিছিল | দুখ, দৰিদ্রতা, নিৰাশা, হতাশা ৰ পৰা মানুহবোৰক মুক্তি দি আশাৰ বাট দেখুৱাইছিল | অনুপ্ৰেৰণা দিছিল | লাহে লাহে তেঁও সকলো ধৰণৰ সীমাৰ উৰ্দ্ধত গৈ ( ৰাজনৈতিক, সামাজিক, ধার্মিক) সৃষ্টিশীলতাৰ পাখি মেলি মানুহৰ পক্ষত ঠিয় দিয়া এজন অতি মানব হৈ পৰিল | ৰাজনৈতিক নেতা, পালিনেতা তেঁওৰ অশীষধন্য হৈ থাকিব বিচৰা হল | এই জৰ্জৰিত জাতিটোৰ বাবে তেঁও হৈ পৰিল কণাৰ লাখুটি |
এদিন এই কণাৰ লাখুটি হৈ পৰা বুকুৰ এফাল গায়কজনৰ অকাল মৃত্যু হ'ল | কেনেকৈ তেখেতৰ মৃত্যু হল - সেই কথাটো কবলৈ তেখেতৰ সতে মৃত্যুৰ দিনা লগতে থকা সকলে কবলৈ ৫০ দিন লগালে | সাঁচাকৈয়ে হিয়াৰ আমঠু ৰ মৃত্যুৰ সঠিক কথাখিনি সত সহসেৰে কবলৈ আৰু কিমান দিন লাগে সন্দেহ | ইয়াতকৈ আৰু আচৰিত কথা কিবা হব পাৰে?
আজি ৫০ ৰো অধিক দিন আমি যুঁজি আছোঁ- আমাৰ অধিকাৰ বিচাৰি?
তথ্য জনাৰ অধিকাৰ?
আপোন মানুহ জন ৰ মৃত্যুৰ তথ্য বিচাৰিছো?
আমাক আমাৰ তথ্য জনাৰ অধিকাৰৰ পৰা বঞ্চিত কৰিব পাৰেনে- হে পৃথিবীৰ সর্ববৃহৎ গণতান্ত্রিক ৰাষ্ট্ৰযন্ত্র |
শোকার্ত এই লেখকেও ভাবিব পৰা নাছিল যে এদিন তেওঁ বস্তুনিষ্ট ভাবে গায়কজনৰ কথা লিখিব পাৰিব | ৰাষ্ট্ৰযন্ত্রই তাকে বিচাৰে - এদিন আমি লাহে লাহে আবেগ শোকৰ কবলৰ পৰা মুক্ত হৈ বস্তনিষ্ট হৈ আহোঁ আৰু
সকলোবোৰ গতানুগতিক হৈ আহক|
লাহে লাহে নামি আহে আন্ধাৰ |
এনেকৈয়ে
ঠিক এনেকৈয়ে-
Just be careful friends
