আমিৰ হুছেইন আহমেদ

02/03/2026

"সংস্কৃতি" ই আলোচনীত প্ৰকাশিত মোৰ এটি ক্ষুদ্ৰ অনুভৱ !!

11/02/2026

15/01/2026

'অবিৰত যাত্ৰা' আলোচনীত প্ৰকাশিত মোৰ এটি ক্ষুদ্ৰ অনুভৱ ।

02/01/2026

কবিতাৰ শিৰোনাম. .....

"হেঁপাহৰ নৱবৰ্ষ,'২৬' "

হেঁপাহৰ নৱবৰ্ষ ২০২৬-আশাৰ ৰেঙনি
য'ত অঙ্কুৰিত হ'ব ক্ষুধা নিবাৰণী আহাৰ,
পথাৰত সেউজ বিপ্লৱ-ধাননিয়ে ফুলনি
দেশৰ অৰ্থনীতিৰ পোণ কৰিব ৰাজহাড়
মানৱতা বোধেৰে সংপৃক্ত হওক ৰক্ত-ধমনি !

শ্ৰম ঘামৰ দামৰ সাৰ্থকতা-হেঁপাহৰ নৱবৰ্ষ
হিংসা দ্বেষ নেওচি আনক সুস্থিৰতাৰ হৰ্ষ,
বস্ত্ৰহীনৰ প্ৰাপ্ত হওক বস্ত্ৰ-দেখুৱাওক আদৰ্শ
দৃষ্টিকটু নৃত্য অনীতি-এয়া পাশ্চাত্য ফেচন
ভাতৃত্ব সহনশীলতাই হওক নৱবৰ্ষৰ গণ পণ
_____________________________________
আমিৰ হুছেইন আহমেদ।

06/12/2025

*""""""""""লিমাৰিক"""""""""*

(১)
খালি পেটে শুই থাকে-খালে থিয় হয়
জানো আহক বস্তুটোক কোনে কি কয় ?
বস্তা বুলি সবে' জানে
পৰি থাকে চুকে-কোণে,
চাহিদাত ব্যক্তিয়ে মূৰত তুলি লয় !!

(২)
মেচিনে ধান চপায় মৰণাও মাৰে
পুৰণিচামে ভেবা লাগি স্মৃতি সোঁৱৰে,
গৰুৰ দিন সমাপ্ত
কৃষ্টিৰ হেৰাল তত্ব,
শ্ৰমিকে তাকে চাই উষ্ণ নিশ্বাস কাঢ়ে !!
_________________________________
আমিৰ হুছেইন আহমেদ।

05/12/2025

লিমাৰিকৰ পঞ্চপদী শিতানলৈ
খণ্ড নং ১৫১
তাৰিখ ২০ নৱেম্বৰ ২০২৫ ইং

::::::::লিমাৰিক:::::::
(১)
শুকান হাঁহি মোৰ-তাতো ধৰে মামৰ
সুস্থ দেহত কেনেকৈ আহে বাৰু খৰ ?
খজুৱাই জুতি পাওঁ
তালে তালে গান গাওঁ,
শীত ঋতুত মূৰ দাঙে-নপৰে ওৰ !!
(২)
পূৰ্ণিমাতো স্পষ্টকৈ দেখোঁ চন্দ্ৰ-কলঙ্ক
নিমিলা উত্তৰ-অঙ্কটো যে জঙ্ক পঙ্ক,
পোহৰ ইমান স্নিগ্ধ
ধৰিত্ৰীক কৰে মুগ্ধ ,
মাতালৰ হৰ্ষ চোৰৰ জাগে আতঙ্ক !
__________________________________
আমিৰ হুছেইন আহমেদ।
বকো কামৰূপ ।

03/12/2025

*""""""""""লিমাৰিক""""""""*
বিষয়....পকা ধান

(1)
পকা ধানৰ পথাৰ চহাৰ দাপোন
প্ৰতিফলিত হয় আঘোণৰ সপোন,
ছন্দময় নৃত্য কৰে
বিহঙ্গ পতঙ্গ উৰে,
হাতত কাঁচিলৈ দাৱনীৰ ভৰে মন !!

(2)
লাহি জহা বৰা-সোণালী শিহেৰে ভৰা
বোকাৰ প্ৰতিশ্ৰুতিৰ আশাৰ বতৰা,
ফৰিং নোদোকা হয়
এন্দুৰো গাঁত ভৰায়,
লক্ষ্মীৰ গৃহ তৰা বাৰ্ষিক ৰহঘৰা !!
_________________________________
আমিৰ হুছেইন আহমেদ।

29/11/2025