20/04/2026
ਕੋਟਕਪੂਰਾ ਥੀਏਟਰ ਫੈਸਟੀਵਲ ਦਾ ਸਮਾਪਤੀ ਸਮਾਰੋਹ
19 ਅਪ੍ਰੈਲ 2026 ਐਤਵਾਰ ਦੀ ਸ਼ਾਮ ਕੋਟਕਪੂਰਾ ਦੇ ਤੀਜੇ 3 ਰੋਜ਼ਾ ਥੀਏਟਰ ਫੈਸਟੀਵਲ ਦਾ ਸਮਾਪਤੀ ਸਮਾਰੋਹ ਸਤਿਕਾਰਯੋਗ ਮੁੱਖ ਮਹਿਮਾਨ ਮਾਨਯੋਗ ਸ. ਕੁਲਤਾਰ ਸਿੰਘ ਸੰਧਵਾਂ (ਸਪੀਕਰ ਪੰਜਾਬ ਵਿਧਾਨ ਸਭਾ) ਜੀ ਦੇ ਅਸ਼ੀਰਵਾਦ ਰਾਹੀਂ ਗੂੜੀਆਂ ਯਾਦਾਂ ਛੱਡਦਾ ਹੋਇਆ ਸੰਪੰਨ ਹੋਇਆ।ਇਸ ਮੌਕੇ ਸੁਰੀਲੇ ਗਾਇਕ ਅਤੇ ਫ਼ਿਰਦੌਸ ਰੰਗਮੰਚ ਫਰੀਦਕੋਟ ਦੇ ਜਨਰਲ ਸਕੱਤਰ ਸਿਮਰ ਫਰੀਦਕੋਟ ਵੱਲੋਂ ਆਪਣੀ ਸੁਰੀਲੀ ਗਾਇਕੀ ਰਾਹੀਂ ਸੰਗੀਤਕ ਮਹਿਫ਼ਲ ਦਾ ਆਗਾਜ਼ ਕੀਤਾ ਗਿਆ।ਇਸ ਫੈਸਟੀਵਲ ਵਿੱਚ ਕੋਟਕਪੂਰਾ ਦੇ ਦਰਸ਼ਕਾਂ ਦਾ ਵਿਸ਼ਾਲ ਇਕੱਠ ਅਤੇ ਬੇਅੰਤ ਪਿਆਰ ਕਾਬਿਲੇ ਤਾਰੀਫ਼ ਸੀ।ਸੰਗੀਤਕ ਮਹਿਫ਼ਲ ਉਪਰੰਤ ਸਾਡੇ ਮੰਚ ਵੱਲੋਂ ਡਾ ਕੁਲਬੀਰ ਮਲਿਕ ਜੀ ਦੇ ਲਿਖੇ ਹੋਏ ਨਾਟਕ "ਸਾਰੰਗੀਆਂ" ਨੂੰ ਕਲਾਕਾਰ ਵਿਕਰਮਜੀਤ ਸਿੰਘ, ਬਲਵਿੰਦਰ ਕੌਰ, ਅਰਮਾਨਦੀਪ ਕੌਰ,ਯਸ਼ਮੀਤ ਕੌਰ,ਦੇਵ ਮਲਿਕ, ਕਸ਼ਮੀਰ ਮਾਨਾ,ਗੁਰੀ ਮਠਾੜੂ, ਲਖਵੀਰ ਲੱਖਾ , ਸੰਦੀਪ ਸਿੰਘ,ਹਰਮਨ, ਗੁਲਾਬ ਫ਼ਰੀਦ ਅਤੇ ਰਜਿੰਦਰ ਬੁੱਲਟ ਵੱਲੋਂ ਮੰਚ ਡਾਇਰੈਕਟਰ ਰਜਿੰਦਰ ਬੁੱਲਟ ਹੋਰਾਂ ਦੀ ਨਿਰਦੇਸ਼ਨਾ ਹੇਠ ਖੇਡਿਆ ਗਿਆ।ਇਸ ਮੌਕੇ ਉੱਘੇ ਸਮਾਜਸੇਵੀ ਅਤੇ ਪੱਤਰਕਾਰ ਸ.ਗੁਰਿੰਦਰ ਸਿੰਘ ਮਹਿੰਦੀਰੱਤਾ ਜੀ ਨੇ ਲਗਾਤਾਰ 3 ਦਿਨ ਹੋਈਆਂ ਪੇਸ਼ਕਾਰੀਆਂ ਦੀ ਰੂਪਰੇਖਾ ਅਤੇ ਪ੍ਰਭਾਵਾਂ ਨੂੰ ਆਪਣੇ ਸ਼ਬਦਾਂ ਰਾਹੀਂ ਸ.ਕੁਲਤਾਰ ਸਿੰਘ ਸੰਧਵਾਂ ਜੀ ਦੇ ਸਨਮੁਖ ਪੇਸ਼ ਕੀਤਾ।ਮਾਨਯੋਗ ਸਪੀਕਰ ਸ. ਕੁਲਤਾਰ ਸਿੰਘ ਸੰਧਵਾਂ ਜੀ ਦਾ ਸਾਰੇ ਪ੍ਰੋਗਰਾਮ ਨੂੰ 2 ਘੰਟੇ ਦੇ ਕਰੀਬ ਲਗਾਤਾਰ ਬੈਠਕੇ ਦੇਖਣਾ ਇਸ ਫੈਸਟੀਵਲ ਦੇ ਖੂਬਸੁਰਤ ਪਲਾਂ ਵਿੱਚ ਸ਼ੁਮਾਰ ਹੋਇਆ।ਦਰਸ਼ਕਾਂ ਨੂੰ ਸੰਬੋਧਨ ਕਰਦਿਆਂ ਸ.ਕੁਲਤਾਰ ਸਿੰਘ ਸੰਧਵਾਂ ਜੀ ਨੇ ਮੰਚ ਦੇ ਇਸ ਉਪਰਾਲੇ ਲਈ ਸਮੂਹ ਪ੍ਰਬੰਧਕੀ ਸੰਸਥਾਵਾਂ,ਸਹਿਯੋਗੀ ਸੱਜਣਾਂ ਦਾ ਜਿਥੇ ਧੰਨਵਾਦ ਕੀਤਾ, ਉਥੇ ਖ਼ੁਦ ਵੀ ਆਪਣੇ ਵੱਲੋਂ ਮੰਚ ਲਈ ਹਰ ਤਰ੍ਹਾਂ ਦੀ ਮੱਦਦ ਕਰਨ ਦਾ ਭਰੋਸਾ ਦਿੱਤਾ।ਉਨ੍ਹਾਂ ਨੇ ਇਸ ਤਰ੍ਹਾਂ ਦੀਆਂ ਸਾਹਿਤਕ ਕਲਾਵਾਂ ਨੂੰ ਹੋਰ ਪ੍ਰਫੁੱਲਤ ਕਰਨ ਲਈ ਅਤੇ ਨਸ਼ਿਆਂ ਵਰਗੇ ਬੁਰੇ ਪ੍ਰਭਾਵਾਂ ਨੂੰ ਖਤਮ ਕਰਨ ਲਈ ਦਰਸ਼ਕਾਂ ਨੂੰ ਅਪੀਲ ਕੀਤੀ ਕਿ ਉਹ ਬੇਹਤਰ ਅਤੇ ਰੰਗਲਾ ਪੰਜਾਬ ਬਣਾਉਣ ਲਈ ਖੁੱਲ੍ਹ ਕੇ ਸਾਥ ਦੇਣ।ਇਸ ਮੌਕੇ ਮੰਚ ਦੇ ਮੁੱਖ ਸਲਾਹਕਾਰ ਡਾ ਕੁਲਬੀਰ ਮਲਿਕ ਜੀ ਵੱਲੋਂ ਆਏ ਹੋਏ ਦਰਸ਼ਕਾਂ ਅਤੇ ਸਤਿਕਾਰਯੋਗ ਸ.ਕੁਲਤਾਰ ਸਿੰਘ ਸੰਧਵਾਂ ਜੀ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕੀਤਾ ਗਿਆ।ਇਸ ਸਾਰੇ ਪ੍ਰੋਗਰਾਮ ਦਾ ਮੰਚ ਸੰਚਾਲਨ ਲਗਾਤਾਰ 3 ਦਿਨ ਸਤਿਕਾਰਯੋਗ ਸ੍ਰੀ ਜਸਬੀਰ ਜੱਸੀ ਜੀ (ਜ਼ਿਲਾ ਗਾਈਡੈਂਸ ਕੌਂਸਲਰ ਫਰੀਦਕੋਟ) ਵੱਲੋਂ ਆਪਣੇ ਮਿੱਠੜੇ ਬੋਲਾਂ ਰਾਹੀਂ ਕੀਤਾ ਗਿਆ।ਇਸ ਮੌਕੇ ਸ. ਕੁਲਤਾਰ ਸਿੰਘ ਸੰਧਵਾਂ ਸਪੀਕਰ ਪੰਜਾਬ ਵਿਧਾਨ ਸਭਾ ਜੀ ਵੱਲੋਂ ਸਹਿਯੋਗੀ ਸੱਜਣਾਂ/ਪ੍ਰਬੰਧਕੀ ਸੰਸਥਾਵਾਂ ਅਤੇ ਕਲਾਕਾਰਾਂ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਸ. ਮਨਪ੍ਰੀਤ ਸਿੰਘ ਮਣੀ ਧਾਲੀਵਾਲ (ਪੀ ਆਰ ਓ, ਸਪੀਕਰ ਪੰਜਾਬ ਵਿਧਾਨ ਸਭਾ), ਵਿਸ਼ੇਸ਼ ਸਹਿਯੋਗੀ ਸੰਸਥਾ ਚਨਾਬ ਗਰੁੱਪ ਆਫ਼ ਐਜੂਕੇਸ਼ਨ ਕੋਟਕਪੂਰਾ ਦੇ ਡਾਇਰੈਕਟਰ ਸ.ਬਲਜੀਤ ਸਿੰਘ ਖੀਵਾ,ਲੋਕ ਗਾਇਕ ਸੁਰਜੀਤ ਗਿੱਲ,ਪ੍ਰੋ ਬੀਰਿੰਦਰ ਸਿੰਘ, ਮਾਸਟਰ ਸੋਮਨਾਥ ਜੀ,ਪ੍ਰੋ ਜਸਬੀਰ ਕੌਰ, ਫਰੀਦਕੋਟ ਤੋਂ ਪਹੁੰਚੇ ਸਤਿਕਾਰਯੋਗ ਚਾਵਲਾ ਪਰਿਵਾਰ ਆਦਿ ਵਿਸ਼ੇਸ਼ ਰੂਪ ਵਿੱਚ ਪ੍ਰੋਗਰਾਮ ਵਿੱਚ ਮੌਜੂਦ ਰਹੇ।
ਧੰਨਵਾਦ ਸਹਿਤ
ਰਜਿੰਦਰ ਬੁੱਲਟ
(ਡਾਇਰੈਕਟਰ ਫ਼ਿਰਦੌਸ ਰੰਗਮੰਚ ਫਰੀਦਕੋਟ)
ਸ. ਬਲਜੀਤ ਸਿੰਘ ਖੀਵਾ
(ਡਾਇਰੈਕਟਰ ਚਨਾਬ ਗਰੁੱਪ ਆਫ਼ ਐਜੂਕੇਸ਼ਨ ਕੋਟਕਪੂਰਾ )
ਸ੍ਰੀ ਪ੍ਰੀਤਪਾਲ ਰੁਪਾਣਾ
(ਟੈਕਨੀਕਲ ਡਾਇਰੈਕਟਰ ਫ਼ਿਰਦੌਸ ਰੰਗਮੰਚ ਫਰੀਦਕੋਟ)
ਡਾ ਕੁਲਬੀਰ ਮਲਿਕ
(ਮੁੱਖ ਸਲਾਹਕਾਰ)
ਸਿਮਰਜੀਤ ਸਿੰਘ
(ਸਕੱਤਰ, ਫ਼ਿਰਦੌਸ ਰੰਗਮੰਚ ਫਰੀਦਕੋਟ)
ਸ. ਗੁਰਪ੍ਰੀਤ ਸਿੰਘ (ਖਜ਼ਾਨਚੀ ਫ਼ਿਰਦੌਸ ਰੰਗਮੰਚ ਫਰੀਦਕੋਟ )
ਅਤੇ ਸਮੂਹ ਮੰਚ ਮੈਂਬਰ
