13/04/2020
അങ്ങനെ തിരു നല്ലൂർസ്ഥാനത്ത മ്മക്ക് ഒരു പടയണി കാലം കൂടി വന്നിരിക്കുന്നു. പടയണിയിലൂടെ ഒരു ഗ്രാമത്തിന് സമസ്ത ഐശ്വര്യങ്ങളും കൈവരുമെന്ന് വിശ്വസിക്കുന്നു.. ആ വിശ്വാസത്തെ ഉൾകൊണ്ടുകൊണ്ടാണ് ഓരോ പടയണി കലാകാരനും പടയണി തുള്ളുന്നത് . ഓരോ പടയണി കലാകാരന്റെയും കഴിഞ്ഞ ഒരു വർഷത്തെ കാത്തിരിപ്പിന്റെയും മാസങ്ങളായി ഉള്ള കളരിയുടെയും ശ്രമഫലമാണ് ഓരോ പടയണിക്കാലവും.സർവ മാരികളും പാപങ്ങളും ഒഴിഞ്ഞ് തെറ്റുകുറ്റങ്ങൾ പൊറുത്തുകൊണ്ട് നാടിനും നാടർക്കും സർവ മംഗളങ്ങളും വന്നു ചേരണമെന്ന് ദേവിയോട് പ്രാർത്ഥച്ചുകൊണ്ട് മംഗള ഭൈരവി തുള്ളി, ഗുരുതി നൽകിയാണ്
പടയണി ചടങ്ങുകൾ സമാപിക്കുക.നിർഭാഗ്യം എന്നു പറയട്ടെ ഇ വർഷം ഒരു ചടങ്ങും നടത്താൻ ശ്രീ പ്രാചീന കലാ സംഘത്തിന് സാധിച്ചില്ല..ആർപ്പുവിളികളോ ആരവങ്ങളോ ആഘോഷങ്ങളോ ഇല്ലാത്ത ഒരു പടയണിക്കാലം.ഇ മഹാമാരിയുടെ സാഹചര്യത്തിൽ പടയണി നടത്തേണ്ടത്തില്ല എന്ന തീരുമാനം പടയണി സംഘം കൈകൊണ്ടപ്പോൾ ഹൃദയം പൊട്ടുന്ന വേദനയാണ് ഓരോ കലാകാരനും..ഒരുപക്ഷെ ദേവി ഹിതം ഇതായിരുന്നിരിക്കാം.. അമ്മക്ക് അറിയാത്തതായി ഈ പ്രപഞ്ചത്തിൽ എന്തെങ്കിലും ഉണ്ടോ. എല്ലാം നല്ലൂർസ്ഥാനത്തമ്മയുടെ പദങ്ങളിൽ സമർപ്പിക്കുന്നു. എല്ലാം പൊറുത്തു കൊണ്ട് അടിയങ്ങൾക്ക് ഒരു വഴി കാണിച്ചു തരണം.
🙏" പിഴകളെല്ലാം പൊറുത്തുകൊണ്ട് ....അനുഗ്രഹിക്ക ഭഗവതിയേ...."🙏 കാത്തിരിക്കുന്നു അടുത്ത ഒരു പടയണിക്കാലത്തിനായി...............
