Janasamskriti

01/05/2026

മെയ് 1 – ലോക തൊഴിലാളി ദിനം

തൊഴിലാളി വർഗ്ഗത്തിന്റെ അവകാശങ്ങൾക്കായുള്ള ദീർഘകാല സമരങ്ങളുടെ സ്മരണയാണ് മെയ് ദിനം. വ്യവസായ വിപ്ലവത്തിനു ശേഷം ലോകമെമ്പാടും തൊഴിലാളികൾ നീണ്ട ജോലി സമയം, കുറഞ്ഞ കൂലി, മനുഷ്യാവകാശങ്ങളുടെ അഭാവം എന്നിവക്കെതിരെ സംഘടിതമായി പോരാടി. അതിന്റെ ഭാഗമായാണ് 1886-ൽ അമേരിക്കയിലെ ചിക്കാഗോയിൽ എട്ടുമണിക്കൂർ ജോലി എന്ന ആവശ്യവുമായി നടന്ന സമരവും അതിലെ രക്തസാക്ഷിത്വവും മെയ് ദിനത്തിന്റെ അടിസ്ഥാനം ആയി മാറിയത്. 1889-ൽ മെയ് 1 ലോക തൊഴിലാളി ദിനമായി പ്രഖ്യാപിക്കപ്പെട്ടു. ഇന്ത്യയിൽ 1923-ൽ മദ്രാസിൽ ആദ്യമായി മെയ് ദിനം ആചരിച്ചു.

ഇന്ത്യയിലും തൊഴിലാളി സമരങ്ങൾക്ക് ദീർഘമായ ചരിത്രമുണ്ട്. ട്രേഡ് യൂണിയൻ പ്രസ്ഥാനങ്ങളുടെ വളർച്ചയും തൊഴിൽനിയമങ്ങളുടെ രൂപീകരണവും തൊഴിലാളി അവകാശങ്ങൾ ഉറപ്പാക്കുന്നതിൽ നിർണായകമായി.

ഇന്ന് ഇന്ത്യയിലെ തൊഴിൽ മേഖലയിൽ ഗണ്യമായ മാറ്റങ്ങൾ സംഭവിച്ചുകൊണ്ടിരിക്കുകയാണ്. നാല് ലേബർ കോഡുകൾ നടപ്പിലാക്കിയതോടെ ജോലി സമയം, തൊഴിൽ സുരക്ഷ, യൂണിയൻ അവകാശങ്ങൾ എന്നിവയിൽ മാറ്റങ്ങൾ ഉണ്ടായിട്ടുണ്ട്. കരാർ തൊഴിൽ, ഗിഗ്/പ്ലാറ്റ്ഫോം തൊഴിലുകൾ, അസംഘടിത മേഖലയിലെ വളർച്ച തൊഴിലാളികളുടെ സുരക്ഷയും സ്ഥിരതയും കുറയ്ക്കുന്നു. പല ഇടങ്ങളിലും 10–12 മണിക്കൂർ വരെ ജോലി ചെയ്യേണ്ടിവരുന്നു; കുറഞ്ഞ കൂലി, കൃത്യമായി അവധി ലഭിക്കാത്തത്, സാമൂഹിക സുരക്ഷയുടെ അഭാവം തുടങ്ങിയ പ്രശ്നങ്ങൾ തുടരുന്നു.

കൃത്രിമ ബുദ്ധി (AI) ഉൾപ്പെടെയുള്ള സാങ്കേതിക മാറ്റങ്ങൾ തൊഴിൽ രംഗത്തിന്റെ സ്വഭാവം മാറ്റുകയാണ്. പുതിയ അവസരങ്ങൾ ഉണ്ടാകുമ്പോഴും ജോലി അനിശ്ചിതത്വവും ഡിജിറ്റൽ ചൂഷണവും വർധിക്കുന്ന പ്രവണതയും കാണുന്നു.

ഇത്തരം സാഹചര്യത്തിൽ തൊഴിലാളികളുടെ സംഘടിക്കലും ഐക്യവും അനിവാര്യമാണ്. സംഘടിതമായ ഇടപെടലുകൾ വഴിയാണ് ന്യായമായ വേതനം, മാന്യമായ ജോലി സമയം, സുരക്ഷിത തൊഴിൽ സാഹചര്യം, സാമൂഹിക സുരക്ഷ എന്നിവ ഉറപ്പാക്കാൻ കഴിയുന്നത്.
കുറഞ്ഞ വേതനം (Minimum Wage) ഉറപ്പാക്കാനും വിലക്കയറ്റത്തിന് അനുസരിച്ച് പരിഷ്കരിക്കാനും സർക്കാർ തല ഇടപെടലുകൾ ഉണ്ടാകണം.
ഗിഗ്, കരാർ തൊഴിലാളികൾ ഉൾപ്പെടെ എല്ലാ തൊഴിലാളികൾക്കും സാമൂഹിക സുരക്ഷ (PF, ESI, ഇൻഷുറൻസ്) ഉറപ്പാക്കാനുംട്രേഡ് യൂണിയൻ പ്രവർത്തനങ്ങൾക്ക് സ്വാതന്ത്ര്യവും നിയമപരമായ സംരക്ഷണം ഉറപ്പാക്കാനും കഴിയണം.
തൊഴിൽനിയമങ്ങളുടെ ലംഘനങ്ങൾക്കെതിരെ ശക്തമായ നിരീക്ഷണവും നടപടി സംവിധാനവും രൂപീകരിക്കാത്തതും സ്ത്രീകളും അസംഘടിത മേഖലയിലുള്ള തൊഴിലാളികളും നേരിടുന്ന പ്രത്യേക പ്രശ്നങ്ങൾ പരിഹരിക്കാൻ നയങ്ങൾ ശക്തിപ്പെടുത്താതും ഇന്ത്യയിലെ തൊഴിലാളി പ്രശ്‌നങ്ങൾ രൂക്ഷമാക്കുന്നു.

അന്താരാഷ്ട്ര തലത്തിൽ, ഐക്യരാഷ്ട്രസഭ (UN)യും ILOയും തൊഴിലാളികളുടെ അവകാശങ്ങൾ സംരക്ഷിക്കാൻ കൂടുതൽ ശക്തമായ ഇടപെടലുകൾ നടത്തണം.

“എട്ടുമണിക്കൂർ ജോലി, എട്ടുമണിക്കൂർ വിശ്രമം” എന്ന അടിസ്ഥാനാവകാശം ഇന്നും അത്യന്തം പ്രസക്തമാണ്. തൊഴിലാളികളുടെ അവകാശങ്ങൾ സംരക്ഷിക്കാൻ കൂട്ടായ്മയും സമരവും ശക്തിപ്പെടുത്തേണ്ടത് കാലത്തിന്റെ ആവശ്യമാണ്.

സംഘടിച്ച് ശക്തരാകുവാൻ ആഹ്വാനം ചെയ്ത് കൊണ്ട് എല്ലാവർക്കും ജനസംസ്കൃതിയുടെ മെയ് ദിനാശംസകൾ ✊

15/04/2026

Explore Higher Education Opportunities in Science

Planning a future in science? Consider IIT, IISER, or TIFR.Interactive session and hear directly from faculty members of India’s premier science institutions...

12/04/2026

പ്രിയ ഗായിക ആശാ ഭോസ്‌ലെക്ക് വിട

ആലാപന സൗകുമാര്യം കൊണ്ടും വശ്യസുന്ദരമായ ആലാപന ചാരുത കൊണ്ടും ഇന്ത്യൻ സംഗീത ലോകത്തെ കീഴടക്കിയ ആശാ ഭോസ്‌ലെ വിട പറഞ്ഞു. തലമുറകളെ പ്രണയവും വിരഹവും താളവും കൊണ്ട് ഉണർത്തിയ ഗായികയായിരുന്നു ആശാ ഭോസ്‌ലെ. പോപ്പും, ഗസലും, ക്ലാസിക്കൽ സംഗീതവും, ഖവാലിയുമുൾപ്പെടെ സംഗീതത്തിൻ്റെ ഏത് ശാഖയും അനായാസം കൈകാര്യം ചെയ്തിരുന്ന ഗായികയായിരുന്നു ആശ. ലതാ മങ്കേഷ്കർ, മുഹമ്മദ് റാഫി, കിഷോർ കുമാർ, മുകേഷ് തുടങ്ങിയ അതുല്യ പ്രതിഭകൾ അടക്കിവാണ കാലഘട്ടത്തിലെ അവസാനത്തെ കണ്ണിയായിരുന്നു ആശ.

1943-ൽ ഒമ്പതാം വയസ്സിൽ തുടങ്ങിയ സംഗീതയാത്ര അവസാനിക്കുമ്പോൾ 20 ഭാഷകളിലായി പന്തീരായിരത്തിലധികം ഗനങ്ങൾക്ക് അവർ ശബ്ദം നൽകി. ഗ്രാമി യിലേക്ക് നോമിനേറ്റ് ചെയ്യപ്പെട ആദ്യ ഇന്ത്യക്കാരിയായിരുന്നു അവർ. 2000 ൽ ദാദാ സാഹിബ് ഫാൽകെ അവാർഡും 2008 ൽ പത്മവിഭൂഷണും നൽകി രാജ്യം ആദരിച്ചു.

പുതിയ ഗാനങ്ങളിലൂടെ ആ സ്വരം നമ്മെ തേടിയെത്തില്ല എങ്കിലും എട്ടു പതിറ്റാണ്ടുകളായി അവർ പാടിവെച്ച പതിനായിരകണക്കിന് ഗാനങ്ങളിലൂടെ ആശ ഭോസ്‌ലെ എന്ന ഇതിഹാസം അനശ്വരമായി തുടരും.

ആശ ഭോസ്‌ലെയുടെ നിര്യാണത്തിൽ ജനസംസ്കൃതി അനുശോചനം അർപ്പിക്കുന്നു.

04/04/2026

Dreaming of IIT, IISER, or TIFR?

Don’t miss this opportunity to interact with professors from India’s top institutions!

Learn the strategies, ask your questions, and explore your path to a career in science.

Live interaction with:
Dr. Pradeepkumar P. I. (IIT Bombay)
Dr. Kana M. Sureshan (IISER Thiruvananthapuram)
Dr. T. N. Narayanan (TIFR Hyderabad)

Mark your calendar: Sunday, 12 April | 6:00 PM

Register FREE now:
[https://forms.gle/wpCXCGHRLKZdFNoG7](https://forms.gle/wpCXCGHRLKZdFNoG7)

Registration is open to higher secondary, undergraduate, and postgraduate students. Interested parents and high school students are welcome to attend without registration.

22/03/2026

39th AKG Memorial Lecture

Remembering the legacy of A.K. Gopalan (AKG) and his lifelong struggle for democracy, equality, and people's rights.

🗓 March 22, 2026 | 4:00 PM

📍 Speaker Hall, Constitution Club, Rafi Marg, New Delhi

🎙 Speaker: Dr. John Cherian
(Senior Journalist & Commentator)

Topic: Sanctions, Tariffs – The New Grammar of America

An important discussion on the changing global political and economic order.

Janasamskriti

17/03/2026

Janasamskriti
39th AKG Memorial Lecture

Remembering the legacy of A.K. Gopalan (AKG) and his lifelong struggle for democracy, equality, and people's rights.

🗓 March 22, 2026 | 4:00 pm

📍 Speaker Hall, Constitution Club, Rafi Marg, New Delhi

🎙 Speaker: Dr. John Cherian
(Senior Journalist & Commentator)

Topic: "Sanctions, Tariffs – The New Grammar of America"

An important discussion on the changing global political and economic order.

All are cordially invited to attend

14/03/2026

പ്രൊഫ: കെ എൻ പണിക്കർ അനുസ്മരണം

ജനസംസ്കൃതിയുടെ ആദ്യകാല പ്രസിഡൻ്റും പ്രശസ്ത ചരിത്രകാരനുമായ അന്തരിച്ച പ്രൊഫ. കെ എൻ പണിക്കർക്ക് ജനസംസ്കൃതി ആദരമർപ്പിച്ചു.

ഇന്ന് വൈകുന്നേരം 6 മണിക്ക് എച്ച് കെ എസ് സുർജീത് ഭവനിൽ ചേർന്ന അനുശോചന യോഗത്തിൽ അദ്ദേഹത്തിൻ്റെ സഹപ്രവർത്തകരും വിദ്യാർത്ഥികളുമടങ്ങുന്ന സമൂഹത്തിലെ വിവിധ തുറകളിലുള്ള വ്യക്തികൾ പങ്കെടുത്തു.

സി പി എം ജന: സെക്രട്ടറി സ: എം.എ ബേബി, പ്രൊഫസർ പ്രഭാത് പട്നായിക്, ഡോ. ശോഭന വാര്യർ, പ്രൊഫ. സലിൽ മിശ്ര, മുതിർന്ന മാധ്യമപ്രവർത്തകൻ ടി കെ അരുൺ, ഓൾ ഇന്ത്യ ലോയേഴ്സ് യൂണിയൻ ജന: സെക്രട്ടറി അഡ്വ. പി.വി. സുരേന്ദ്രനാഥ്, ഡോ. ബ്രിജേഷ് എന്നിവർ അദ്ദേഹത്തെ അനുസ്മരിച്ച് സംസാരിച്ചു. ജനസംസ്കൃതി പ്രസിഡൻറ് ശങ്കരനാരായണൻ വി വി അധ്യക്ഷനായിരുന്നു. ജന: സെക്രട്ടറി പി എൻ ബാബുരാജ് സ്വാഗതം ആശംസിച്ചു.

14/03/2026

Condolence Meeting

Janasamskriti organizes a Condolence Meeting in memory of Prof. K N Panikkar, noted historian and former President of Janasamskriti.

🗓 Date: Saturday, March 14
🕕 Time: 6:00 PM onwards
📍 Venue: HKS Bhawan, ITO, New Delhi

Friends and well-wishers are invited to join us to pay homage and remember his valuable contributions.

13/03/2026

Condolence Meeting

Janasamskriti organizes a Condolence Meeting in memory of Prof. K N Panikkar, noted historian and former President of Janasamskriti.

🗓 Date: Saturday, March 14
🕕 Time: 6:00 PM onwards
📍 Venue: HKS Bhawan, ITO, New Delhi

Friends and well-wishers are invited to join us to pay homage and remember his valuable contributions.

09/03/2026

ഡോ കെ എൻ പണിക്കർക്ക് വിട

ഇന്ത്യ കണ്ട ആധുനിക ചരിത്രകാരന്മാരിൽ മുൻ നിരയിൽ നിന്നിരുന്ന പ്രതിഭാധനനായിരുന്നു ഡോ . കെ എൻ പണിക്കർ. അദ്ദേഹത്തിൻ്റെ വിയോഗത്തിൽ ജനസംസ്കൃതി അനുശോചനം രേഖപ്പെടുത്തുന്നു. കറ കളഞ്ഞ മതനിരപേക്ഷ വാദി, പുരോഗമന സാംസ്കാരിക പ്രവർത്തകൻ, ചിന്തകൻ , എഴുത്തുകാരൻ, വിദ്യാഭ്യാസ വിചക്ഷണൻ എന്നിങ്ങനെ വിശേഷണങ്ങൾ ഏറെയുണ്ട് അദ്ദേഹത്തിന്. തന്റെ ചിന്തകൾ കൊണ്ടും, വാക്കുകൾ കൊണ്ടും, തൂലിക കൊണ്ടും ഇന്ത്യ എന്ന ആശയത്തിന്റെ നിലനില്പിനും പരിരക്ഷക്കും വേണ്ടി തലയുയർത്തി, സധൈര്യം എന്നും പ്രവർത്തിച്ചിരുന്നു അദ്ദേഹം. വർഗീയ ഫാസിസ്റ്റു ശക്തികൾ നമ്മുടെ രാജ്യത്ത് സ്വാധീനം ചെലുത്തുന്ന കാലത്ത് അത്തരം അപകടങ്ങളെ ഒരു ക്രാന്തദർശിയായ ചിന്തകനെപോലെ കാണുകയും, വിമർശിക്കുകയും അവക്കെതിരെ ജാഗരൂകമാകാൻ ജനങ്ങളെ ഉദ്ബോധിപ്പിക്കുകയും , പ്രവർത്തിക്കുകയും ചെയ്തു അദ്ദേഹം.

ജനസംസ്കൃതിയുടെ പ്രസിഡന്റ് എന്ന നിലയിൽ അദ്ദേഹം പ്രവർത്തിച്ചിരുന്ന തൊണ്ണൂറുകൾ, സംഘടനയെ കാലാനുസൃതമായ മാറ്റത്തിലേക്കും, പുരോഗതിയിലേക്കും, വ്യത്യസ്ത പ്രവർത്തന ശൈലിയിലേക്കും കടക്കാൻ പ്രാപ്തമാക്കിയ സുവർണകാലമായിരുന്നു. ജവാഹർലാൽ നെഹ്റു സർവകലാശാലയിൽ പ്രൊഫസ്സർ ആയിരുന്ന അദ്ദേഹം വർഗ്ഗീയതക്കെതിരെ, അന്ധമായ ജാതി ബോധത്തിനെതിരെ, ഫാസിസ്റ്റു പ്രവണതകൾക്കെതിരെ, സംഘടനയുടെ നേതൃത്വത്തിൽ വിശാല കൂട്ടായ്മകൾക്കും നേതൃത്വം നൽകി. ദില്ലിയിൽ ഉണ്ടായിരുന്ന കാലത്തെല്ലാം പുരോഗമന സാംസ്കാരിക ചേരിയിലെ സജീവ സാന്നിധ്യമായിരുന്നു. തന്റെ ലേഖനങ്ങളിലൂടെ, പ്രഭാഷണങ്ങളിലൂടെ ഇന്ത്യയുടെ മതേതരത്വ, ജനാധിപത്യ സ്വഭാവം ഉയർത്തിപ്പിടിക്കാൻ എന്നും അദ്ദേഹം ആഹ്വാനം ചെയ്തിരുന്നു.

ശ്രീ ശങ്കരാചാര്യ സംസ്കൃത സർവ്വകലാശാല വൈസ് ചാൻസലറായും സേവനമനുഷ്ടിച്ചിട്ടുണ്ട്.

ഭൂരിപക്ഷ വർഗീയതയുടെ കടന്നു വരവ് മുൻകൂട്ടി തന്നെ കണ്ടിരുന്ന അദ്ദേഹം, അത്തരം സങ്കുചിത പ്രവണതകൾക്കെതിരെ നടത്തിയ പ്രതിരോധ പ്രവർത്തനങ്ങൾക്ക് പലപ്പോഴും പലതരം ഭീഷണികളും നേരിട്ടിട്ടുണ്ട്. എന്നിട്ടും ഒട്ടും കൂസാതെ എഴുതാനും, പ്രവർത്തിക്കാനും കഴിയുന്നത്ര കാലം അദ്ദേഹം പുരോഗമന പക്ഷത്തു അടിയുറച്ച് നിലനിന്നു പടപൊരുതുകയും ചെയ്തു. എന്തായിരിക്കണം പുരോഗമന സാംസ്കാരിക പ്രവർത്തനം എന്നത് ജനസംസ്കൃതിയെ കൂടുതൽ വ്യക്തതയോടെ മനസ്സിലാക്കി തരുന്നതിൽ അദ്ദേഹത്തിന്റെ പ്രവർത്തനകാലം വളരെ സഹായകമായി.

ഇന്ത്യയുടെ പുരോഗമന ചേരിക്കും , പ്രത്യേകിച്ച് ജനസംസ്കൃതിക്കും വലിയ ആഘാതമാണ് പണിക്കർ സാറിന്റെ വിയോഗം. ആ ഓർമ്മകൾക്ക് മുന്നിൽ സ്മരണാഞ്ജലികൾ അർപ്പിക്കുന്നു.

ജനസംസ്കൃതി

06/03/2026

അന്താരാഷ്ട്ര വനിതാ ദിനം 2026

ജനസംസ്കൃതി വനിതാ വിങ്ങിൻ്റെ ആഭിമുഖ്യത്തിൽ അന്താരാഷ്ട്ര വനിതാ ദിനത്തോടനുബന്ധിച്ച് പാനൽ ചർച്ച സംഘടിപ്പിക്കുന്നു.

തീയതി: മാർച്ച് 7, 2026
🕡 സമയം: വൈകിട്ട് 6.30
📍 വേദി: കേരള ഹൗസ് കോൺഫറൻസ് ഹാൾ
🟣 ഈ വർഷത്തെ ഐക്യരാഷ്ട്രസഭയുടെ (UN) തീം:
“Rights. Justice. Action. For All Women and Girls.”

🎙 പാനൽ ചർച്ച നയിക്കുന്നത്:
• ഡോ. അമൃത സതീശൻ
• ഡോ. രേഖ രാജ്
• ഗോപിക ബാബു

🚇 സമീപത്തുള്ള മെട്രോ സ്റ്റേഷനുകൾ:
• യെല്ലോ ലൈൻ – പട്ടേൽ ചൗക്ക്
• വയലറ്റ് ലൈൻ – ജൻപഥ്

📢 ഏവർക്കും സ്വാഗതം