03/06/2026
आधुनिक #डिजिटल आ #नेटवर्किंगक युगमे दुनियाँ भरिक समान विचारधाराबला मैथिलके एकसंग जोड़ि मिथिला एकीकरणक उद्देश्य लऽ कऽ "मैथिल-मंचक" स्थापना कैएल गेल अछि।
स्थापना आ कार्य : ओना तऽ संस्था 2011 ई.सँ चलि रहल अछि मुदा नियमित पञ्जिकरण 2016 ई. के दुर्गापूजाक नवमी तिथिकेँ दिल्लीमे भेल। संगठनात्मक संरचना आ विशेष जानकारी हेतु www.maithilmanch.in पर लाॅग-इन करी।
मैथिल मंचमे मिथिला-मैथिलीसँ जुटल क्रियाकलाप सबके संग अपन सदस्यगण लेल किछु विशेष सुविधा हेतु किछु समुह बनाओल गेल अछि जहिमे किछु प्रमुख अछि :-
1. #बाबूजीक_पुस्तकालय :: संभवत: मैथिलीक पहिल डिजिटल पुस्तकालय मैथिल मंच द्वारा तैयार कयल गेल अछि जहिमे सदस्यगण वा अन्य कोनो मैथिल अपन आवश्यकतानुसार मैथिल मंच के वेवसाइट पर उपलब्ध पुरा पुस्तक या किछु भाग आवेदन कऽ डिजिटल रूपमे मँगाओल जा सकैया । मैथिलीकेँ घरे-घर तक पहुँचाबऽ हेतु इ एकटा डिजिटल अभियान अछि।
2. #मैथिल_आरोग्य_मंच :: अपन वा पारिवारिक कोनो स्वास्थ्य समस्याकेँ भेलापर मैथिल मंच अपन सदस्यगणकेँ यथासम्भव सहयोग करैत अछि। यथा आवश्यकता पड़ला पर रक्तदानक सुविधा आ अहाँक समस्याकेँ आनलाइन यथोचित समाधान जेना कि मंच के चिकित्सक सदस्य द्वारा टेलिफोनिक सहयोग आ मार्गदर्शन आदि।
3. #मैथिल_कला_मंच :: मिथिलाक प्रतिष्ठित आ नवोदित कलाकारगणकेँ समन्वय संग नव कलाकारकेँ देशस्तर पर पहुँचाबय लेल एकटा आयाम बनाओल गेल अछि ।जे डिजिटल रूपसँ काज करैत अछि। मंचक सहयोगी लोकनि के सहयोगसँ इ अभियान चलैत अछि।
4. The Mithila Art Store :: मिथिलाक लोक-चित्रकला संरक्षण आ सम्वर्धन लेल समर्पित कलाकार लोकनिकेँ संगठन अछि जे श्रीमती मुक्ति झा, श्रीमती सुजाता झा,श्रीमती प्रीति रानी, छाया झा, श्रीमती नीतू झा, राखी कुमारी, उषा यादव, स्नेहा झा, शिवांगी झा, श्रेया झा संग अनेकों कलाकारलोकनिकेँ समन्वयसँ काज करैत अछि। एहि द्वारा प्रत्येक वर्ष #मिथिला_लोक_चित्रकला_प्रतियोगिता'क आयोजन कैएल जाइत अछि। जकरा द्वारा गैर-सरकारी स्तर पर भरिदेशमे मिथिला चित्रकलाक लेल पुरस्कार आ #मिथिला_कला_सम्मान देल जाइत अछि।
5. #कानूनी_सलाह :: मंचक एहि भागक उद्देश्य देशक कोनो कोनामे कानूनी रुपसँ फँसल अपन सदस्यलोकनि के त्वरित सहयोग कैऐनाइ अछि। दिल्ली, मुम्बई, कोलकाता, पुणे आदि अनेको शहरमे उपस्थित मंचक अधिवक्तागण सहयोग लेल समर्पित रहैत छथि। अधिवक्ता मांडवी झा, अशोक झा आदि अनेक लोकक समन्वयसँ ई सफल भय रहल अछि।
6. #मैथिल_घटकैती_मंच :: मंचक सम्माननीय सदस्यलोकनि हेतु इ सुविधा अछि जहिमे सदस्यगण अपन परिचित वर-वधु लेल वाँछित कथा ताकि सकय छथि आ एक दोसराकेँ सहयोग कय सकय छथि। आजुक समयमे वैवाहिक व्यवस्थाकेँ जेना विधर्मीकरण भय रहल अछि ओहिमे इ एकटा नव प्रयास अछि, जकर प्रशंसा सदस्यलोकनि द्वारा सतत होइत अछि।
7. #ज्योतिष_सेवा :: धर्म, शास्त्र, मिथिला संस्कृति, लोकदेवता, परिचय आ कुंडलीसँ लऽ कऽ हरेक तरहक धार्मिक आ ज्योतिषीय काजमे सहयोग लेल ई सुविधा मंचक सदस्यगण हेतु उपलब्ध अछि। आदरणीय ज्योतिषाचार्य लोकनि केर मार्गदर्शनमे इ सुविधा सदस्यगण लेल उपलब्ध अछि।
मैथिल मंचक प्रति विस्तृत जानकारी www.maithilmanch.in पर उपलब्ध अछि । कोनो तरहक आओर जानकारी वा सुझाव हेतु [email protected] वा 8826566136 पर सम्पर्क कयल जा सकैत अछि।
