23/09/2026
എടാ.... സുമേഷേ.... എന്നായിരുന്നു മാമി എന്നെ ഫോണിലൂടെ വിളിച്ചത്.... എന്നിട്ടെന്നോട് പറഞ്ഞു... ഇന്ന് വൈകുന്നേരം വടകര കൃഷ്ണ കൃപ ഓഡിറ്ററിയത്തിലുള്ള ഫങ്ക്ഷൻ നിനക്കുമുള്ളതല്ലേ.. പോകുമ്പോൾ എന്നെയും ഒന്ന് കൂട്ടുമോ...?
പിന്നെന്താ.. മാമി... കൂട്ടാം. ഞങ്ങളെല്ലാവരുകൂടിയാണ് പോകുന്നത് (ദിശയും, പിള്ളാരും, കമലമ്മയും..)
വെൽക്കം ഡ്രിങ്ക് കഴിച്ച് തുടങ്ങിയപ്പോൾ തന്നെ ഞങ്ങളുടെ വീഡിയോ കണ്ട് ഞങ്ങളെ പരിചയമുള്ളവരെല്ലാം ഞങ്ങളുടെ അടുത്ത് വന്ന് വിശേഷങ്ങൾ പങ്കു വെക്കുന്നുണ്ട്... അതുപോലെ തന്നെ ഞങ്ങൾക്കു പരിചയമുള്ളവരുടെ അടുത്തുപോയി ഞങ്ങളും വിശേഷങ്ങൾ പങ്കു വെച്ചു..
ഇതിനിടയിലെല്ലാം... ഒരു സ്ത്രീ നമ്മളുടെ കമലമ്മയുടെ അടുത്ത് വന്ന് വാ തോരാതെ സംസാരിക്കുന്നു... കെട്ടിപ്പിടിക്കുന്നു... സെൽഫി എടുക്കുന്നു... തേനും പാലും ഒഴുക്കി സംസാരിക്കുന്നു... തൊട്ടടുത്തു ഞാനും ദിശയും പിള്ളേരും നിൽക്കുന്നുണ്ടെങ്കിലും ഞങ്ങളുടെ മുഖത്ത് പോലും നോക്കാൻ കൂട്ടാക്കുന്നില്ല..
ഞാനും ദിശയും അവരോട് ചിരിക്കാനും സംസാരിക്കാനും വേണ്ടി... അവരെ നോക്കി മുഖം ചെന്താമര വിടരും പോലെ ഇടയ്ക്കിടയ്ക്ക് വിടർത്തുന്നുണ്ടായിരുന്നു .... പക്ഷെ ആ സ്ത്രീ ഞങ്ങളുടെ മുഖത്ത് നോക്കുന്നേ ഇല്ലാ ... 😔
ഇതേപോലെ തന്നെ ഫുഡ്‌ കഴിക്കുമ്പോഴും... ഐസ് ക്രീം കഴിക്കുമ്പോഴും എല്ലാം ഈ സ്ത്രീ ഞങ്ങളുടെ മുന്നിൽ വന്ന് നിന്നു സംസാരം... പക്ഷേ...കമലമ്മയോടും മാമിയോടും മാത്രം... 😔 ശ്ശെടാ.... എന്ത് ചെയ്യും...
ഞാൻ മാറി നിന്നു മെല്ലെ ദിശയോട് കാര്യം... പറഞ്ഞു... അപ്പോൾ ദിശ എന്നോടും പറഞ്ഞു ഞാനും കുറെ നേരമായി പറയണമെന്ന് വിചാരിക്കുന്നു... ഈ പെണ്ണുങ്ങൾക്ക്‌ എന്തോ പ്രശ്നമുണ്ടെന്നു.... 😂
കമലമ്മയെ ഈ സ്ത്രീ വിടുന്നുമില്ല... വിട്ടാൽ ഞങ്ങൾക്കു പോകാമായിരുന്നു... കമലമ്മ പൊതുവെ ആരെയെങ്കിലും കിട്ടിയാൽ ഒന്നും നോക്കില്ല അവരോടു കത്തിയടിക്കുന്ന പ്രകൃതവും.... പെട്ടല്ലോ നാഥാ..... 😂 ഒടുവിൽ എങ്ങനെയൊക്കെയോ അവിടെ നിന്നും തടി തപ്പി... 😂
വീട്ടിലെത്തി ഞാനും ദിശയും ഈ സ്ത്രീയെ കുറിച്ചും അവരുടെ ആറ്റിട്യൂഡിനെ കുറിച്ചും സംസാരിച്ചു... കമലമ്മയോടും മാമിയോടും അന്നും ഒന്നും പറഞ്ഞില്ല ഇന്നും ഒന്നും പറഞ്ഞില്ല...എന്തോ അവരോട് ഒന്നും പറയാൻ തോന്നിയില്ല...
ഇത്തരത്തിലുള്ള പലരും നമ്മുടെ ചുറ്റിലുമുണ്ടാകും.... അതിന് വ്യക്തമായ ഒരു ഉദ്ദേശവും കാണും ....കമലമ്മയെ പൊക്കി പറഞ്ഞുകൊണ്ട് നമ്മൾ ഒന്നുമല്ല എന്ന്‌ കാണിക്കാൻ വേണ്ടിയാണെന്ന് തോന്നി....😔അതുകൊണ്ട് തന്നെ അതിന് ഒരു ഇരയാകാൻ... നിന്നുകൊടുക്കാതിരിക്കാൻ ഞങ്ങൾ ശ്രമിച്ചെങ്കിലും കമലമ്മയും മാമിയും കാരണം അത് നടന്നില്ല ..😔
ഇങ്ങനെയുള്ള സാഹചര്യങ്ങളിൽ നമ്മൾ ചെയ്യേണ്ടുന്ന പ്രതിവിധിയെ കുറിച്ച് ഞാൻ ദിശയ്ക്ക് ക്ലാസ്സ്‌ എടുത്തുകൊടുത്തു....😂..
നിർഭാഗ്യവാശാൽ ഈ സ്ത്രീ എന്റെ മാമിയുടെ അടുത്ത ഒരു സുഹൃത്തായിരുന്നു..... 😜
ഇത് വായിച്ചാൽ മാമിയുടെ ഒരു ഫോൺ കാൾ എന്തായാലും പ്രതീക്ഷിക്കാം.... ആരായിരുന്നു.... ആ സ്ത്രീ....?
തുടരും.....
സുമേഷ് ഭാസ്‌ക്കർ 🌹
