09/07/2025
"ગીત જેવું"
અનાયાસે એમને મળવાનું બને ત્યારે
લાગે મૌસમ ના પહેલા વરસાદ જેવું
એણે ઝુલ્ફો હટાવી ચહેરા પર થી
સંગ્રામ માં છવાયું સન્નાટા જેવું
એની માંજરી આંખો ને જોતા જોતા
પગ લપસ્યો, મેં ન જોયું, ખાબોચિયા જેવું
અમસ્તી ઔપચારિક વાતો જ હતી
મને સંભળાયું એમાં કોયલ ના ટહુકા જેવુ
પૂછ્યું, કેમ હમણાં કંઈ લખતા નથી?
મે લખી નાખ્યું આવું કંઈક ગીત જેવું
ચાર દશક વીતી ગયા આ દુનિયા માં!
છતાં લાગ્યું એકવીસમુ બેઠું હોય એવું
અડધું ગીત જાણે આમનામ ગાયુ
ને' શરૂ થયું છે હવે સંગીત જેવું
હું પણ જાણું, ને એ પણ જાણે, કંઈક છે
બે નોખા મણકા માં - એક દોર જેવું
એણે હૈયા માં દફનાવી રાખેલું છે
કંઈક ઉડવા મથતા અરમાન જેવું
મેં વાંચ્યા એમને ચોપડી ની જેમ
એનું વર્ણન થઈ શકે ગઝલ જેવું
મેકઅપ ના થથેડા થી નથી અંજાયો
એની અંદર છે કંઈક હૂંફ જેવું
હું ઝળહળવા લાગ્યો છું દીવા ની જેમ
ડર લાગે છે – એ મારે નહી ફુંક જેવું
એવું ખાસ કઈ છે નહી છુપાવવા જેવું
ફરી મળે ત્યારે કહી દેવું છે, કહેવા જેવું
તું કોઈ સૂફી કે સંત તો છો નહી 'ધવલ'
અને એમાં કંઈ છે નહી પાપ જેવું
-ધવલ
