Kanavu kavithaigal

01/03/2026

தமிழ் என் பேச்சு
அதுவே என்மூச்சு!

ரோகிணியின்
கனவுக்கவிதைகள்
என்ற யூ ட்யூப் சேனல்
ஆரம்பித்துள்ளேன்

ஆதரவு தருமாறு
கேட்டுக்கொள்கிறேன்.

21/10/2025

ஆசைப்பட்டு எழுதிய கவிதை,
ஆசைப்பட்டு படித்து ரசியுங்கள்,

....... இப்படிக்கு
ரோகிணிகனகராஜ்.

08/01/2025

சிகரம் பவுண்டேஷன்
240கவிஞர்கள் எழுதிய
கவி விடு தூது நூலிற்காக
எனக்களித்த விருது,
சான்றிதழ்.

28/11/2024

ஈரடியில் உலகை அளந்தான் வாமனன்!
ஈரடியில் தமிழை
அளந்தான்
வள்ளுவன்!

22/01/2024

கவிநானூறு குழுவில் நான் ஐந்திணை பாவலர் விருது
பெற்றதற்கு
மிக்க மகிழ்ச்சி
அடைகிறேன்

04/09/2022

அழியாத இயற்கை – கவிதை
மரக்கூந்தலிடையில்
விரல் நுழைத்து
தலைகோதும்
சூரியக் கதிர்கள்…

சிரித்தோடும் நதிகளிலும்
சிறு புன்னகை பூக்கும்
குளங்களிலும் முகம்
பார்க்கும் நிலவின்
பிரதிபிம்பங்கள்…

காற்றுடன் கரம்கோர்த்து
காதலியைத் தேடும்
கண்கவர் பட்டாம்பூச்சிகள்…

சிரித்து மலரும்
சிறுபூக்களின் மேல்
சில் வண்டுகளின்
முத்தத்தின் சத்தங்கள்…

வெள்ளிமணி நீர்த்துளிகள்
துள்ளி துள்ளி விளையாடும்
மலையருவிகள்…

மந்திகளுக்குத்
தாவி விளையாட
மைதானங்களாகும்
மரக் கூட்டங்கள்…

நிலவுக்கும் வானுக்கும்
நித்தியபூஜை நடத்தும்
விண்மீன் கூட்டங்கள்…

கடலென நினைத்துக்
கால் நனைக்கும் நதிக்
கரையோர மூங்கில்
கூட்டங்கள்…

இயற்கை ரசிக்க ரசிக்க
இன்பத்தின் ஊற்றுகள்!
இயற்கையில் எல்லாமே
அன்பின் பரிமாற்றங்கள்!

இயற்கை
மனிதன் அழிக்கக் கூடாத
மனிதனால் அழிக்க முடியாத
அமரத்துவங்கள்!

ரோகிணி கனகராஜ்

04/09/2022

ரோகிணிகனகராஜ்

காதலன் கரம் பற்றி

வளைய வரும் காதலியென

என் கைபிடித்து என்னை

மலையுச்சிக்குக் கூட்டிச்

சென்றது ,வாழ்வின் விரக்தி…

கீழே பார்த்தபோது,

பாறைகளின் படுக்கை

விரித்து மரணப் பெண்

என்னை வா வாவென

அழைத்தாள்…

குதிப்பதற்கு முன்

மலையுடன் ஓர் ஒத்திகை…

உன்பெயரென்ன?

மலையும் திரும்பக் கேட்டது…

நீ ரொம்ப அழகு!

மலை திரும்ப மூன்றுமுறை

அதையே கூறிற்று…

நான் உன்னைக்

காதலிக்கிறேன்! மலையும்

திரும்ப மூன்றுமுறை

நான் உன்னை காதலிக்கிறேன் என்றது…

என் விரக்தியை

மரணப் பெண்ணுக்கு

இரையாக்கிவிட்டு

இப்போது நான்அரங்கேற்றம்

செய்யத் தொடங்கினேன்

மலை மீதான என்

காதலையும் கொஞ்சம்

கவிதைகளையும்…

18/08/2022

I happily inform you that I have
Published an Ebook"Oru
Nanthavanamum
Sila kallichedigalum'"
Kavithaigal in Amazon Kindle
Pl read and support.

31/08/2021

31/08/2021

04/05/2021

🌹__பொல்லா(ள்ளா) ட்சி🌹
_______________________________
கன்றுக்குட்டிகளை
காமக் கத்திகள்
கொண்டு
கழுத்தறுக்கும்
கூட்டங்கள்....

மலராதபூக்கள்
மரணிக்கும்
சம்பவங்கள்...
வஞ்சித்தவர்களுக்கு
வக்காலத்து
வாங்கும் கூட்டங்கள்
வஞ்சிக்கப்பட்ட வர்களுக்கு
வாதாடும்
கூட்டங்கள்..
எல்லாக் கூட்டங்களும்
இங்கே உண்டு
என்னவாயிற்று?
ஒன்றும் நடக்கவில்லை

புதிதாக பிரச்சனை
பிறக்கும்
பழைய சோறு
மக்களுக்கு
புளிக்கும்..

பசுமையான
இலைகள்
தழைக்கும்
பழைய தான
சருகுகள்
காயும்..
உதிர்ந்து போன
சாம்பலால்
உபயோகம்
ஒன்றுமில்லை
கொள்ளிக்கட்டை
எரிந்தால்தான்
கொடுங் காட்டில்
பயணம்...
மக்கள் மனம்
எரிந்தால்தான்
மங்கையர்க்கு
நியாயம்...
எந்த ஆட்சி
வந்தாலென்ன
இனி
பொள்ளாட்சியும்
வேண்டாம்
பொல்லாட்சியும்
வேண்டாம்... 🌹🌹

26/04/2021

🌹🌹அனிதாவிற்கு ஓர் அழைப்பு.
_____________________________________
உன் மரண நிழலில்
இளைப்பாற இன்னும்
எத்தனை பேர்
உன் போன்று?

கலாம் கனவு
காண சொன்னார்..
கள்ளிச் செடிகள்
முளைக்குமிடத்தில்
கனவுப்பூக்கள்
எப்படி மலரும்?

சிறகொடிந்த கிள்ளை
போல் கிடந்தாய்
நீ அன்று..
அவர்கள் வீட்டு
அடுப்பெரிய
உன்வீட்டில் விறகு
தேடினார்கள்
அரசியல்வாதிகள்!

நீ மறு ஜென்மம்
எடுத்து வா
மருத்துவனாக அல்ல
மந்திரியாக..
மருத்துவனென்றால்
உன்கனவு உனக்கு
மட்டுமே சொந்தம்,
மந்திரியென்றால்
இந்த தமிழ்நாடே
மருத்துவத்திற்கு
சொந்தம்.🌺🌺🌺
_______________________

கொரோனா முத்தம்🌹🌹
___________________---

முள்முடி தரித்த
முடிசூடா வேந்தனே!
கொடுங்கோல்
கொற்றவனே!
உருமாறி உருமாறி
உலகை ஆள்பவனே!
உன் முத்தங்களால்
முற்றுப்பெறுவர்
பலருண்டு இங்கே..
நீ முற்றுப்பெறுவது
எப்போது? ♥♥♥
_______________________