20/05/2024
പി ഐ ചെറിയാൻ കുഞ്ഞ്, എം വി സുരേന്ദ്രൻ അനുസ്മരണം സംഘടിപ്പിച്ചു
നായത്തോട് നവയുഗ കലാസമിതിയുടെ മുൻ ഭാരവാഹികളായിരുന്ന പി ഐ ചെറിയാൻ കുഞ്ഞ് , എം വി സുരേന്ദ്രൻ എന്നിവരെ അനുസ്മരിച്ചു. കലാസമിതി മന്ദിരത്തിൽ ചേർന്ന അനുസ്മരണ യോഗം കെട്ടിട നിർമാണ തൊഴിലാളി യൂണിയൻ അങ്കമാലി ഏരിയാ സെക്രട്ടറി പി വി മോഹനൻ ഉദ്ഘാടനം ചെയ്തു. കേരള എൻ ജി ഒ യൂണിയൻ ആലുവ മുൻ ഏരിയ സെക്രട്ടറി ടി കെ പത്രോസ്, മുൻ നഗരസഭ ചെയർമാൻ കെ കുട്ടപ്പൻ, പുരോഗമന കലാസാഹിത്യ സംഘം ജില്ല ജോയിന്റ് സെക്രട്ടറി ഷാജി യോഹന്നാൻ, കേരള എൻ ജി ഒ യൂണിയൻ മുൻ ജില്ല കമ്മിറ്റി അംഗം കെ ആർ ഷാജി, സി പി ഐ എം സ്കൂൾ ജംഗ്ഷൻ ബ്രാഞ്ച് സെക്രട്ടറി എം എൻ വിശ്വനാഥൻ എന്നിവർ സംസാരിച്ചു. നവയുഗ കലാസമിതി പ്രസിഡന്റ് രഥീഷ്കുമാർ കെ മാണിക്യമംഗലം അധ്യക്ഷത വഹിച്ചു. കലാസമിതി സെക്രട്ടറി പി എൻ രാധാകൃഷ്ണൻ സ്വാഗതവും വൈസ് പ്രസിഡന്റ് രാഹുൽ രാമചന്ദ്രൻ നന്ദിയും ആശംസിച്ചു.
