05/03/2026
ഓരോ തവണ ആ കാർഡ് കയ്യിലെടുക്കുമ്പോഴും നെഞ്ചിടിപ്പ് കൂടും. പ്രാർത്ഥനകൾ മന്ത്രിച്ചുകൊണ്ട്, കണ്ണുകൾ ഇറുക്കിയടച്ച്, വിറയ്ക്കുന്ന കൈകളോടെ ആ ഫലത്തിനായി കാത്തിരിക്കും. പക്ഷേ, ഓരോ തവണയും വെളുത്ത പ്രതലത്തിൽ തെളിയുന്ന ആ ഒറ്റവര എന്നെ നോക്കി പരിഹസിക്കുന്നതുപോലെ തോന്നും..
ഈ ഓരോ കാർഡും എന്റെ പ്രാർത്ഥനകളുടെയും, കണ്ണീരിന്റെയും, ഒരിക്കൽ മാറിൽ ചേർത്ത് പിടിക്കാൻ കൊതിക്കുന്ന എൻ്റെ കുഞ്ഞിനായുള്ള കാത്തിരിപ്പിന്റെയും അടയാളങ്ങളാണ്. 'ഇത്തവണ ശരിയാകുമെന്ന്' മനസ്സിനെ
പാകപെടുത്തും
ഒറ്റവരയിൽ തുടങ്ങി ആ നിമിഷം അസ്തമിക്കുന്ന എന്റെ കുഞ്ഞു സ്വപ്നങ്ങൾ... ആ നിമിഷം അനുഭവപ്പെടുന്ന ശൂന്യതയും നെഞ്ചിലെ ഭാരവും പറഞ്ഞറിയിക്കാൻ കഴിയില്ല.
മറ്റുള്ളവർക്ക് ഇതൊരു പ്ലാസ്റ്റിക് കഷ്ണം മാത്രമായിരിക്കാം, എന്നാൽ എനിക്ക് ഇത് ഓരോ തവണയും തകരുന്ന എന്റെ സ്വപ്നങ്ങളാണ്. എങ്കിലും, എന്നെങ്കിലും ഒരിക്കൽ ആ കാത്തിരിപ്പിന് വിരാമമിട്ട് ദൈവം ആ രണ്ട് വരകൾ സമ്മാനിക്കുമെന്ന നേർത്തൊരു പ്രതീക്ഷ ഇന്നും ബാക്കിയുണ്ട്."☻
8 വർഷമായി ഇതാണ് എന്റെ വിധിയും കാത്തിരിപ്പും
