Zoa ralte

01/09/2026

I got over 1,250 reactions on my posts last week! Thanks everyone for your support! 🎉

27/08/2026

Nepal-China border a tuilian rapthlak tak kha.

Nilaini khan China leh Nepal ah tui lian rapthlak tak a thleng a, mi 160 chuang an thi tawh a, a zat hi a la pun zel dawn. Mi bo 100 chuang an la awm avangin. Nepal Prime Minister chuan zawn hna an la thawh zel thu an sawi.

Video rapthlak tak ah khan Nepal-China border ah tui lian nasa tak leh rapthlak a thlenga, khaw thenkhat phei chu chirh diak in a chilh pil vek a. Leimin in China lam Gyirong port a nuai chhe bawk.

Ram dang mi(tourist)300 chuang an bo a, chung zingah chuan American mi 47 tal an tel, Nepali official ten AP news hnenah an hrilh. He lai hmun hi Mount Kailash pan na kawng lar tak a ni a, Hindu, Buddhist, Jain leh Bonpo sakhua ten an ngaihhlut em em tlang a ni.

He chhiat na thlen chhan ni a an hriat chu, leimin nasa tak in Bhote Koshi lui a fin a, China atangin Nepal lam ah tui nasa tak a luang thla ta a ni. Scientist thenkhat chuan glacier (vur tlang lian tak) a kheh a, hnuai lam ruam ah a tla thla a, chu chuan leimin a siam belh a, a ti zual sauh niin an ring a ni.

26/08/2026

He CCTV footage i hmuh hi *vawiin August 26, 2026 dar 9:00 vel* a mi a ni.

A thlenna hmun hiNepal leh China inrina, *Rasuwagadhi border*. He video hi China lam a awm Immigration office atanga lak a ni. A hmun hi China chuan *Gyirong Port* an ti.

Tui lian nasa tak a lo thleng thut. He CCTV ah hian office chhung atangin tui nasa tak in a rawn lut, kawngpui zawh zawhin a lian nghal vak mai a. Mihring te an tlan chhia te pawh hmuh theih.

China lam a nuai hmasa a, chumi hnu ah Nepal lam *Timure leh Syapru Besi, Rasuwa District* ah a kal chho a, khua a nuai chhe vek.

- Mi 8-9 thi tawh, mi bo 100 chuang
- Tourist 291 bo, Indian mi 105 telin
- In, lei, motor 100 chuang, Hydel project te a la bo vek
- Helicopter pawh a tum thei lo, tui a la lian lutuk
- Tui lian dang a lo kal leh thei a ni an ti, a chunglam ah tui a la tang tlat ani.

He thil thlen chhan ni a an hriat chu. Lung leh vur tang kawp a lo tla thla thut a, glacial lake a keh emaw lirnghing 4.4 a awm hnu lawk a ni bawk. Bhote Koshi lui a ni.

A rapthlak takzet a ni. He border ah hian nik*m pawh khan tui lian nasa tak a awm tawh bawk.

10/07/2026

08/07/2026

*SURYAPUR, WEST BENGAL-A NAUPANG K*M 12 MI THIH NA THIL THLEN DAN AVANGIN POLIS IN SPECIAL INVESTIGATION TEAM (SIT) AN DIN*

*SURYAPUR, WEST BENGAL, July 6, 2026* : Suryapur, Baruipur khawchhung tuihna bulah Sunday khan naupang hmeichhia k*m 12 mi ruang hmuh a ni a. He thil thleng avang hian sorkar leh polis ten chhui chianna rang tak in an tan nghal a ni. A hmasa lama an chhuichian dan atangin, gang-rape leh inthah na ni a an hriat chungchangah fimkhur leh rang taka chhuichianna kalpui turin polis chuan Special Investigation Team (SIT) an din ta a ni.

Naupang k*m 12 mi thihna chungchangah hian mi 4 man an ni tawh a,local political worker Shantanu Mandal chu thu zawh fiahna nei turin man a ni bawk.

Forensic lam in an thil chhar khawm, mit a hmuten an sawi leh dan kengkawhna rang tak a kalpui tur in Special Investigation Team (SIT)a bik ruahman a ni a. Buaina nasa zawk a chhuah avangin central force te pawh state polis te nen thuneihna neih tirin, boruak an tu dai thei a ni.

Naupang ruang hmuh a nih hnuah mipuite an thinur nasa hle a. He buaina chhungchang ah hian Indrajit Tanti tih mi pakhat chu mipuiin an sawisa a. Polis ten damdawiin an panpui hnuah a hliam tuar lo in a boral zui ta a ni.

Polis hotute chuan he thih na hi na tak a an dem thu leh ,mipui thinrimna chu hriatthiam thu an sawi a mahse, dan kengkawh lo va mi k*t thlak leh chhui chianna kal lai a ti buai hle a ni, an ti. He (lynching) dan kengkawh lova mipui k*t thlak thilah hian dan bawhchhe tute hriat chhuahna turin chhui chianna rangtak a kalpui mek a ni bawk.

Sorkar leh polis hotute chuan naupang chunga thil pawi titu te hi tumah dimdawina a awm dawn lo, tiin mipuite an hrilh a ni. Special Investigation Team(SIT )chhui lai tluang taka kal theihna turin mipuite puihna pe tura ngen an ni bawk a, danin a phu anga hremna pek a nih theihna turin dan kawngpui zawh tir turin an ngen bawk.

Forensic report leh dan kengkawhna chungchangah thu thar hriat tur a awm leh hunah hriattir nghal a ni ang.

_He thu hi Monica Gogoi, Staff Reporter ANC, Dispur-in a ziah a ni.

Follow ve la..

08/07/2026

L

Send a message to learn more