28/08/2026
Zankhat ka gil hong kial dihdih in, inn nuai tuak suk in seven eleven sai khat ah khauhsuai b**g lei ding ka pai leh counter tu gammipa in gamdang mi na hiam hongci a himah ing Kawlgam mi hing ka cihleh, hia khuambul tupa a tut zawh sawtlua ta. Amahzong kawlgam mi mah hihtuak bang lungkhamna nei ahitam zudawn in phone pau in a khitui luangluang. Na ciahpih thei tam maw hong ci dihdih a, aww na hopih sin ning ci in ka pai phei a, kawlgam mi maw nang ka cihleh himah ing nang U Pau hilomaw hong na ci seisai hi. He himah ing. Bang lungkhamna nei a, koi ah om nahia? Khuazan luata ciah ni kong kha dia ka cihleh? Kei Mali kong tun kum3 val deuh hipan. Nasep hong guan puaisa(namdang mi) ten gamsung ah hong puak uh in, khasum lah hong ki pialo. Hong na kizuak dan na hi. Tun khuasung ah ansai ah ka sep kha1 cing pan. Ka khasum san tawh ph lei in innlam ka Nu te tawh a kiho hi ing hong ci. Inn phone ka hopih a, Nu ka cihleh ka Nu in ka aww tawh hongthei ziau. Boih nang a tatak mah maw? Kum3 sungbang na thu ka zakloh uh teh hong nusia khin hi niteh ci a ko hong na vui bawl khin hi ve ung, nang silo maw boih ci in nuam si hang e a cih kawmkawm in kap cihtak kap tuak ung ci. Nu ka Zi e Kimnu e adam hia? Kimnu tawh kiho nuam ka cihleh ka Nu nakpitak hong kap sem zawlai a, Kimnu maw boih Kimnu amah,… nang na hopih ve maw hongci in a contact hongpia a kenzong Kimnu ka call pah leh nang a si khin hilomaw U Thawn. Na puaisa(eimi hilo) un lamkal ah mawtaw ki b**g a suakta omlo cihdan a thu na za ung a, i Nu in Kimnu aw nang khangno lai hiteh bangbang zong na belh theih ding mi zong in kei kahihleh ka ngak ding ka tapa zong om nawnlo. Zong a tekta hi ing. Kei kia om zong nuamsa zaw mai ing. Na lawm ding zong in maw hong cih thithe teh ken lawm dang na nei ing a, tun ka sung ah nau kha3 phata hiven hong cih kawm in nakpitak hong kap. Ken nong ciah kik khatam ka cih kawmkawm in kum2 vilvel hong ngak lai hiveng U Thawn hongci. Keizong ka pau ding kammal omlo hiven kaplo ding ka cih hang ka khitui kikhaam zolopi hong ci in, a thu gen a za kei na tawm ka dip ngek hong na ka awm hong bing ka omdan ding bang ka thei kei liang hi. U Thawn hong ngai mahmah ing. Ei gel a ding Sian zing vaihawmna hih ciang hinteh mate, nong it takpi leh hong hopih nawn kei in maw hong ci in a phone hong khiatsan hong ci. Lungnuam kei lua ei khuazan luata in bangbang zong denteh pu te khawng hong ki leh henla hong man se le uh nang awlmawhlo maw ka na cihleh, U Sawbua ka pianzia teng kong gensa hi. Kei a sikhin zong hong kivui khin hiven. Bang ka awlmawh ding om ahia? Ka Zi inlah hong taisan khin. Thawn na awlmawh ding na Nu damlai. Hih veng a om i mipih numei naunen a kipan hong awlmawh pih in. I khuahun hoihlolua. Migina lo khat hang in na Innkuan na mailam a nawngkai pi a suah mah bang in nang omdan siam loh hang in innkuan tampi mailam nawngkai tuam sak khathei hiteh nang leh nang zong ki awlmawh in ka ci hi. Ka thu gen ong sang siam in a tutna pan hong dingkhia a, ciah ni eile U Pau hong ci in ka nung hong zui hi. Hiah na ngakpak o ka zunsuaklua peuhmah dihdih sai ah zun a kitha thei diam va d**g pak ning ka cih kawm in ka tai kawm saisai hi. Ka ph la in nai ka et leh zingsang nai 4 na sat khin a, keizong zuntha suak in ka mang aw e ka lung nuam ki si e maw ka cih kawm in ka puanza kaito in ihmut kik ding ka hanciam hi!
