Kumpulan Sisindiran Urang Sunda

17/03/2026

Ngadon saee di kang asep
Tirakat nyandak berkahna,,
Romadon tos bade seep
Tong hilap zakat fitrahna..

24/10/2025

03/06/2025

*Ngangon meri diwahangan
Tengah peting tas nyisiran,,
*Atos lami teu nepangan
Tara mosting sisindiran..

*Ti aparigi ka cimerang
Mawa baki isi semur,,
*Mugi wargi dararamang
Ageung rizki panjang umur..

19/05/2025

Assalaamu alaikum…
Jamura nu geus melenting,
wang tilasan saban ranting.
Hampura can bisa mosting,
pan seueur urusan penting.



🙏

23/09/2023

*kapasar mawa kabaya
Sisi lamping aya meja,,
*kumaha kabar baraya
Sepi jempling taya beja..

13/03/2023

taqabballahu Minnaa Waminkum Taqabbal Yaa Karim 🙏🙌🙌

01/05/2022

*Ngahariring sisi sawah
Katembong sorana peura,,
*Mun simkuring seueur salah
Hoyong neda di hampura..

*Kajen leueur karaosna
Tapi beda ka kalerna,,
*Mun Anjen seueur artosna
Abdi neda te ha er na..

Wilujeng tepang boboran syiam 1443 H
Taqoballahu minnawaminkum
Minal aizin walfaizin..
Ti sadayana member Kumpulan Sisindiran Urang Sunda

28/03/2022

*Ka cimacan ngais sarung
Balikna mawa saninten,,
*Sateuacan sasih saum
Abdi neda dihapunten..

*Tikukur macokan lumut
Marab anakna ku empal,
*Ti luhur sausap rambut
Kahandap sausap dampal...

🙏 Ayi

09/03/2022

*Balik ngajul kembang tanjung
Bari ngala naga sari,,
*Ngimpi tepung jeung si jangkung
tara
-tara ti sasari..

*Lauk cucut lauk emas
disair ku lambit jaring,,
*Matak lucu matak waas
*Matak nyuat ati kuring..

03/01/2022

*Karungkup ku daun seureuh
Kembang pare mani baseuh,,
*Najan hirup ukur meujeuh
Mangkadé Iman sing pageuh..

*Ka kulah neangan careuh
Kaluhur ningal nu nabeuh,,
*Ulah ngewa ulah geuleuh
Kabatur sing mikadeudeuh..

*Ngala tutut keur di sayur
Kalah dahar sareng bubur,,
*Ngarah hirup hente kufur
Moal sompral jeung takabur..

dulur...
pribados seueur kalepatan..

03/01/2022

*Leumeung teundeut cocongoan
jalanna ka rajagaluh,,
*meungpeung deukeut sosonoan
jaga mah urang pajauh..

Kumaha daramang atuh?