18/08/2026
jacky同gthan 又告一段落。
前排同friend傾我哋演戲。演嘅時候清楚大家嘅情感或者大家嗰個magic moment。演完之後，可能過一排再睇返嘅時候，感覺會好模糊，覺得係咪真係有做過呢樣嘢或者已經唔記得嗰陣嘅嗰一個感覺係啲乜嘢，但明明之前就係演過。不過當時嘅感受，一定係最多同最豐富。
即係我哋演戲嘅同時，都係我哋本身嘅生命。一cut機或者舞台劇做完嗰一剎那，你又會去返原本嘅現實，但其實你經歷緊嘅都係你自己生命嘅一部份，亦都可能係演戲魅力嘅所在瓜。
對觀眾嚟講，入嚟享受兩個鐘嘅故事體驗，之後可能係觀眾茶餘飯後嘅話題，然後過多幾年或者十幾年已經唔會記得。但對我哋嚟講，一個演出或者一套戲嘅拍攝就係我哋生命嘅一部份，亦都係每一個人獨有嘅生命痕跡，我哋經歷緊唔同嘅生命同時都經歷緊自己嘅生命。
或者就算模糊都好，有啲記憶keep住個人都實淨啲啦。and下次再接再厲，add oil。
The Odyssey, Helen of Troy
