11/09/2026
織園並不是冷舖
新朋友應該唔太清楚織園係做咩😅
Weave Yard已經開咗十年，本店比較低調所以無咩人知😅， 一直有follow 開嘅朋友都會知道打從一開始係教織布織頸巾為主，自己織做布料再製作成品， 所以工作室會儲存一大堆冷線， 數量多得驚人（呢個我知😅）， 因為太多線手腳又慢， 織布速度又唔夠快， 不能消化現存毛線， 無位放新買嘅冷線，舊嘅唔去新嘅唔嚟原則， 所以開始一個燒線行動，就係鈎織冷衫/頸巾，鈎織係最快可以燒哂啲冷🤭， 務求盡快清冷， 同時又可以滿足我嘅奇怪創意欲，中意整誇張但係自己唔會用嘅作品， 先會出現另一課程-鈎織班。
原意係諗住做啲特別頸圍頸巾， 不浪費剩餘冷線， 做出嚟嘅作品受到各位喜愛，又可以同大家share 創意理念， 所以有鈎織課程嘅出現。
揀選毛線嘅準則係每款入少少， 每款線要奇特， 毛線係款多量少， 就係因為咁而令到大家誤以為織園（有個織字😂）係賣冷舖頭🤪
重申：織園並不是冷舖！ 無冷賣無針賣。
呢度可以話係一個聚腳地， 聚埋一班人織吓嘢吹吓水講8婆嘢😂， 同埋有地方滿足我嘅創作。
織園純粹係一個墟🤣
歡迎大家得閒嚟吹吓水😂😂
記得嚟之前WhatsApp 我
