Shella Lau Watercolor

Shella Lau Watercolor 香港水彩畫家Shella Lau
設有恆常班/工作坊/單堂預約班
歡迎查詢
主要經營instagram ，會更新更多資料。
(1)

🌸日本鄉間嘅夏日明信片🌸仲記得舊年去日本，撞正呢個畫面——一間古色古香嘅茅草屋，靜靜咁企喺後山下面，前面成片綠色😂😂我決定將佢畫到花開到燦爛，紅紅黃黃。我特登用水彩留低呢一刻。改埋個天氣，都係好太陽嘅景吸引啲😎茅草屋頂用層層疊疊嘅綠去畫，前...
07/06/2026

🌸日本鄉間嘅夏日明信片🌸

仲記得舊年去日本，撞正呢個畫面——一間古色古香嘅茅草屋，靜靜咁企喺後山下面，前面成片綠色😂😂我決定將佢畫到花開到燦爛，紅紅黃黃。

我特登用水彩留低呢一刻。改埋個天氣，都係好太陽嘅景吸引啲😎茅草屋頂用層層疊疊嘅綠去畫，前面啲花就靠留白同點彩。

你哋有冇去過咁治癒嘅日本鄉郊呢？快啲喺留言話我知，記得收藏定喺心情靚嗰陣再翻睇返🤣

Watercolor on paper
18 x 26 cm

#水彩畫 #日本鄉村 #手繪 #旅行寫生

Watercolor on paper18 x 26 cm試吓唔用留白膠去處理前面堆草
05/06/2026

Watercolor on paper
18 x 26 cm

試吓唔用留白膠去處理前面堆草

今次旅行買嘅畫具🤩唔算多😮‍💨😮‍💨其中最特別嘅係Holbein新出嘅Pearl系列，同埋買咗啲新嘅水干色粉。之前買嘅濃群綠唔識買咗no.5, 今次買返no.12😆新買嘅藍群青好靚，有啲似薰衣草紫，期待整出嚟咩色。其他有啲就係未用過嘅紙，見...
25/05/2026

今次旅行買嘅畫具🤩唔算多😮‍💨😮‍💨
其中最特別嘅係Holbein新出嘅Pearl系列，同埋買咗啲新嘅水干色粉。之前買嘅濃群綠唔識買咗no.5, 今次買返no.12😆新買嘅藍群青好靚，有啲似薰衣草紫，期待整出嚟咩色。
其他有啲就係未用過嘅紙，見佢個面幾靚，所以買咗😂買咗唔同嘅白色highlight 筆，睇吓邊枝好用。幫學生買咗支水彩嘅varnish, 唔知效果如何。係睇展覽隔離間「青柳堂」買咗兩枝毛筆，睇吓同香港嘅有咩唔同。

Shopping 最開心🥳

#水彩 #工作坊香港 #香港畫室

2026 年6月一般工作坊嚟到6月，安排咗四張作品俾大家😚有易有難，有海有花有樹有貓有雪，任君選擇。最啱新手同學嘅有「海風」作品，原作品係大小13.5 x 9cm， 係工作坊堂上，我哋係會畫返27 x 19 cm嘅紙，將佢放大。隨意嘅紅色花...
13/05/2026

2026 年6月一般工作坊
嚟到6月，安排咗四張作品俾大家😚有易有難，有海有花有樹有貓有雪，任君選擇。

最啱新手同學嘅有「海風」作品，原作品係大小13.5 x 9cm， 係工作坊堂上，我哋係會畫返27 x 19 cm嘅紙，將佢放大。隨意嘅紅色花，配上藍綠色嘅海面，加上左右搖擺嘅草叢，彷彿有陣海風迎面吹來。

作品「小徑」，參考圖片來自意大利。當時同畫友一齊經此地向山上行，巧遇小貓，就影低咗。作品細節位比較多，較花時間。左邊牆都算挑戰位，同學唔好亂擦😆鍾意幫呢啲小徑添上光影分明嘅氣氛，所以光暗位要處理適當。作品適合有經驗同學。

屬於三星作品嘅「冬景」，本身並不是設計嚟教學生嘅，所以係筆跡上都比較隨意，選紙上亦都同平時不一樣。同學會略有難度。有見及此，只開一堂🤣🤣

最後，好耐無出現嘅🌟🌟🌟🌟作品為「涌浪」。話說，畫呢張作品嘅前期，我已經知道不能夠用嚟做工作坊🤣🤣🤣當時，我停止咗繼續畫落去。後來諗諗吓，其實唔係我畫得唔好，係對學生嚟講，會有難度，但係我係可以繼續畫落去，可能會係張唔錯嘅作品。如是者，我就用自己嘅方式，處理咗佢。今次推佢出嚟，係因為我知道會有學生想挑戰吓😌但恕我直言，並不建議新手或只有少許經驗同學報名。

難度排列：「海風」

🙌🏻🙌🏻🙌🏻
11/05/2026

🙌🏻🙌🏻🙌🏻

Watercolor on paper26 x 18 cm呢排post 太多綠色畫作。Post 吓啲其他顏色先😌呢張作品上年秋天畫嘅，又係果啲原本諗住做工作坊嘅畫😂😂 #水彩
07/05/2026

Watercolor on paper
26 x 18 cm

呢排post 太多綠色畫作。Post 吓啲其他顏色先😌
呢張作品上年秋天畫嘅，又係果啲原本諗住做工作坊嘅畫😂😂

#水彩

Watercolor on paper27 x 19 cm畫返上年5月去日本旅行影嘅相，呢度應該係箱根神社。其實之前都畫過箱根神社㗎！唔知有冇同學記得😂😂仲開過workshop 添😌 #箱根神社 #水彩画
04/05/2026

Watercolor on paper
27 x 19 cm

畫返上年5月去日本旅行影嘅相，呢度應該係箱根神社。其實之前都畫過箱根神社㗎！唔知有冇同學記得😂😂仲開過workshop 添😌

#箱根神社 #水彩画

第二張寫生去咗保定古蓮花池。建築物好多顏色，好靚，相信長蓮花時更靚。整個公園有樹、有建築物、有水，非常好畫。行咗一圈，影咗好多張reference photos 先坐低慢慢畫。不過正值柳絮飄時間，畫完隻調色盤遭殃了😩多謝joy in art...
30/04/2026

第二張寫生
去咗保定古蓮花池。建築物好多顏色，好靚，相信長蓮花時更靚。整個公園有樹、有建築物、有水，非常好畫。行咗一圈，影咗好多張reference photos 先坐低慢慢畫。不過正值柳絮飄時間，畫完隻調色盤遭殃了😩
多謝joy in art 和保虹紙廠安排行程。

Address

觀塘新城工商中心
Kowloon Bay

Opening Hours

Tuesday 10:30 - 23:00
Wednesday 10:30 - 23:00
Friday 10:30 - 23:00
Saturday 10:30 - 23:00
Sunday 10:30 - 23:00

Website

Alerts

Be the first to know and let us send you an email when Shella Lau Watercolor posts news and promotions. Your email address will not be used for any other purpose, and you can unsubscribe at any time.

Shortcuts

Share

Category