11/09/2026
【開學季繪本推薦】
陪小朋友邁出勇敢第一步，從安頓心靈到學會相處 🏫✨
開咗學已經一段時間，各位小朋友習慣咗返學嘅節奏未呢？👧🏻🧒🏻
由適應新環境、面對離別嘅不安，到學習點樣同新朋友相處、表達情緒，對小朋友嚟講都係好大好大嘅挑戰。我哋精選咗 7 本繪本（@天后繪本閣），特別適合爹啲媽咪同小朋友一齊共讀，透過溫暖嘅故事，陪伴小朋友一步步建立自信同安全感！🧡💬
💡 親子共讀小貼士： 共讀時，可以多問孩子：「如果你係故事裡嘅角色，你會點做呢？」給予孩子充份表達嘅空間，聽聽佢哋喺學校嘅點滴！
#繪本 #親子共讀 #開學 #親子
🐣 《開學日》｜帶着期待與好奇，踏入校園新世界
「新同學會係點嘅樣呢？」
充滿童趣嘅香港原創繪本！以鳥兒學校開學為背景，跟住主角鴉鴉發揮想像力，將開學嘅不安轉化為對新朋友嘅期待，帶孩子感受清新、快樂又充滿希望嘅校園氣氛。
💖 《魔法親親》｜掌心裡嘅溫暖，給孩子面對改變嘅勇氣
「只要握緊手心，媽媽嘅愛就喺你身邊。」
面對第一次上學嘅焦慮，小浣熊媽媽喺奇奇嘅手心留下一個魔法之吻。這本經典繪本將「愛」化為具體嘅安心儀式，有助紓緩分離焦慮，陪伴孩子跨出安心嘅第一步。
🤝🏻《山下同學不說話》｜看見沉默背後嘅努力，學習多元包容
「他不是不說話，而是沒有辦法開口。」
源自作者嘅親身經歷，帶領孩子認識「選擇性緘默症」。透過故事，陪伴孩子學會尊重彼此嘅差異，用善意同耐心看待身邊高敏感、內向嘅同學。
🗣️ 《被欺負了怎麼辦？》｜學會保護自己，建立品格與溝通力
「面對欺負同不公，我可以點樣說不？」
四個可愛小角色以分格漫畫同輕鬆對話，探討分享、守信用與自我保護。附設延伸提問，非常適合親子討論，培養孩子嘅批判思考與社交應變能力。
🎨 《米莎的新朋友》｜打破孤獨嘅勇氣，踏出交朋友嘅第一步
「手作嘅朋友好可愛，但無法陪我玩遊戲……」
米莎擅長手作，卻不知如何融入群體。故事溫柔地描繪渴與人望連結嘅心情，引導內向或害羞嘅孩子睇到內心需求，學會主動建立真實嘅人際關係。
🦢 《別這麼做，會影響別人》｜同理心練習，學會體貼與尊重
「為什麼大家都不想跟我玩？」
吵鬧嘅鵝漢克因為影響他人而漸漸失去朋友，故事以幽默筆觸描繪漢克練習改變、學習傾聽嘅過程。引導孩子理解他人感受，換位思考，建立有禮貌嘅互動方式。
🩷 故事改編為HKCMT繪本音樂劇《搞事鵝》，現正進行招生，3-4歲小朋友有公開舞台演出機會。
💧 《大男孩不哭》｜勇敢表達情感，大人小孩都可以脆弱
「大男孩真的不能哭嗎？」
里維喺返學路上睇見許多勇敢表達情感嘅大人，打破咗「男兒有淚不輕彈」嘅刻板印象。故事鼓勵孩子勇敢接納自己嘅各種情緒，並學會尊重他人感受。
💛 故事改編為HKCMT繪本音樂劇《大個仔唔喊》，現正進行招生，4-6歲小朋友有課堂小展演機會。
