09/05/2026
Ilumoortumik🙌🏻
Aarlerinartuusoraara qaffasissumik atorfilinnit, suut nunatsinnit oqaluttuat aamma isiginnittaatsit oqallinnerni assigisaanilu saqqummiunneqassanersut sunnerniartassappassuk.
Piviusulersaarut Orsugiak - Grønlands Hvide Guld pillugu isummersorluartoqarsinnaavoq, imarisaa isumaqatigineqarsinnaalluni isumaqatiginnginneqarsinnaallunilu. Tassa kiffaanngissuseqarluni ilisimasaqarluarlunilu oqallissinnaaneq taamaattussaavoq. Eqqumiitsuliornerup ilisimatusarnerullu aamma isummat pigisavut unammillerlugillu ineriartortittussaammagit — oqaluttuarisaanitsinni, ullumi siunissamilu paasinnittaasivut ilanngullugit.
Nunani avannarlerni tamat oqartussaaqataanerat, isummersorsinnaaneq, ammasumik ingammillu eqqumiitsuliortut kiffaanngissuseqarnissaat naleqartitatut pingaartinneqartaqaat. Taakku nunatta Danmarkillu akornanni isummat pigiliutiinnarneqarsimasut unammillerneqarneranni aamma atuuttariaqarput. Nunatsinnillu isummavut isumaqatiginngiinnarlugit ipitinniartariaqanngillat.
Piviusulersaarummi naqissuserneqartut pingaarnersaat tassaasoraara Danmarkip nunarput aningaasarsiorfigilluarnikuugaa. Misissuinerit paasisallu saqqummillattaalersut allat aamma taamak uppernarsaallutik. Taamaalillunilu danskit nunatta aningaasartuutaannaneranik isummersortarnerat illuatungilerlugu. Piviusulersaarummi kisitsisit atorneqartut oqallisigineqarsinnaapput, tamanna suliaqartuisa nammineq aamma ersarissaatigiuarpaat. Taamaattoqarnerali isumaqanngilaq pissutsit uppernarsineqartut nipangersarneqassasut.
Nunatta Danmarkillu akornanni naligiinnerulernissaq soqutigigutsigu, taava immitsinnut naalaallaqqinnerusariaqarpugut. Oqallisissat unammillernarsinnaagaluarpataluunniit tusarnaarsinnaasariaqarpugut - aamma isumaqatiginngisatsinnik 🇬🇱
//
Det er bekymrende, hvis højtstående repræsentanter forsøger at påvirke, hvilke grønlandske fortællinger og perspektiver der skal have plads i den offentlige debat.
Man kan være enig eller uenig i dokumentaren ‘Orsugiak – Grønlands Hvide Guld’ og diskutere dens indhold. Det er netop sådan, en fri og oplyst debat skal fungere. Det er det, som kunsten og videnskaben også skal — udvikle og udvide vores forståelse for fortid, nutid og fremtid.
I Norden siger man, at ytringsfrihed, åben debat og kunstnerisk frihed er vigtige fælles værdier. De værdier må også gælde, når fortællinger udfordrer gamle forståelser af forholdet mellem Grønland og Danmark. Grønlandske stemmer må ikke mødes med et ønske om at tie debatten ned, fordi den skaber ubehag eller udfordrer den fortælling, mange har været vant til at høre.
For mig er essensen i dokumentaren, at Danmark også har tjent på Grønland. Sidenhen er andre undersøgelser og historier kommet frem, som ligeledes udfordrer den mangeårige fortælling om, at Grønland blot har været en udgift for Danmark. Så kan man diskutere beregninger, som holdet bag dokumentaren også påpeger, men det betyder ikke, at man skal tie essensen.
Hvis vi ønsker at få et mere ligeværdigt forhold mellem Grønland og Danmark, så må man være nysgerrig på hinanden. Det kræver også plads til svære diskussioner — og mod til at lytte til perspektiver, man måske ikke bryder sig om 🇬🇱
