27/07/2026
ზოგჯერ მეკითხებიან, რატომ ღირს ხელნაკეთი ნივთი იმაზე მეტი, ვიდრე ქარხნული.
პასუხი ძალიან მარტივია 💜
მე არ ვქმნი ნივთებს მასობრივად. თითოეული მათგანი იქმნება ხელით, ეტაპობრივად, სხვადასხვა ტექნიკის შერწყმით, დიდი ყურადღებითა და სიყვარულით.
ჯერ იდეა იბადება, შემდეგ იწყება მისი გაცოცხლება — დამუშავება, დეკორი, შეღებვა, დეტალები, გაშრობა, ლაქი, ყვავილების გამოშრობა, მოხატვა, ზოგ შემთხვევაში ეპოქსიდის ფენები… ეს პროცესი რამდენიმე საათში არ სრულდება. ხშირად მას რამდენიმე დღე სჭირდება.
და მე პირველ რიგში ვქმნი იმას, რაც თავად მომწონს. ამიტომ არც ერთი ნამუშევარი არ არის ზუსტად მეორის მსგავსი. თითოეულს თავისი ხასიათი, ისტორია და ხელით შექმნილი დეტალები აქვს.
ხელნაკეთი ნივთის ფასში მხოლოდ მასალა არ შედის. იქ არის ჩადებული დრო, გამოცდილება, ათეულობით საათის შრომა და ის უნიკალურობა, რომელსაც ქარხნული წარმოება ვერ გაიმეორებს.
თუ ჩემს ნამუშევრებს ირჩევთ, ირჩევთ არა უბრალოდ ნივთს, არამედ ერთ ეგზემპლარად შექმნილ ხელოვნებას.
🤎 მადლობა ყველას, ვინც ხელნაკეთ შრომას აფასებს.
#დამზადებულიასაქართველოში #ხელნაკეთი #უნიკალირი
