12/03/2026
ვახტანგ ჭაბუკიანი • ფრონდოსოს ვარიაცია სპექტაკლიდან “ლაურენსია”
🔥ვახტანგ ჭაბუკიანმა “ლაურენსია” (ლოპე დე ვეგას ნაწარმოების “ცხვრის წყაროს” მიხედვით) იმ პერიოდში შექმნა, როცა საბჭოთა კავშირში დრამატული ბალეტი თითქმის ერთადერთ მისაღებ ფორმად ითვლებოდა. დრამატული ბალეტი ეყრდნობოდა სიუჟეტს, ბალეტის კლასიკური მოძრაობები კი მხოლოდ შინაარსის აღქმას უწყობდა ხელს. “ლაურენსიას” სიუჟეტი – გლეხთა აჯანყება შუა საუკუნეების ესპანეთში – საბჭოთა კავშირის იდეოლოგიისათვის იდეალურ თემას წარმოადგენდა.
🩰ბალეტში ქორეოგრაფმა აბსოლუტურად განსხვავებული სამყარო შექმნა, სადაც კლასიკურ ბალეტთან იყო შერწყმული ხალხური ცეკვის ელემენტები; უმაღლეს მწვერვალზე აიყვანა მამაკაცის ცეკვა და მას გმირულ-რომანტიკული ელფერი შესძინა.
🏛️“ლაურენსიას” პრემიერა 1939 წ. 22 მარტს ლენინგრადის კიროვის სახელობის ოპერისა და ბალეტის თეატრში (ახლა მარინის თეატრი) შედგა. დეკორაციები და კოსტიუმები სპექტაკლისათვის სოლიკო ვირსალაძემ შექმნა. მთავარ პარტიებს ნატალია დუდინსკაია, ვახტანგ ჭაბუკიანი და ტატიანა ვეჩესლოვა ასრულებდნენ.
თბილისის ოპერისა და ბალეტის თეატრის სცენაზე ვახტანგ ჭაბუკიანმა ეს ბალეტი 1948 წ. 14 ნოემბერს გადმოიტანა. ლაურენსიას პარტიის პირველი შემსრულებელი შეუდარებელი ვერა წიგნაძე იყო, რომელიც გამოირჩეოდა სიმსუბუქით, განუმეორებელი ნახტომითა და საშემსრულებლო ტექნიკის მაღალი დონით. უდარდელი, კეკლუცი და მხიარული იყო მისი გმირი პირველ მოქმედებაში, გაბედული, მიზანდასახული და მრისხანე – ბალეტის ფინალში.
⭐️1956 წელს სპექტაკლი მოსკოვის დიდი თეატრის სცენაზე დაიდგა, სადაც ჭაბუკიანის პარტნიორი მაია პლისეცკაია იყო.
🎭თბილისის ოპერისა და ბალეტის თეატრის სცენაზე ჭაბუკიანმა “ლაურენსია” 1979 წელს განაახლა. სპექტაკლის ამჟამინდელი რედაქციის პრემიერა კი 2017 წელს შედგა. ლიბრეტო, ქორეოგრაფიული რედაქცია და დადგმა კი ნინო ანანიაშვილს ეკუთვნის.
🩰სხვადასხვა დროს მთავარ პარტიებს ირინე ჯანდიერი, ლილიანა მითაიშვილი, მარინა ალექსიძე, სვეტლანა გოჩიაშვილი, ლალი კანდელაკი ასრულებდნენ — რომლებიც დღეს საბალეტო დასის პედაგოგ-რეპეტიტორები არიან და ლაურენსიას ახალ თაობებს ამზადებენ თქვენთან შესახვედრად.
———
Vakhtang Chabukiani • Frondoso’s Variation from the ballet “Laurencia”
🔥 “Laurencia” was created by Vakhtang Chabukiani based on Lope de Vega’s play Fuente Ovejuna. The ballet emerged during a time when dramatic ballet dominated the Soviet stage, emphasizing strong storytelling. Its plot — a peasant uprising in medieval Spain — aligned well with the ideological themes of that era.
🩰 In this work, Chabukiani created a distinctive choreographic world, blending classical ballet with elements of Spanish folk dance. He also elevated male dancing to a new artistic level, giving it a powerful heroic and romantic character.
🏛️ The ballet premiered on March 22, 1939, at the Kirov Theatre (now the Mariinsky Theatre). The leading roles were performed by Natalia Dudinskaya, Vakhtang Chabukiani, and Tatiana Vecheslova, with sets and costumes designed by Soliko Virsaladze. Chabukiani brought the ballet to the stage of the Tbilisi Opera and Ballet State Theatre on November 14, 1948. The first Laurencia there was the remarkable Vera Tsignadze, admired for her lightness, exceptional jump, and brilliant technique.
🌟 In 1956, the production was staged at the Bolshoi Theatre, where Chabukiani’s partner was the legendary Maya Plisetskaya.
🎭 On the stage of the Tbilisi Opera and Ballet State Theatre, Vakhtang Chabukiani revived “Laurencia” in 1979. The premiere of the production’s current version took place in 2017. The libretto, choreographic revision, and staging belong to Nino Ananiashvili.
🩰 Over the years, the leading roles were performed by Irine Jandieri, Liliana Mitaishvili, Marina Aleksidze, Svetlana Gochiashvili, and Lali Kandelaki — who today serve as ballet répétiteurs of the company, preparing new generations of Laurencias to meet you on stage.
