17/04/2019
ესმა ონიანის სახელობის კონკურსი ლიტერატურასა და მხატვრობაში
✍️ე ს მ ა
თბილისის მერიის მხარდაჭერით, კინოსტუდია ხომლი აცხადებს თანამედროვე ქართული ხელოვნების გამორჩეული სახელის - ესმა ონიანის სახელობის კონკურსს ლიტერატურასა და მხატვრობაში.
კონკურსის პარტნიორია გამომცემლობა „ინტელექტი“
კონკურსის პირობები
• კონკურსი სამ ნომინაციაში გაიმართება:
პოეზია
ესეისტიკა
მხატვრობა
* კონკურსში მონაწილეობა შეუძლია 18-დან 30 წლამდე ასაკის ნებისმიერ ხელოვანს
* კონკურსის თემაა: „თავისუფლების მკაცრი საკანი“
/თემა აღებულია ესმა ონიანის ერთი გახმაურებული ლექსის სათაურიდან/ მსურველებს ერთი თვის განმავლობაში შეეძლებათ შექმნან ამ თემის მიხედვით ნაწარმოებები;
* საკონკურსოდ წარმოდგენილი ესე არ უნდა აღემატებოდეს word-ის ფაილში შესრულებულ 3 გვერდს
* კონკურსის გამოცხადების თარიღი - 1 აპრილი;
* ნაწარმოებების წარმოდგენის ბოლო - ვადა 1 მაისი.
* 12 მაისის ჩათვლით, ჟიური შეაფასებს ნაწარმოებებს.
* თითოეულ ნომინაციაში გამოვლინდება 5 ფინალისტი
* ფინალისტებს შორის გამოვლინდება 1 გამარჯვებული თითოეულ ნომინაციაში
/საპრიზო თანხა _ 1000 ლარი; სულ სამი გამარჯვებული/
ასევე დაწესდება 1 სპეც.პრიზი
ფინალისტებს გადაეცემათ სხვადასხვა პრიზი
დაიბეჭდება ბროშურა, სადაც შევა 10-10 საუკეთესო ტექსტი (პოეზია, ესე) და 10 ნახატი
პოეზიისა და ესეისტიკის ნომინაციაში, მონაწილეებმა საკონკურსო ტექსტები უნდა გადმოაგზავნონ შემდეგ მეილზე: [email protected]
მხატვრობის ნომინაციაში მონაწილეებმა საკონკურსო ნახატები (ფერწერა, გრაფიკა) უნდა წარმოადგინონ მისამართზე: გ.ტაბიძის 21 საკონტაქტო ტელ: 597 02 82 33, 577 20 10 15
მხატვრობის ნომინაციაში მონაწილე კონკურსანტებს, კონკურსის ბოლოს ნახატები უკან დაუბრუნდებათ.
