19/05/2023
მოგესალმებით ჩვენს გულშემატკივრებსა და აუდიტორიას ❤️ მოვიდა დრო გაგიზიაროთ სიახლე ჩვენს გუნდსა და ორგანიზაციაზე. სამწუხაროდ, ყველა ახალი ამბავი კარგ ინფორმაციას არ შეიცავს, მაგრამ ვალდებულები ვართ არასასურველ რეალობას თვალი გავუსწოროთ და იმ დიდი და საქართველოსთვის საამაყო ისტორიის, ან უბრალოდ შემდეგი თავის დასასრული გაუწყოთ, რომელსაც მონასპა ჰქვია 🇬🇪 😔
თავდაუზოგავი შრომისა და მონდომების შედეგად, ჩვენ შევძელით და დაარსებიდან მე-4 წელს საქართველოს სახელი ელექტრონული სპორტის საერთაშორისო ასპარეზზე გავიტანეთ. შევედით ევროპის 8 საუკეთესო Dota 2-ის გუნდში და ვაჩვენეთ ღირსეული და დასამახსოვრებელი ასპარეზობა. ასობით ათასი ისპორტის გულშემატკივრის ეკრანებზე საქართველოს დროშა ავაფრიალეთ და დავით აღმაშენებლის ელიტარული ორდენის სახელწოდებს და ისტორიას ლამის სპარსი უკვდავები დავაჩრდილინეთ 😅
…მაგრამ ეს ყველაფერი არ აღმოჩნდა საკმარისი ადგილობრივ ბაზარზე ინტერესის გასაჩენად. წარმატების მწვერვალიდანაც ვერ შევძელით ხმის მიწვდენა იმ ადამიანებისთვის, ვინც ჩვენს გვერდით დადგებოდა და მიზნებისკენ სვლაში დაგვეხმარებოდა. ძალიან დასანანი და გულდასაწყვეტია, მაგრამ არასაკმარისი მატერიალური რესურსისა და უსახსრობის გამო, იძულებული ვართ განუსაზღვრელი ვადით დავემშვიდობოთ ჩვენს შემადგენლობას და იმ დიად მიზნებს, რომლებიც წინ გვქონდა.
მადლობას ვუხდით ჩვენს პარტნიორებსა და მხარდამჭერებს, რომლებიც ამ წლების განმავლობაში გვერდზე გვედგნენ და ჩვენი ირწმუნეს. განსაკუთრებული მადლობა კი ჩვენს შეუდარებელ გულშემატკივრებს!
ვერაფერს დაგპირდებით, მაგრამ საუკეთესოს იმედით გემშვიდობებით და ჩვენი ისტორიის ამ ტომს დახურულად ვაცხადებთ. ოდესმე აუცილებლად აღორძინდება ქართული ელექტრონული სპორტი, ისე როგორც ეს ევროპულ ქვეყნებშია და ეს პოსტი იქნება ჩვენი გამგრძელებლის აღმოჩენილი ანტიკური ხელნაწერი, დაე ახსოვდეთ თუ საიდან დავიწყეთ 🇬🇪
პატივისცემით და სიყვარულით, მონასპას ადმინისტრაცია.
გემშვიდობებით 🖤
