23/02/2026
ჩვენ მოვალთ, როგორც პატარა წყარო,
მინდვრის ყვავილებს ვნახავთ უკლებლად,
მერე წავალთ და ტყეების ჩრდილში
გაივშრიალებთ ნაკადულებად.
და წუთისოფლის დღენი იქნება,
ზოგჯერ ჭრელი და ზოგჯერ ერთფერი... ხევებს მდინარედ ვიდინებთ, მერე
ოკეანეებს შევუერთდებით.
ქარიშხლებს ვნახავთ, ზვირთებს სიცოცხლის,
ვნახავთ სამყარო, როგორ იკივლებს.
იქნება, როცა სული და მკლავი.
მზის სხივებში, რომ გაილივლივებს.
იქ, მაღლა ჯვართან, უფალთან ახლოს
ზეცა ცრემლია, თითქოს სოველი...
დაბლა, უკვდავი ხატება სახლობს
ვარდი სილაში - სვეტიცხოველი.
სადღაც ვიწყებით, სადღაც ვმთავრდებით,
ასეა ბუნება უფლის და ღმერთის
ორნი არაგვნი და მზე და მთვარე
ცაში და მიწაზე ერთმანეთს ერთვის.
19.02. 2026.
