15/12/2022
ანზორ ერქომაიშვილის სახელობის საკონცერტო დარბაზში ანსამბლ “ერქვანის” წლის შემაჯამებელი კონცერტი ჩატარდა.
ვაჟთა ფოლკლორული გუნდი “ერქვანი“ 2001 წელს ქართული ფოლკლორის მოსწავლეთა სასახლეში, მუსიკალური სკოლის ბაზაზე შეიქმნა. არსებობის მანძილზე „ერქვანმა“ მრავალ წარმატებას მიაღწია - ანსამბლი არის მრავალი ეროვნული თუ საერთაშორისო ფესტივალების ლაურეატი, პროფკავშირების პრემიის ლაურეატი, სახელმწიფო დიპლომის: „V ვეგა“ მფლობელი. “ერქვანი“ საერთაშორისო ფესტივალების ოთხგზის გრანპრის მფლობელია.
ანსამბლი სიმღერის გარდა სხვადასხვა კუთხისა და კილოს საგალობლებს ასრულებს. 2009 წელს საპატრიაქოს მიერ ანსამბლს ქართული კულტურის დესპანის წოდება მიენიჭა.
გუნდის ხელმძღვანელი და ლოტბარი კახაბერ შაქიშვილი თბილისის სახელწიფო კონსერვატორიის კურსდამთავრებულია საგუნდო-სადირიჟორო სპეციალობის განხრით. იგი ბავშვობიდან ანსამბლ „მართვეში” მღეროდა. კახაბერ შაქიშვილი შემდგომში სახელმწიფო საგუნდო კაპელას და სახელმწიფო აკადემიურ ანსამბლ „რუსთავის” წევრი გახლდათ.
ანსამბლ “ერქვანს” ვულოცავთ, წარმატებულ და ნაყოფიერ შემოქმედებით მოღვაწეობას ვუსურვებთ.
ანზორ ერქომაიშვილის სახელობის საკონცერტო დარბაზისა და ანზორ ერქომაიშვილის სახელობის საქართველოს ხალხური სიმღერის ანსამბლ “მართვეს” ადმინისტრაცია.
ანსამბლი ,,ერქვანი"
