An Taigh Cèilidh

09/09/2026

Bidh taic ga luchd ionsachaidh na Gaidhlig a toiseachadh an ath mhios. Diardaoine san Taigh Ceilidh agus Diluain air loidhne.

05/09/2026

Fear de na stuirichean againn aig obair latha.

04/09/2026

'S càm a' ghaoth nach eil ann an seol feareigin.

Theid dualchas an aghaidh na creig.
Ged nach bu mhath le mhuinntir.

Seanfhacail a bha aig tè Charlabhaigh dhuinn an diugh.

03/09/2026

Thàinig Rob agus Yuki às an Eilean Mhannin thugainn an diugh. Tha e math bhith cumail nan ceanglaichean bha uaireigin cho làidir eadar na h-eileanan. Nuair bha sinne fon aon fhuaim, nar part de The Kingdom of Man and the Isles, fo Righ Lochlann. Tha cathar ga na h-Eileannan an Iar san Tynwald am pàrlamaid Mhannin. Cò shuidh innte bho deireadh?

02/09/2026

Tha laboratory againn an diugh. Thàinig an cànanaiche Paul MacGuire à Oilthigh Taiwan dhan eilean a’ rannsachadh articulation phonetics. Bidh sensors a dol air carbaird, beul agus teanga nan daoine airson obrachadh a mach mar a thathas a deanamh na fuaimean annasach a tha ann an dualchaint Leòdhais. Bidh Paul an seo gu Disathairne ma tha ùidh aig duine san obair aige. Bidh animation a tighinn a rithist. Tha e cuideachd an duil a bhith toirt adhartas air a chuid Ghaidhlig or san as an Eilean Sgiathanach a bha a sheanmhair. Paul McGuire

01/09/2026

Nach sinn a bha fortanach agus am pìobaire Duncan MacKenzie againn a cluich puirt fad an latha an dè. Bha dà bhuidheann luchd-turais a staigh a thàinig a Steòrnabhagh air an soitheach mòr am Bolette. Bha am pìobaire a farpais an cois dithis eile à Alba, aig Fèis Lourient a riochdachadh Alba, a cluich puirt Albanach, Eirinneach agus ceòl às a Bhreatainn Bhig. Tha gu leòr de luchd-turais nam bàtaichean ag aithneachadh Sheumais bho bhiodh e air tour air feadh an t-saoghal leis a’ chòmhlan Breabach. Tha sinn cho fortanach pìobaire dòigheil ga leithid a bhith a tighinn le puirt, seanchas agus e fìosrachail mu iomadh taobh de cheàrd.

29/08/2026

Amhran Luadh bho Na Lochan aig National Celtic Folk Festival, Portarlington an Astralia. Dh'ionnsaich na boireannaich na facail nar cois air loidhne. Gur math a chaidh iad ris.

Donald Mackenzie ‘Jasper’ (Dòmhnall Choinnich Eachainn), 2 Shieldinish a bha sna Siophartaich air an t-slighe dhan Eiphet aig Am Cogadh nam Boars mu 1900. Rinn a mhathar Seonaid na rannan seo.

Amhran Jasper Seist:
Ille dhuinn gur tù bu toigh leam,
Co-dhiù theireadh càch e,
Ille dhuinn gur tù bu toigh leam.

1 Ille dhuinn a dh’ fhàlbh Diluain
’S a dh’fhàg fo ghruaim do mhàthair.

2 Siud far an robh na gillean sgoineil
De Chlann Choinnich a bha iad.

3 Siud far an robh na gillean ciàtach
Bha deich cheud air march dhuibh.

4 Bha iad ann de gach seòrsa
Dòmhnallaich is MacKays

5 Sibh mar chaoraich ann am buaile
Sibh cuartaich air ar bràighean.

6 Sibh mar chaoraich ann am faing,
’S na nàimhdean is iad làmh ribh

7 Is òg leam chaidh thu seachad,
Fo bhratach na bàn-righinn.

8 Smaointean ort le cion a’ bhùrn
’S tu muigh air cùl an fhàsaich,

9 Smaointean ort bhith san leabaidh
Nad shìneadh anns na blàran.

10 Smaointean ort fo chlaidheimh rùisgt
’S e siud a chrùb gu làr mi,

11 ’S truagh nach robh mi air do chùl
Leis a’ bhùrn nach tràghadh.

12 ’S truagh nach robh mi air do bheulaibh
Leis a’ bhiadh nam làmhan,

13 ’S nam biodh agam sgiathan peucaig
Dhan Èipheit gun snàmhain.

14 Dheidhinn deas air a’ Mhuir Ruadh
Le gaoth tuath nam fhàbhar,

15 Dheidhinn gu gearasdan Cheiro
B’ èibhinn leam an t-àite.

https://www.youtube.com/watch?v=UzzMZda9tq8&authuser=0A

Linn formed this group to perform a set of waulking songs from the ...

27/08/2026

Dealbhan bhon an t-sheachdain a chaidh. Bidh sinn fosgailte an ath sheachdain Diluain 31mh, Diardaoin 3mh agus Dhaoine 4mh airson buidhnean luchd turais agus ceol.

24/08/2026

Seumas Mac A' Ghobhainn a Balantrushal a bhios aig consairt nan oigridh Dihaoine aig a 2f. Piobaireach, puirt eile agus amhrain.
Le taic bho

23/08/2026

Chaochail Mòrag Tràidhnear a bha na òide cànan aig City Lit ann an Lunainn. B’ ann à Uibhist a Deas a bha a màthar. Rugadh Mòrag ann an Glaschu agus thogadh i ann an Sasainn. Dh’ ionnsaich i a Ghàidhlig aig an City Lit an Holborn an Lunainn. Chaidh ise i fhèin a luib an iomairt clasaichean Gàidhlig a chumail aig an City Lit an Lunainn.
Bha Mòrag na tosgaire airson a’ Ghàidhlig agus daingean airson a chànan a chumail beò. Bidh ionndrainn mòr oirre a measg nan oileanaich a bha sna clasaichean aice thar nam bliadhnaichean.

Mòrag Tràidhnear leis a’ chlas ann 2015 agus an sgrìobhadair Meg a thàinig air chuairt.